यूहन्‍ना 8:31 - घले नयाँ करार

³¹ येशूदे रङ्सेने विश्‍वास चेब यहूदीयूने यदे, “नमयूदे ङैजे वचनने विश्‍वास चीत्‍देबे मन्‍दीनूलो नमयू तम्दम्‍ने ङैजे स्यूस्स्या क्‍यूक्‍क्‍य।

यूहन्‍ना 8:31 ပူးပေါင်းရင်းမြစ်များ

मत्ती 24:13

तर आखिरीसेमे धेरेन् क्‍यूरब मीयूने बच्‍दीमीय।

यूहन्‍ना 1:47

येशूदे नथानेल रङ्से ट्‍याने रेनब तङ्देबे ङूजे बारेने यदे, “पक्‍क इस्राएलजे मीत्‍या ख्यङ्, ङूजे सेम्‍ने छलकपट त्‍वो।”

यूहन्‍ना 2:2

हम्‍ब ङ्‍येन्‍ने येशू मेस्ये ङूजे स्यूस्स्यायूनेये निम्‍तो पीनख्‍य।

यूहन्‍ना 6:55

चेनेयलो ङैजे ङ्व तम्दम्‍जे चसे ख्यङ्, मेस्‍ये ङैजे का तम्दम्जे थूङ से ख्यङ्।

यूहन्‍ना 8:36

येरेक्‍यूत्‍देबे चदे नमयूने छुटकारा पीन्‍देयलो पक्‍कने नमयू छुटकारा प्रेब क्‍यूक्‍क्‍य।

मूल स्यूस्स्यायूजे कामजे किताब 13:43

सभा जेङ्‍कङ्येदे कूम यहूदीयू मेस्‍ये यहूदी धर्म मन्‍देब मीयू पावल मेस्ये बारनाबासजे ङ्‍ये-ङ्‍ये रदे, मेस्‍ये थमयूदे थमयूप्रे बात् सेत्देबे येतार्‌ने परमेश्‍वरजे अनुग्रहने टूनू यदेबे बिन्‍ती चीत्‍दे।

मूल स्यूस्स्यायूजे कामजे किताब 14:22

स्यूस्स्यायूजे विश्‍वासने बोल्यो क्‍यूस्‍स्‍य यदेबे अर्ती पीन्‍दे, मेस्‍ये कूम सकस् सैदीदेबे ङीन परमेश्‍वरजे राज्‍यने क्‍योब पर्‌दीय यदेबे थमयूने लोम्‍मीदे।

मूल स्यूस्स्यायूजे कामजे किताब 26:22

दीनीजे दिनसेमे परमेश्‍वरदे ङैने साक्‍तीमे ख्यङ्। होरेक्‍यूत्‍देबे केन् चीद क्वानेने गवाही पीने-पीने ङ अने मेर्‌न ख्यङ्। अगमवक्तायूदे मेस्‍ये मोशादे क्‍यम्‍कब वचन पक्‍कने पूरा क्‍यूक्‍क्‍य यब पोत्यामे यदे, ङैदे सूजो चैये अन्‌-येक-

रोमी 11:22

येरेक्‍यूत्‍देबे परमेश्‍वरजे दया चेब मेस्‍ये कोङ सेम्‍ने ह्‍वे ची। आज्ञा अ‍म्मन्देयूने ङ्येम्स्‍ये त्‍वो, तर ङूजे दयाने टूनूदेयलो नने परमेश्‍वरदे दया तन्‍क्‍य, नत्रलो नेये चेबीय।

रोमी 2:7

धेरेन् क्यूत्देबे मीने ज्‍य चीम्मेब कामने ला-दीनूदेबे सूदे महिमा, इज्जत मेस्‍ये कलङ्बेये अन्सीबब जीया मल्‍क्‍य, परमेश्‍वरदे हम्‍बने कलङ्बेये अन्जेनब जीया पीन्‍क्‍य।

