यूहन्‍ना 8:24 - घले नयाँ करार

²⁴ ङैदे नमयूने यदे, ‘नमयू रङ्से पापदे सीबीय’, चेनेयलो ङ हम्‍बने ख्यङ् यदेबे नमयूदे विश्‍वास अन्चीत्‍देयलो रङ्सेजे पापने सीबीय।”

यूहन्‍ना 8:24 ပူးပေါင်းရင်းမြစ်များ

मत्ती 24:5

चेनेयलो कूम मी ‘ङ ख्रीष्‍ट न’ यदेबे ङैजे मीन्‍ने रीय, मेस्‍ये कूम मीयूने छाक्‍तीय।

मर्कूस 13:6

कूम मीयू ङैजे मीन्‍ने ‘ङने ख्रीष्‍ट ख्यङ् यदेबे रीय’ मेस्‍ये थमयूदे कूम मीयूने छाक्‍दीय।

मर्कूस 16:16

येशूने विश्‍वास चीत्‍देबे बप्‍तिस्मा कीनब मीदे मुक्ति प्रेक्‍क्‍य। तर सूदे ङूने विश्‍वास अन्‍ची ङू दोषी क्‍यूक्‍क्‍य।

लूका 21:8

येशूदे यदे, “होस्स्यार ची, नमयूने सूदेये अम्फस्तीस्‍य। चेनेयलो कूम मीयू ङैजे मीन्‍ने ‘ङ ङूने ख्यङ्’ मेस्‍ये ‘सेमे ट्‌याने रख्यङ्,’ यदेबे यीय। थमयूजे ङ्येदे नमयू अन्‍लादीलाची।

यूहन्‍ना 13:19

“अम्‍ब क्‍यूरयली खूम् चूजोने ङ नमयूने यीय, चेनेयलो कन्‍छ्वाब हम्‍ब क्यूट्‍टीय, नमयूदे ङ ङू टूङ् यदेबे विश्‍वास चे खूस्‍य।

यूहन्‍ना 3:18

ङू फ्‍याने सूदे विश्‍वास चीक्‍क्‍य, हम्‍बने दोष अन्‍लैदी, तर विश्‍वास अन्‍चेबयू खूम्‍ने दोष लैदीक ख्यङ्, चेनेयलो ङूदे परमेश्‍वरजे तीत्‍यात्‍या चजे मीन्‍ने विश्‍वास अन्‍ची।

यूहन्‍ना 3:36

परमेश्‍वरजे च फ्‍याने विश्‍वास चेब मीप्रे कलङ्बेये अन्‍सीबब जीया ख्यङ्, तर चजे आज्ञा अम्मन्देब मीदे कलङ्बेये अन्सीबब जीया प्रेस्‍स्‍ये त्‍वो। तर परमेश्‍वरजे छी ङूफ्‍याने पर्‌दीनीय।

यूहन्‍ना 4:26

येशूदे ङूने यदे, “नैप्रे क्यम्‍नब ङ ङूने ख्यङ्।”

यूहन्‍ना 8:21

ङूदे फेरि थमयूने यदे, “ङ यैयादे थे चेकीय, मेस्‍ये नमयूदे ङैने मल्‍क्‍य, होर्‌दे नमयू रङ्से पापने सीबीय। ङ केने प्रीय होने नमयू र अन्खू।”

यूहन्‍ना 8:25

थमयूदे ङूने लोत्दे, “न सू?” येशूदे थमयूने यदे, “ङ सू यदेबे ङैदे खूम्‍मेस्‍येने नमयूने येन ख्यङ्।

यूहन्‍ना 8:28

येरेक्‍यूत्‍देबे येशूदे यदे, “कन्‍छ्वाब नमयूदे मीजे चने तो क्रूसने लङ्क्‍य, हन्‍छ्वाब ङ हम्‍बने टूङ् यदेबे नमयूदे स्‍येय, मेस्‍ये ङ रङ्सेजे इच्छादे चेये अन्‍ची, तर पदे लोम्‍मेब पोयू ङैदे क्‍यम टोङ् यदेबे स्‍येय।

यूहन्‍ना 8:58

येशूदे थमयूने यदे, “तम्दम्ने ङ नमयूने यीय, अब्राहाम जन्मीदेयली खूम्‍देमेस्‍येने ङ ख्‍य।”

मूल स्यूस्स्यायूजे कामजे किताब 4:12

“सूजो सूदेये मुक्तिपीन अन्‍खू, चेनेयलो ङीनदे मुक्तिप्रेने स्वर्ग नङ्ने मीयूने सूजो चे मीन्‌ये अम्‍पीनी।”

हिब्रू 12:25

होस्स्यार क्यूत्देबे टूङ्, नमयूप्रे क्यमबजे केने अम्मन्दे अन्चील्‍लाची। अम्ब पृथ्वीने बोङ्बे आर्‌तेबने अम्‍मन्देब इस्राएलीयू प्लीने अम्प्रे यलो झन् स्वर्गदे क्यमबने अम्मन्दीदे यलो ङीनजे अवस्था करम क्यूक्‍क्य?

हिब्रू 2:3

येर सोरो केन् मूक्ति प्रेब पोने मतलब अन्‍चीत्‍देयलो ङीन केरे प्‍लीम्‍ब प्रेक्क्य स्‍व? अम्‍ब मुक्तिजे पो प्रभूदे खूम्‍ने स्‍योक्‍क ख्‍य। प्रभूजे वचन ङ्‍यीन्‍कबयूदे अम्‍ब तम्दम् ख्यङ् यदेबे ङीने पक्‍क चीम्‍मीदे।