41 “ङैने मीयूदे केन् चीस्स्य यदेबे ङैदे मलदी,
चेनेयलो परमेश्वरजे सार्या चेयली मीयूदे चेब सार्या थमयूदे कूम सेम् पर्दे ख्य।
ङैजे लागि मीजे गवाही क्यूरने पर्दीय यदेबे दी, तर नमयूने बच्दीमेने ङैदे अम्ब पो य ख्यङ्।
होरेक्यूल्ली नमयू जीया प्रेजे लागि ङैट्याने रतीङ् अन्ड।
तर ङैने था ख्यङ् नमयूजे सेम्ने परमेश्वरजे माया त्वो।
नमयू केरे विश्वास चे खूइय, नमयू त्यादे त्याप्रे गेसेन् मे ख्यङ्, होर्दे हम्ब गेसेन् प्रेब अम्मेल, हम्ब गेसेन् तीत्यात्या परमेश्वर ट्यादे रीय?
थमयू रदेबे ङूने जबरजस्ती कूबदेबे मूरूम् बन्दे मे ख्यङ् यब पो था प्रेत्देबे येशू फेरि ङू त्याने आलाक्के गङ्ने गीलीदे।
रङ्सेजे पो त्या क्यमब मीदे, रङ्सेजे गेसेन् मेल्क्य, तर सूदे रङ्सेने कूल्बेबजे गेसेन् मेल्क्य हम्ब सत्य क्यूक्क्य। मेस्ये ङूप्रे छल्जे पो क्यूस्स्ये त्वो।
तर ङ रङ्सेदे रङ्सेजे महिमा अम्मेल्, मीत्या ख्यङ् ङूदे महिमा मल्क्य मेस्ये न्याय चीक्क्य।
येशूदे जवाफ पीन्दे, “कादेये ङैदे रङ्सेजे महिमा चीत्देयलो ङैजे महिमा काम अन्लादे क्यूक्क्य। ङैने महिमा पीनब ङैजे प ख्यङ्, ङूनेने नमयूदे ङीनजे परमेश्वर य ख्यङ्।
ङी ख्रीष्टजे मूल स्यूस्स्या क्यूरब नतादे ङीदे नमयूफ्याने हक चील्ले ख्व ख्यङ्दे। होरनेयली ङीदे मीयूजे गेसेन् अम्मे, या नमयूजे, या सूजो मीयूजे।
चेनेयलो अम्ब काम फरने परमेश्वरदे नमयूने क्व ख्यङ्। ख्रीष्टदेये नमयूजे लागि सकस् भोक्तीदे, होर्दे नमयूजे लागि नमूनात्या पीने ख्यङ्, मेस्ये नमयू ङूदे तनब लम्ने प्र पर्दीय।
परमेश्वर पदे येशू ख्रीष्टने गेसेन् मेस्ये महिमा पीन्दे, हम्ब केन् महिमाजे परमेश्वरदे क्यम्ब येर पोत्या योङ्रदे, “अम्ब ङैजे छेब च ख्यङ्, ङ ङूप्रे सोरो सूग ख्यङ्।”
