लूका 16:2 - घले नयाँ करार

² होर्‌दे मालिकदे ङूने कोदेबे यदे, ‘नैजे बारेने ङैदे चत्या पो त ख्यङ् हम्‍ब च? नैजे कामजे हिसाब ङैने स्‍ये। जेम्से मेस्‍ये न चजो-पजो चे प्रेस्‍स्‍ये त्‍वो।’

लूका 16:2 ပူးပေါင်းရင်းမြစ်များ

मत्ती 12:36

नमयूने ङ यीय, काम अन्‍लादेब पो सूमीयूदे क्‍यम्‍क्‍य, न्यायजे दिनने थमयूदे हम्‍ब पोजे लेखा पीन पर्‌दीय।

मत्ती 20:8

“कन्‍छ्वाब नूस्‍यूङ् क्यूट्‍टदे, हन्‍छ्वाब अङ्‍गुर रङ्जे नोबोदे रङ्सेजे काम फरब मी केन्‍ने यदे, मेलाने काम फरब मीयूने कोदेबे पात्‍ता ङ्येदे रबयूमेस्‍ये होर्‌दे नप्‍देने रबयूनेये थमयूजे मीला पीन्।

लूका 12:20

तर परमेश्‍वरदे ङूने यदे, “ओ मूर्ख, दीनी मून्देने नैजे प्राण कूबीय, मेस्‍ये कम्ब थोकयू नदे रङ्से लागि म्‍यूरे ख्यङ्, हम्‍ब सूजे क्‍यूर?’

लूका 12:42

प्रभुदे यदे, “बुद्धिमान मेस्‍ये भर्‌ पर्‌ते ख्‍वब कीम् लेब त्वो सू ख्यङ्? कीम् मालिकदे हम्‍ब त्वोने रङ्सेजे कीम् म्‍हीतीने तोक्‍तेब दिनसेमे थमयूजे भाने पर्‌देब चसे पीनने खेर्‌तीय?

लूका 16:1

येशूदे रङ्से स्यूस्स्यायूने यदे, “फ्‍योबो मीत्याजे चजो-पजो चेब मी त्‍या ख्‍य। ङूदे रङ्से मालिकजे धन-सम्पत्ति उर्‌दीन ख्यङ् यदेबे ङूजे विरुद्धने दोष लैदीक ख्‍य।

लूका 16:3

“होर्‌दे चजो-पजो चेब मीदे रङ्से सेम्‍ने मन्‍दे, ‘जेम्‍से ङ कर्‌चे, चेनेयलो ङैजे मालिकदे ङैजे काम लेन मैख्यङ्। खोदेबे-यूदेबे चब ङैजे बोङ् त्वो, स्‍य्वाने ङ त्‍वा ख्यङ्।

रोमी 14:12

येरेक्‍यूत्‍देबे ङीन क्‍वादेने रङ्सेदे चीक्‍कब कामजे हीसाब परमेश्‍वरने पीन पर्‌दीय।

१ कोरिन्थी 1:11

चेनेयलो, ङैजे अत-अची च्योन्‌यू, नमयूजे अन्‍द्रने च्‍य-फा क्‍यून्‍न ख्यङ् यब पो क्‍लोएजे म्हीत्‍तीदे ङैने स्‍य्‍वे ख्यङ्।

१ कोरिन्थी 4:2

हम्‍ब त्‍यामे दीलाबे, त्वो भर्‌ चे ख्‍वब खल्‍जे क्‍यूर पर्‌दीय यबये सोरो हर्‌जो ख्यङ्।

१ कोरिन्थी 4:5

येरेक्‍यूत्‍देबे तोक्‍दीयेब बीलयली खूम् सूनेये दोष अन्‍लैदीलाची, प्रभु अन्‍रदासेमे रेन्‍नू। ङूदे मून्‍दूङ्ने अन्‍तङ्लाबे नङ्सू क्‍यून्‍नब सेयू ओथ्याङ्ने तङ्लाबे चीम्‍मीय, मेस्‍ये मीजे सेम्जे पोयू तङ्लाबे चीम्‍मीय। हन्‍छ्वाब मी क्‍वादेने प्रेपर्‌देब स्यावास परमेश्‍वरदे पीन्‍क्‍य।

२ कोरिन्थी 5:10

चेनेयलो तीया ङीनयू क्‍वाने ख्रीष्‍टदे न्याय चेब नेजे खूम्‍ने मेर पर्‌दीय, येरे ङ्वने क्‍यूप्‍प मीयू क्‍वादेने रङ्सेदे चीक्‍कब ज्‍य या अन्‍ज्‍य काम अनुसारजे इनाम प्रेक्‍क्‍य।

१ तिमोथी 4:14

नैप्रे ख्‍यब बरजे ह्‍यल अन्‍चील्‍लाची। हम्‍ब बर एल्‍डरयूदे नैफ्‍याने ला येप्प अगमवाणी क्यम्देबे नदे प्रे ख्‍य।

१ तिमोथी 5:24

कोइ-कोइ मीयूजे पापब चेलाबे तङब क्‍यूक्‍क्‍य मेस्‍ये थमयू खूम्‍ने गल्‍ती चेब ठर्‌दीय। तर कोइजे पाप ङ्‍येदेम तङ्क्‍य।

१ पत्रुस 4:10

परमेश्‍वरजे अनुग्रह अनुसार क्वादेने थर्-थर्‌‌जे बर प्रेख्यङ्। रङ्सेदे प्रेब बर त्‍यादे-त्‍याजे भलोजे लागि‌ चील्‍ली।

१ पत्रुस 4:5

तर सोम्‍बो ख्‍यब मेस्‍ये सीयेबयूजे न्याय चेने तयार क्‍यून्‍नब परमेश्‍वरने थमयूदे रङ्से कामजे हिसाब पीन पर्‌दीय।

प्रकाश 20:12

होर्‌दे सीयेब केन्-चीद क्‍वाने सिंहासनजे खूम्‍ने मेर्‌नब ङैदे तङ्दे, मेस्‍ये किताबयू ल्‍वादे। सूजो किताबये त्‍या ल्‍वादे। हम्‍ब किताब जीया प्रेब मीयूजे मीन् थायेब किताब ख्यङ्। हम्‍ब किताबने लिख्दीयेब थमयूजे काम अनुसार‌ सीयेबयूजे न्याय क्‍यूत्‍दे।