लूका 12:4 - घले नयाँ करार

⁴ ङैजे ख्योन्‌यू, ङ नमयूने यीय, थमयू तङ्देबे अम्‍फलाची थमयूदे ङ्व त्‍या सेखूइय, तर होर्‌दे ङ्‍येदे सूजो चैये चे अन्‍खू।

लूका 12:4 ပူးပေါင်းရင်းမြစ်များ

मत्ती 10:28

सूदे ङ्वने नाश चेखूइय तर आत्माने नाश चेअङ्‍खू येर मीयूप्रे अम्‍फलाची। बरू आत्मा मेस्ये ङ्व ङ्हीनेने नरकने नाश चेख्‍वब परमेश्‍वरप्रे फ-पर्‌दीय।

यूहन्‍ना 15:13

रङ्से ख्‍योन्‍जे लागि रङ्सेजे प्राण पीनब केन् प्रेम ख्यङ् अम्‍बयली सूजो केन् प्रेम सूजेये अन्‍क्‍यूर्‌।

मूल स्यूस्स्यायूजे कामजे किताब 20:24

तर ङैजे रङ्से जीयाजे चैये ख्याल् अन्‍ची, मेस्‍ये ङ रङ्सेने माया अन्‍चील्‍लाबे रदे। परमेश्‍वरजे अनुग्रहदे सूगब खबरजे गवाही पीनने प्रब ङैजे काम मेस्ये प्रभु येशूदे पीनब ङैजे जिम्मा ङैदे पूरा चे खूस्‍य यदेबे, अन्छूत्यात्या मन ख्यङ्।

मूल स्यूस्स्यायूजे कामजे किताब 4:13

कन्‍छ्वाब थमयूदे पत्रुस मेस्ये यूहन्‍नाजे आँट तङ्दे, मेस्‍ये थमयू छ्‌य्‍वे अन्‍स्येब मामूली मीयू टूङ् यब था प्रेत्‍दे, हन्‍छ्वाब थमयू छक्‍के पर्‌दीदे, मेस्‍ये अम्‍बयू येशूप्रे-प्रे टूङयू टूङ् यदेबे थमयूदे था प्रेत्‍दे।

फिलिप्पी 1:28

नमयूजे विरोध चेबयूप्रे चैपोनेये अम्‍फलाची। थमयूजे लागि अम्‍ब नाश क्यूप्पब च्‍यूनू ख्यङ्, तर नमयूजे लागि अम्‍ब उद्धार प्रेबजे च्‍यूनू ख्यङ् हम्‍ब मुक्ति ब परमेश्‍वरदे पीन्‍क्‍य।

याकूब 2:23

“अब्राहामदे परमेश्‍वरने विश्‍वास चीत्‍दे, मेस्‍ये हम्‍ब विश्‍वासदे चीत्‍देबे ङू धार्मिकता ठर्‌तीदे”, यब पवित्र धर्मशास्त्रजे पो पूरा क्‍यूत्‍दे, येर्‌बे अब्राहाम परमेश्‍वरजे ख्‍योन् क्‍यूत्‍दे।

१ पत्रुस 3:14

तर कादेये ज्‍य काम चेजे लागि दु:ख भोक्‍ते पर्‌तीलीने परमेश्‍वरदे नमयूने असी पीन्‍क्‍य। हम्‍बयूदे धम्‍की पीन्‍ब फ अम्‍पर्‌ती, मेस्‍ये सूर्‌त चीन्‍न अम्‍पर्‌ती।

प्रकाश 2:10

नै फ्‍याने रमल्‍नब सकस्यूप्रे अम्‍फलाची। ले, नमयूजे विश्‍वास जाँच‍तेने नमयू नङ्जे कोइ मीयूने शैतानदे कैदने चङमल्‍न ख्यङ्, मेस्‍ये नमयूने च्‍यूर्‌यासेमेत्‍या सकस् क्‍यूक्‍क्‍य। न सीब पर्‌तीलीने विश्‍वास चेब क्‍यूरो, मेस्‍ये ङैदे नने जीयाजे मुकुट पीन्‍क्‍य।