यूहन्‍ना 6:27 - घले नयाँ करार

²⁷ नाश क्‍यूप्‍पब चसेजे लागि कूम छेम्‍प्रे अन्‍चील्‍लाची, तर कलङ्बेये अन्‍सीबब जीयासेमे टूङब चसेजे लागि छेम्‍प्रे ची ‘मीजे चदे’ नमयूने अम्‍ब पीन्‍क्‍य। चेनेयलो परमेश्‍वर पदे ङू फ्‍याने रङ्सेजे छाप पूदे ख्यङ्।”

यूहन्‍ना 6:27 ပူးပေါင်းရင်းမြစ်များ

मत्ती 17:5

पत्रुसदे येर्‌बे पो चीन्‍न चीन्‍नने चकिलो मूक्‍पदे थमयूने उप्‍कीदी, मेस्‍ये हम्‍ब मूक्प नङ्दे के त्‍या तैरदे, “ङू ङैजे छेब च ख्यङ्, ङ ङूप्रे सोरो सूग ख्यङ्, ङूजे पो ङ्‍यीन्।”

मत्ती 25:46

“होर्‌दे थमयूदे कलङ्बेये अन्‍जेनब सजाइ प्रेक्क्य, तर धर्मीयूब कलङ्बेये अन्सीबब जीयाने क्योबीय।”

मत्ती 3:17

हन्‍छ्वाब स्वर्गदे येर आवाज त्‍या तैरदे, “अम्‍ब ङैजे छेब च ख्‍यङ्, ङू तङ्देबे ङ सोरो सूग ख्‍यङ्।”

मत्ती 6:19

“पृथ्वीने रङ्सेजे लागि धन सम्‍पत्ति अन्स्वालाची, अन्यने बू लादीय, चोत्‍दे चीय मेस्‍ये खूमान्‍दे कीम् पर्‌देबे खूकीय।

मत्ती 8:20

येशूदे ङूने यदे, “ओवजे टूङब भोङ् क्‍यूक्‍क्‍य मेस्‍ये मूने स्‍यूनब ययूजे चङ् क्‍यूक्‍क्‍य, तर मीजे चजे लागि ट ङ्‍येलब नेत्‍याये त्‍वो।”

मर्कूस 1:11

होर्‌दे स्‍वर्गदे येर के त्‍या तैरदे, “न ङैजे छेब च ख्यङ्। नेप्रे ङ सोरो सूग ख्यङ्।”

मर्कूस 9:7

होर्‌दे मूक्‍प रदेबे थमयूने उप्कदे, मेस्‍ये मूक्‍प नङ्दे के त्‍या तैरदे, “अम्‍ब ङैजे छेब च ख्यङ् नमयूदे ङूजे वचन ङ्‌यीनो।”

लूका 3:22

पवित्र आत्‍मा ङ्वजे रूप्ने धोङ्‍रप्र ङूजे फ्‍याने ‍रदे। होर्‌दे स्‍वर्गदे येर के त्‍या तैरदे, “न ङैजे छेब च ख्यङ्, ङ नैप्रे सोरो सूग ख्यङ्।”

लूका 9:35

होर्‌दे मूक्‍पदे येर यब आवाज त्‍या योङ्‍रदे, “ङू ङैजे च ख्यङ्, ङूने ङैदे सेल ख्यङ्। ङूजे वचन ङ्‍यीन्।”

यूहन्‍ना 10:28

थमयूने ङ कलङ्बेये अन्सीबब जीया पीन्‍क्‍य, होर्‌दे थमयू कलङ्बेये नाश अन्‍क्‍यूप्‍प, मेस्‍ये थमयूने सूदेये ङैजे लादे लेन्के अन्खू।

यूहन्‍ना 11:42

नदे ङैजे बिन्ती येतार्‌ने ङ्‍यीन्क्य यदेबे ङैदे स्‍ये ख्यङ्। तर येने मेर्‌नब मी हुल‍जे लागि ङैदे अम्‍ब य ख्‍य, यी नदे ङैने कूल्‍बे ख्यङ् यदेबे अम्‍बयूदे विश्‍वास चीस्‍स्‍य।”

