यूहन्‍ना 9:24 - घले नयाँ करार

²⁴ हन्‍छ्वामेस्‍ये हम्‍ब खूम् म्‍या अन्‍तङ ख्‍यब मीने थमयूदे फेरि कोदेबे यदे, “परमेश्‍वरने महिमा पीन्। ङीने था ख्यङ् हम्‍ब मी पक्‍कने पापी ख्यङ्।”

यूहन्‍ना 9:24 ပူးပေါင်းရင်းမြစ်များ

मर्कूस 15:27

थमयूदे येशूप्रे खूमान् ङ्‌हीने खील् ठोक्‍दीदेबे क्रूसने पील्‍दे, त्‍याने येशूजे योन्‍देयोर्‌ मेस्‍ये त्‍याने स्येत्‍देयोर्‌।

लूका 15:2

“अम्‍ब मीदे पापीयूने ग्रहण चे टोङ् मेस्‍ये थमयूप्रे च थूङ चेटोङ्” यदेबे फरिसीयू मेस्‍ये पन्‍डेयू गन्‍गन् चे मैदे।

लूका 19:7

कन्‍छ्वाब मीयूदे अम्‍ब तङ्दे, थमयू क्वाने येरे यदेबे गन्गन् चेने सुरु चीत्दे, “येशू पापीजे कीम्ने ङ्येव क्यूत्देबे बास टूङने गीली।”

लूका 7:39

येशूने निम्‍तो चेब फरिसीदे अम्‍ब तङ्देबे सेम्‍ने येरे मन्‍दे, ‘‘ङू तम्दम्‍ने अगमवक्ता यलो ङूने छ्वेब सू मेस्‍ये कर खल्‍जे मदी यदेबे ङूदे से ख्यङ्दे, चेनेयलो ङू ब पापी ख्यङ्।”

यूहन्‍ना 14:30

जेम्‍से ङ नमयूप्रे कूम अन्‍क्‍यम्, चेनेयलो अम्‍ब संसारजे हुकुम चील्‍लेब रेन ख्यङ्। ङै फ्‍याने हम्‍बजे चै हकये त्‍वो।

यूहन्‍ना 16:2

थमयूदे नमयूने यहूदी सभा-कीम्‍यूदे योम्‍बीय। तम्दम्ने येर सेमे रेन ख्यङ्, कन्‍छ्वाब नमयूने सेब मीदे परमेश्‍वरजे सेवा चीन्‍न ख्यङ् यदेबे मन्‍क्‍य।

यूहन्‍ना 18:30

थमयूदे ङूने यदे, “कादेये अम्‍ब मी अपराधी तेयलो ङीदे नै ट्‌याने रेने अन्‍डे ख्यङ्दे।”

यूहन्‍ना 19:6

कन्‍छ्वाब पूस्‍र्‌या केन्‌यू मेस्‍ये सीन्त्रीयूदे ङूने तङ्दे, हन्‍छ्वाब थमयूदे येरे यदेबे बोङ्बे पारा पूत्‍दे, “क्रूसने खील् ठोक्दीदे हम्‍बने पील्‍पी, क्रूसने खील् ठोक्दीदे हम्‍बने पील्‍पी!” पिलातसदे थमयूने यदे, “अम्‍बने कूबदेबे नमयूदेने क्रूसने खील् ठोक्दीदेबे पील्, चेनेयलो ङूने चै दोषये अन्तू।

यूहन्‍ना 5:23

केर्‌बे थमयूदे पजे गेसेन् चीक्‍क्‍य, होरप्रने खोत्‍तादेने चने गेसेन् चीस्‍स्‍य, चेनेयलो चने गेसेन् अन्‍चेबदे ङूने कूल्‍बेब पनेये गेसेन् अन्‍ची।

यूहन्‍ना 8:46

नमयू नङ्ने सूदे ङैने पापजे दोष लैदेखूइया? ङैदे तम्दम् क्‍यम्‍न ख्यङ् यलो, नमयूदे ङैने चेने विश्‍वास अन्‍चे?

यूहन्‍ना 8:49

येशूदे जवाफ पीन्‍दे, “ङैने छेत् लादीक दी। ङ ङैजे पने गेसेन् चीक्‍क्‍य, तर नमयूदे ङैने गेसेन् अन्‍ची।

यूहन्‍ना 9:16

त्‍या ङ्ही फरिसीयूदे यदे, अम्‍ब मी परमेश्‍वरतेलेदे रब दी, चेनेयलो ङूदे यहूदीयूजे आराम टूङब दिन अम्‍मन्‍दी।” तर सूजोयूदे यदे, “पापी मीदे येर च्‍यूनूयू केरे चे खूदे?” मेस्‍ये थमयू त्‍यात्‍याने अन्‍थून क्‍यूरी।

यूहन्‍ना 9:25

ङूदे जवाफ पीन्‍दे, “ङू पापी ख्‍य यी त्‍वो, ङैने था त्‍वो। पो तीत्‍यात्‍या ङैदे स्‍ये ख्यङ्, यी ङ म्‍या अन्‍तङ ख्‍य, तर जेम्‍से तङख्यङ्।”

रोमी 8:3

पापी स्‍वभावदे मीने कमजोर चेब क्यूत्देबे मोशाजे नियमदे च चे अङ्‍खू हम्ब परमेश्‍वरदे चीम्‍मीदे। परमेश्‍वरदे रङ्से चने ङीन्‍जे ङ्वप्रेने ङीनजे पापजे लागि बलि क्‍यूरने कूल्‍बीदे येर्‌बे ङीन फ्‍याने राज्‍य चेब पापी स्वभावने नाश चीप्‍पीदे।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

प्रकाश 11:13

हन्‍छ्वाब सूङ्‍गू केन् गीली, मेस्‍ये सहरजे भा च्‍यूने भात्‍या हूली, मेस्‍ये सूङ्‍गू रदेबे हजार ङ्यी मी सेक्‍कदे। सूजो सोम्‍बो ख्‍यबयू फदे मेस्‍ये स्वर्गजे परमेश्‍वरने महिमा पीन्‍दे।