लूका 3:3 - घले नयाँ करार

³ यूहन्‍ना पाप-क्षमाजे लागि पश्‍चात्तापजे बप्‍तिस्‍माजे बारेने प्रचार चीदे-चीदे यर्दन होङ्जे ती-छो का-मुलुक क्‍यूत्‍देबे योङ्‍रदे।

लूका 3:3 ပူးပေါင်းရင်းမြစ်များ

मत्ती 3:11

“पश्‍चात्ताप चीत्‍देबे परमेश्‍वरतेले ल्‍वारजे लागि ङैदे नमयूने क्‍यूजे बप्‍तिस्मा पीन्‍क्‍य, तर ङ यली ङ्येदे रब झन् ङ यली थेप् शक्तिशाली ख्‍यङ्, ङूजे पूङ्‍गीजे तन फाब लायकजेये ङ त्‍वो। ङूदे नमयूने पवित्र आत्माप्रे मीदे बप्‍तिस्मा पीन्‍क्‍य।

लूका 1:16

ङूदे इस्राएलजे कूम छगूम्-पूर्‌गूम्यूने थमयूजे परमप्रभु परमेश्‍वरतेले ल्‍वारेब काम चीक्‍क्य।

लूका 1:77

ङूजे मीयूने पाप-क्षमा चीत्‍देबे मुक्तिजे ज्ञान पीनने,

लूका 4:1

येशू पवित्र आत्मादे पूरा फ्‍यादेबे यर्दन होङ्दे ल्‍वारदे, मेस्‍ये आत्मादे ङूने मी अन्‍टोङब चनमन नेने स्‍योल्‍गीदे।

यूहन्‍ना 1:28

अम्‍ब पो यर्दन होङ्जे तीप्‍ल्‍या बेथानियने क्‍यूर ख्‍य, हैयाने यूहन्‍नादे बप्‍तिस्मा पीन्‍न ख्‍य।

यूहन्‍ना 3:26

यूहन्‍नाजे स्यूस्स्यायू ङू ट्‌याने रदेबे लोत्‍दे, “गुरुज्‍यू, यर्दन होङ्जे तीप्‍ल्‍या नैप्रे सू ख्‍य, हम्‍ब मीजे बारेने नदे गवाही पीन्‍दे, ले, हम्‍ब मीदे बप्‍तिस्मा पीन्‍न ख्यङ्, मेस्‍ये मी क्‍वाने ङू ट्‌याने प्रेन ख्यङ्।”

मूल स्यूस्स्यायूजे कामजे किताब 13:24

ङू रयली खूम् बप्‍तिस्मा पीनब यूहन्‍ना रदे। ङूदे पश्‍चात्तापजे बप्‍तिस्माजे बारेने इस्राएलजे मीयू क्‍वानेने प्रचार चीत्‍दे।

मूल स्यूस्स्यायूजे कामजे किताब 19:4

मेस्‍ये पावलदे यदे, “यूहन्‍नादे पीनब बप्‍तिस्माब पश्‍चात्तापजे बप्‍तिस्मा ख्‍य। ङूजे ङ्येदे रीय यब मी, या येशू फ्‍याने विश्‍वास ची यदेबे ङूदे मीयूने य ख्‍य।”

मूल स्यूस्स्यायूजे कामजे किताब 22:16

जेम्से चैने गला चे? लङ् मेस्ये बप्‍तिस्मा कीन्, होर्‌दे येशूजे मीन् गोम्‍देबे रङ्सेजे पाप ठू।’