यूहन्‍ना 14:6

येशूदे ङूने यदे, “लम्, सत्य मेस्ये जीया ङने ख्यङ्। ङैजे लम् क्‍यूत्‍देबे अम्‍प्रदासेमे सूये प ट्‌याने र अन्खू।

यूहन्‍ना 15:24

कादेये सूदेये अन्चीक्‍कब काम ङैदे थमयूजे अन्द्रदे अन्चीक्‍क यलो थमयू पापजे दोष प्रेब अन्‍क्‍यूर ख्यङ्दे। तर जेम्‍से थमयूदे ङैप्रे ङैजे प, ङी ङ्हीनेने तङ्‍क ख्यङ् मेस्‍ये ह्‍यल चे ख्यङ्।

यूहन्‍ना 17:2

चेनेयलो नदे ङूने मीयू फ्‍यानेने हुकुम चील्‍लेब चीम्‍मे ख्यङ्, मेस्‍ये नदे ङूने पीनब मीयू क्‍वानेने ङूदे पीन्‍स्‍य।

यूहन्‍ना 3:15

येर्‌बे ङू फ्‍याने विश्‍वास चेब क्‍वादेने कलङ्बेये अन्सीबब जीया प्रेक्‍क्‍य।

यूहन्‍ना 3:33

ङूजे गवाही पत्‍तेब मीदे परमेश्‍वर सत्य ख्यङ् यब पोजे गवाही पीन्‍क्‍य।

यूहन्‍ना 6:40

चेनेयलो ङैजे पजे इच्छा अम्‍ब ख्यङ्, “रङ्से चने लेब मेस्‍ये ङू फ्‍याने विश्‍वास चेब क्‍वादेने कलङ्बेये अन्सीबब जीया प्रेस्‍स्‍य, मेस्‍ये ङ आखिरीजे दिनने हम्‍बने सोम्‍बो चीक्‍क्‍य।”

यूहन्‍ना 6:47

तम्दम्‍ने ङ नमयूने यीय, सूदे ङैने विश्‍वास चीक्क्य ङूप्रे कलङ्बेये अन्सीबब जीया ख्यङ्।

यूहन्‍ना 6:51

स्वर्गदे रब जीया पीनब क्‍यङ् ङने ख्यङ्। अम्‍ब क्‍यङ् चब मीदे येतार्‌ने जीया प्रेन्‍नीय। ङैदे पीनब हम्‍ब क्‍यङ्ब ङैजे ङ्व ख्यङ्। संसारजे मीयूदे जीया प्रेस्‍स्‍य यदेबे ङ ङैजे ङ्व पीन्‍क्‍य।”

यूहन्‍ना 6:53

मेस्‍ये येशूदे थमयूने यदे, “तम्दम्‍ने ङ नमयूने यीय, नमयूदे मीजे चजे ङ्व अन्‍चलो, होर्‌दे ङूजे का अन्‍थूङ्लो नमयूदे जीया प्रेस्‍स्‍ये त्‍वो।

यूहन्‍ना 6:54

ङैजे ङ्व चब मेस्‍ये ङैजे का थूङबप्रे कलङ्बेये अन्सीबब जीया ख्यङ्, मेस्‍ये आखिरीजे दिनने ङूने ङ सोम्‍बो चीक्‍क्‍य।

यूहन्‍ना 6:58

स्वर्गदे रब क्‍यङ् अम्‍ब ख्यङ्, अम्‍ब नमयूजे मेमेयूदे चब क्‍यङ्प्र दी। थमयूदे हम्‍ब चदे होर्‌दे सीइदे। तर ङैदे पीनब क्यङ् चब मी कलङ्बेये अन्‍सीब।”

यूहन्‍ना 6:62

होरेयलो मीजे चने खूम् रङ्से ख्‍यब नेने तो ल्‍वाबीनब तङ्दे यलो च-चीक्‍क्‍य?

