यूहन्‍ना 8:20 - घले नयाँ करार

²⁰ अम्‍ब पो ङूदे मन्दिरने शिक्षा लोम्मीनूब भेटी प्‍वेब बक्स ट्‌याने य ख्‍य, होर्‌दे ङूने सूदेये अन्‍चूङ्, चेनेयलो ङूजे बील अझ अन्‍र ख्‍य।’

यूहन्‍ना 8:20 ပူးပေါင်းရင်းမြစ်များ

मत्ती 26:55

हम्‍ब बीलने येशूदे मीयूने यदे, “च ङ डाँकू मनऔ, नमयू पीर्‌ग मेस्ये पार्‌ज्‍या टेल्‍देबे ङैने चूङ्‍रया? ङ दीनजेने मन्दिरने टूङ्देबे शिक्षा लोम्‍मीब, खै नमयूदे ङैने अन्चूङ्।

मत्ती 27:6

तर केन् पूस्‍र्‌यायूदे हम्‍ब चाँदीजे मन्‍द्रमूली थादेबे यदे, “अम्‍ब मन्‍द्रमूली ढूकूटीने येब ज्‍य अन्क्‍यूर् चेनेयलो अम्‍ब काजे लू ख्यङ्।”

मर्कूस 12:41

येशू मन्दिरने भेटी प्‍वेब नेजे खूम्‍ने टूङ्दे, मेस्‍ये मी हुलदे भेटी प्‍वेब नेने भेटीयू प्‍वेब लेत्‍दे। कूम फ्‍योबो मीयूदे कूम कूम भेटी पूत्‍दे।

मर्कूस 12:43

होर्‌दे येशूदे ङूजे स्यूस्स्यायूने कोदेबे यदे, “तम्दम् पो ङ नमयूने यीय, भेटी प्‍वेब नेने सूजो मीयूदे यली अम्‍ब प्‍ल्‍यङ् सीयेब दूख्‍प्रे मदीदे पात्‍ता थेप् भेटी प्‍वे ख्यङ्।

लूका 20:19

होर्‌दे पन्‍डेयू मेस्‍ये पूस्‍र्‌या केन्‌यूदे हम्‍ब बीलने येशूने चूङ मैदे। थमयूने था ख्यङ् यी अम्‍ब उखान थमयूजे विरुद्धने य ख्यङ् तर थमयू मीयूप्रे फख्‍य।

लूका 21:1

येशूदे लेप्‍प फ्‍योबो मीयूदे रङ्से-रङ्से भेटी मन्‍दिरजे बक्‍सने प्‍वेब तङ्दे।

यूहन्‍ना 10:39

हम्‍बयूदे फेरि ङूने चूङमेदे, तर ङू थमयूजे लादे प्‍लीनीदे।

यूहन्‍ना 2:4

येशूदे ङूने यदे, “ओ माइ, ङैदे च चे पर्‌दे ङैने अन्‌-यलाची। ङैजे काम चेब बील अझ अन्‍र।’

यूहन्‍ना 7:14

दीन्बरजे अन्द्रताने येशू यहूदीयूजे मन्दिर नङ्ने क्‍योइदे, मेस्‍ये शिक्षा पीदे।

यूहन्‍ना 7:30

अम्‍ब पो तदेबे थमयूदे ङूने चूङ मेदे, तर सूदेये चूङने अन्खू, चेनेयलो अझ ङूजे बील अन्‍र ख्‍य।

यूहन्‍ना 7:44

थमयू नङ्जे कोइदे ङूने चूङ मेदे, तर ङू फ्‍याने सूदेये चूङने ला अम्‍पूइ।

यूहन्‍ना 7:8

नमयू अम्‍ब दीन्बर मन्‍देने प्र। ङ अम्‍ब दीन्बर मन्‍देने अम्‍प्र, चेनेयलो ङैजे सेमे चूजोसेमे अम्‍फ्‍योर ख्यङ्।”

यूहन्‍ना 8:2

नप्‍मून्‍देने ङू फेरि मन्दिरने गीलीदे, मेस्‍ये मीयू क्‍वाने ङू ट्‌याने रदे, होर्‌दे ङू टूङ्दे, मेस्‍ये थमयूने शिक्षा पीन्‍दे।

यूहन्‍ना 8:59

होर्‌दे ङूने ठरेने थमयूदे लूङ् थादे, तर येशू छ्‌यूप्‍देबे मन्दिरदे फीने योङ्देबे गीलीदे।