कलस्सी 1:23

तम्दम्ने नमयू रङ्से विश्‍वासने अन्‍क्यापीलाबे बोल्यो क्‍यून्‍नू, मेस्ये नमयूदे सूगब खबर ङ्‍यीन्‍देबे प्रेब आशा अन्‍क्यापीलाची। अम्‍ब सूगब खबर का-मुलुक संसारजे मीयूने स्‍योक्‍क ख्यङ्। ङ, पावल अम्‍ब सूगब खबर स्‍य्‍वेब त्वो क्‍यूर ख्यङ्।

१ तिमोथी 2:15

होरनेयलीने, ङू ज्‍य बनी व्यवहारप्रे विश्‍वास, प्रेम मेस्‍ये पवित्र क्यूत्देबे टूनूलो, पीच जन्‍मीदीब ङूने बच्‍दीमीय।

१ तिमोथी 4:16

रङ्सेजे बारेने मेस्ये रङ्सेदे लोम्‍मेब पोजे बारेने ज्‍य चङ्‍ख क्‍यूर्। अम्‍ब काम चीन्‍नूलो रङ्सेये मेस्ये रङ्सेजे पो ङ्यीनबयूनेये न्यायदे बच्दीय।

२ तिमोथी 3:14

तर नदे लोम्‍कब मेस्‍ये चेलाबे विश्‍वास चीक्‍कब अम्‍ब सत्य पोयूने बूल्‍ल्‍यो क्‍यूत्‍देबे विश्‍वास चीन्‍नू। हम्‍ब सूप्रे लोम ख्‍य, नने थाने ख्यङ्,

हिब्रू 3:14

कादेये ङीनदे चेब हम्‍ब खूम्जे विश्‍‍वास आखिरीसेमे बोङ्बे चूङ्नूदेयलो, ख्रीष्‍टदे प्रेब हकने ङीनये सामेल् क्‍यूर प्रेक्‍क्‍य।

हिब्रू 8:9

हम्‍ब करार ङैदे थमयूजे मेमेयूप्रे चेब करारप्र क्यूस्स्ये त्‍वो, कन्‍छ्वाब ङैदे थमयूजे लाने चूङ्देबे मीश्रदेशदे योन्‍डे ख्‍य, तर थमयू ङैदे चेब करारने भर् पर्‌ते ख्वब क्‍यूत्‍देबे अन्‍टूनू, होरेक्‍यूत्‍देबे ङैदे थमयूजे इच्‍छा अनुसार क्यापीदे, परमप्रभू य ख्यङ्।

याकूब 1:25

तर हम्‍ब मीयूने स्वतन्त्र पीनब सिद्ध नियम सूदे ङ्यीन्‍क्‍य मेस्‍ये मन्‍दीनीय, होर्‌दे ङ्यीन्‍देबे येल्‍बे दी, तर काम फरबये क्‍यूक्‍क्‍य, थमयूदे चेब कामने थमयूदेने असी प्रेक्‍क्‍य।

१ यूहन्‍ना 2:19

थमयू ङीनट्‍यादे योङ्देबे गीली, चेनेयलो थमयू ङीनजे ते ख्‍य। कादेये थमयू ङीनजे यलो थमयू ङीनप्रेने टूङख्यङ्दे, तर थमयू क्‍वाने ङीनजे ते टूङ् यब पो तम्‍मेने थमयू योङ्देबे गीले ख्यङ्।

१ यूहन्‍ना 2:24

कम्‍ब पो नमयूदे सुरुमेस्‍येने त ख्‍य हम्‍ब पो नमयूप्रे क्‍यून्‍नूस्‍य। कादेये सुरुमेस्‍येने तब हम्‍ब पो नमयूजे सेम्‍ने येन्‍नूदे यलो नमयूप्रे प मेस्‍ये च क्‍यूक्‍क्‍य।

२ यूहन्‍ना 1:9

ख्रीष्‍टदे लोम्‍मेब शिक्षाने अम्‍मन्‍दीलाबे सूजो शिक्षा मन्‍देब मीयूप्रे परमेश्‍वर क्यूस्स्ये त्‍वो, तर ख्रीष्‍टदे लोम्‍मेब शिक्षा मन्‍दीनब मीप्रे प परमेश्‍वर मेस्‍ये ङूजे च थम फीनीने क्‍यूक्‍क्‍य।