यूहन्‍ना 6:68

सिमोन पत्रुसदे जवाफ पीन्‍दे, “प्रभु, ङी सू त्‍याने प्र? कलङ्बेये अन्सीबब जीयाजे वचन नैप्रे ख्यङ्,

यूहन्‍ना 8:18

ङैजे बारेने ङ रङ्सेने गवाही पीन्‍क्‍य, मेस्‍ये ङैने कूल्‍बेब पदे ङैजे बारेने गवाही पीन्‍क्‍य।”

मूल स्यूस्स्यायूजे कामजे किताब 10:38

यी परमेश्‍वरदे नासरतजे येशूने चून्‍दीदेबे रङ्से पवित्र आत्मा मेस्‍ये शक्तिदे अभिषेक चीत्दे। का-मुलुक‍ने येशू गीलीदेबे ङूदे ज्‍य काम चीत्‍दे, मेस्‍ये मीयूने तम् क्यूस्स्ये पीन्दे, मेस्‍ये शैतानदे दैल्‍लीनबयूने तम् चीदे चीदे प्रदे, चेनेयलो परमेश्‍वर ङूप्रे ख्य।

मूल स्यूस्स्यायूजे कामजे किताब 2:22

“इस्राएलजे मीयू, अम्‍ब पो ङ्यीन्, नासरतजे येशू येर मी ख्‍य, ङूने परमेश्‍वरदे कूम शक्तिजे काम‍यू, हार्‌मन्‍देब काम‍यू मेस्‍ये च्‍यूनूयू नमयूजे खूम्ने प्रमाण तम्मी‍दे। नमयूदे थाने ख्यङ्, यी परमेश्‍वरदे नमयूजे अन्‍द्रने येर कामयू ङूदेने चे ख्यङ्।

रोमी 4:11

खतना अन्चीप्पने ङूजे विश्‍वासदे धर्मीजे च्‍यूनू या छापप्र प्रेक्‍क ख्‍य। खतना अन्‍चील्‍लाबेने विश्‍वास चीत्‍देबे धर्मी ठर्‌दीकब मी क्‍वाजे लागि ङू प क्यूस्स्य यब सूर्‌दे अम्‍ब क्‍यूर ख्यङ्।

रोमी 6:23

चेनेयलो पापजे मेला सीबब ख्यङ्, तर होरेने पीनब परमेश्‍वरजे बरब ङीन्‍जे प्रभू ख्रीष्‍ट येशूने कलङ्बेये अन्सीब्ब जीया ख्यङ्।

१ कोरिन्थी 6:13

“चसे ख्‍वाजेजे लागि ख्यङ्, ख्‍वाजे चसेजे लागि ख्यङ्।” तर परमेश्‍वरदे अम्ब ङ्हीनेने नाश चीक्क्य। ङीन्‍जे ङ्व वेश्य काम चेजे लागि दी, तर प्रभुजे लागि ख्यङ्, मेस्‍ये प्रभु ङीन्‍जे ङ्वजे लागि ख्यङ्।

१ कोरिन्थी 9:2

ङ सूजो मीयूजे लागि मूल स्यूस्स्या तीलीने नमयूजे लागिब मूल स्यूस्स्या क्‍यूर ख्यङ्, चेनेयलो प्रभुजे कामने ङैजे मूल स्यूस्स्या पदजे छप नमयू ख्यङ्।

२ कोरिन्थी 4:18

ङी म्‍यादे तङ ख्‍वब सेयूने दी, तर तङ-अङ्ख्‍वब सेयूने सेम् पीन्‍क्‍य, चेनेयलो चैसे तङ खूइय हम्‍ब सेयू खात्‍यात्‍या क्‍यूक्‍क्‍य, तर चैसे तङ-अङ्‍खू हम्‍ब सेयू येतार्‌ने क्‍यून्‍नीय।

