47 तम्दम्ने ङ नमयूने यीय, सूदे ङैने विश्वास चीक्क्य ङूप्रे कलङ्बेये अन्सीबब जीया ख्यङ्।
होर्दे जीया चब मेस्ये ङैने विश्वास चेब सूत्याये कलङ्बेये सीबस्ये त्वो। न अम्ब पोने विश्वास चीक्क्या?”
जेम्से छीत्त्या ङ्येदे संसारजे मीयूदे ङैने कलङ्बेये तङ्स्ये त्वो, तर नमयूदे ङैने तङ्क्य। ङ सोम्बो क्यूरबदे, नमयूये सोम्बो क्यूक्क्य।
“चेनेयलो परमेश्वरदे संसारने येर प्रेम चीत्दे, यी ङूदे रङ्सेजे तीत्यात्या ख्यब चये पीन्दे, ङू फ्याने विश्वास चेब सूये नाश अन्क्यूप्पस्य, तर हम्बदे कलङ्बेये अन्सीबब जीया प्रेस्स्य।
ङू फ्याने सूदे विश्वास चीक्क्य, हम्बने दोष अन्लैदी, तर विश्वास अन्चेबयू खूम्ने दोष लैदीक ख्यङ्, चेनेयलो ङूदे परमेश्वरजे तीत्यात्या चजे मीन्ने विश्वास अन्ची।
परमेश्वरजे च फ्याने विश्वास चेब मीप्रे कलङ्बेये अन्सीबब जीया ख्यङ्, तर चजे आज्ञा अम्मन्देब मीदे कलङ्बेये अन्सीबब जीया प्रेस्स्ये त्वो। तर परमेश्वरजे छी ङूफ्याने पर्दीनीय।
तम्दम्ने ङ नमयूने यीय, सूदे ङैजे वचन ङ्यीन्क्य मेस्ये ङैने कूल्बेब फ्याने विश्वास चीक्क्य, हम्बप्रे कलङ्बेये अन्सीबब जीया क्यूक्क्य। ङूने दोष अन्लैदी, तर ङूदे सीब अम्-पर्देब जीया प्रेक्क्य।
नाश क्यूप्पब चसेजे लागि कूम छेम्प्रे अन्चील्लाची, तर कलङ्बेये अन्सीबब जीयासेमे टूङब चसेजे लागि छेम्प्रे ची ‘मीजे चदे’ नमयूने अम्ब पीन्क्य। चेनेयलो परमेश्वर पदे ङू फ्याने रङ्सेजे छाप पूदे ख्यङ्।”
चेनेयलो ङैजे पजे इच्छा अम्ब ख्यङ्, “रङ्से चने लेब मेस्ये ङू फ्याने विश्वास चेब क्वादेने कलङ्बेये अन्सीबब जीया प्रेस्स्य, मेस्ये ङ आखिरीजे दिनने हम्बने सोम्बो चीक्क्य।”
स्वर्गदे तल्लब क्यङ् अम्ब ख्यङ्, सूदे अम्ब चीय ङू सीबस्ये त्वो।
स्वर्गदे रब जीया पीनब क्यङ् ङने ख्यङ्। अम्ब क्यङ् चब मीदे येतार्ने जीया प्रेन्नीय। ङैदे पीनब हम्ब क्यङ्ब ङैजे ङ्व ख्यङ्। संसारजे मीयूदे जीया प्रेस्स्य यदेबे ङ ङैजे ङ्व पीन्क्य।”
ङैजे ङ्व चब मेस्ये ङैजे का थूङबप्रे कलङ्बेये अन्सीबब जीया ख्यङ्, मेस्ये आखिरीजे दिनने ङूने ङ सोम्बो चीक्क्य।
स्वर्गदे रब क्यङ् अम्ब ख्यङ्, अम्ब नमयूजे मेमेयूदे चब क्यङ्प्र दी। थमयूदे हम्ब चदे होर्दे सीइदे। तर ङैदे पीनब क्यङ् चब मी कलङ्बेये अन्सीब।”