गलाती 5:6

खतना चीक्‍कब मीप्रे अन्चीक्‍कब मीजे ख्रीष्‍ट येशूप्रे चै नताये अन्‍क्‍यूर्। तर पोत्‍याजेत्‍या अर्थ ख्यङ् हम्‍ब च ख्यङ् यलो माया चीत्देबे काम फरब विश्‍वास ख्यङ्।

फिलिप्पी 2:13

चेनेयलो नमयू फ्याने परमेश्‍वरदे येतार्‌ने काम चीन्‍न ख्यङ्। ङूदेने नमयूने ङूजे उदेश‍य पूरा चेने सेम् मेस्‍ये बोङ् पीन्क्य।

कलस्सी 1:29

ख्रीष्‍टदे ङैजे सेम् नङ्ने काम फरब शक्ति पीन्‍दे, हम्‍ब शक्ति अनुसार‌ ङ अम्‍ब कामजे लागि सोरो बोङ्बे छेम्‍प्रे चीक्‍क्‍य।

कलस्सी 2:22

अम्‍ब साप्‍ता नियमयू चील्‍लीकीबने नाश क्‍यूप्‍पीय। अम्‍ब क्वाने मीयूजे आज्ञा मेस्ये शिक्षायूनेत्या भर्‌ पर्‌तीय।

कलस्सी 3:2

पृथ्वीने ख्‍यब पोयूने दीलाबे स्वर्गजे पोयूने सेम् पीन्।

१ थेसलोनिकी 1:3

ङीनजे परमेश्‍वर पजे खूम्‍ने प्रभु येशू ख्रीष्‍टने क्‍यूत्‍देबे विश्‍वासने नमयूदे चेब काम, प्रेमदे चेब छेम्‍प्रे होर्‌दे आशा चीत्‍देबे धेरेन् क्‍यून्‍नब येतार्‌ने ह्‍वेचीन्‍न ख्यङ्।

२ तिमोथी 2:19

तर परमेश्‍वर रङ्सेदेने लैदेब जा बोल्योने टूनीय, मेस्‍ये हम्‍बने येर छाप लैदीये ख्यङ्, “प्रभुदे रङ्से मीयूने स्येय” मेस्‍ये “प्रभुजे मीन् कीनब मीयू क्‍वादेने धर्म प्‍वेब कामयू अन्‍चीस्‍स्‍य।”

हिब्रू 12:16

सूमीये छाडा स्वभावजे अन्क्यूल्‍लाची मेस्ये एसावप्र धर्मी त्वब अन्क्यूल्‍लाची। ङूदे जन्मीदीबने प्रेब जेठ चजे हकने छा-त्‍या चसेजे लागि सोङ्बीदे।

हिब्रू 4:11

येरेक्‍यूत्‍देबे ङीन हम्‍ब गैन सङब नेने क्‍योबने बोङ् चीदे, मेस्‍ये आज्ञा अम्मन्देब मीयूप्र सूये नाश अन्‍क्‍यूप्‍पस्‍य।

याकूब 1:11

चेनेयलो सोरो ठ्वब मीया प्‍ल्‍यारीय, मेस्‍ये स्‍यू खर्‌लाबे चीप्‍पीय। हम्‍ब ज्‍य तङ्नब मीन्‍ता सने तल्‍देबे खर्‌‍बीय। होरप्रने फ्‍योबो मीये रङ्से काम धन्द चीन्‍नूबने जीया प्रीय।

१ पत्रुस 1:24

चेनेयलो, “मीयू क्वाने स्‍यूप्र ख्यङ् होर्‌दे थमयूजे महिमा स्‍यूजे मीन्‍ताप्र ख्यङ्। रेम् रूल्‍बीय, मेस्‍ये मीन्‍ता तल्‍बीय,

२ पत्रुस 1:17

परमेश्‍वर पदे येशू ख्रीष्‍टने गेसेन् मेस्‍ये महिमा पीन्‍दे, हम्‍ब केन् महिमाजे परमेश्‍वरदे क्यम्ब येर पोत्‍या योङ्‍रदे, “अम्‍ब ङैजे छेब च ख्यङ्, ङ ङूप्रे सोरो सूग ख्यङ्।”