यूहन्‍ना 5:4 - घले नयाँ करार

⁴ चेनेयलो परमप्रभुजे दूत त्‍यादे कदङ् कदङ्ब मो क्‍यू छ्वोने रदेबे क्‍यू लीङ्बे ख्‍य, मेस्‍ये क्‍यू लीङ ङ्येदे पात्‍ता खूम सू क्‍यू नङ्ने क्‍योब हम्‍ब मी कर बीददे बेस्‍से नैनूलीने, तम् क्‍यूप्‍प ख्‍य।]

यूहन्‍ना 5:4 ပူးပေါင်းရင်းမြစ်များ

मत्ती 11:12

बप्‍तिस्मा-पीनब यूहन्‍नादे प्रचार चेब बीलदे छो चूजोसेमे स्वर्गजे राज्‍य बेस्‍से बोङ्बे बढ्दीन ख्‍यङ्, होर्‌दे बोल्यो मीयू अम्‍बने बोङ्बे चूङ्न ख्‍यङ्।

मत्ती 6:33

तर नदे खूम् परमेश्‍वरजे राज्‍य मेस्‍ये ङूजे धार्मिकता मल्, होर्‌दे अम्‍ब साप्‍ता कूरूने परमेश्‍वरदे नमयूजे लागि थप्‍दीमीय।

लूका 13:24

“साँघुरो ख्‍योदे क्‍योबने बोङ् ची, चेनेयलो, ङ नमयूने यीय, कूम मी क्‍योब मैय, तर क्योब खूस्ये त्‍वो।

लूका 16:16

“बप्‍तिस्मा-पीनब यूहन्‍नाजे बीलसेमे मोशादे पीनब धर्मजे नियम मेस्ये अगमवक्तायूजे शिक्षा प्रचार चीत्दे। हम्‍ब बीलदे छोब परमेश्‍वरजे राज्‍यजे सूगब खबर स्‍योन्‍न ख्यङ्, होर्‌दे खोत्‍ताने हम्ब राज्य नङ्ने बोङ् चीत्देबे क्‍योबने धम चीन्‍न ख्यङ्।

यूहन्‍ना 5:3

हम्‍ब ठडीने कूम थर्-थर्‌जे, म्‍या अन्‍तङब, खोन्‍ड्‍याल्‍या, पक्षाघातीयू नवयू ख्‍य। [थमयू क्‍यू कन्‍छ्वाब ल्‍याङ्-ल्‍याङ् लीङ्क्‍य यदेबे रेन्‍न ख्‍य।

यूहन्‍ना 5:5

हैयाने टूनब नबयू नङ्ने मीत्‍या नदेबे सूम्‍च्‍यूदे वर्ष येत् क्‍यूरेब ख्‍य।

यूहन्‍ना 5:7

नवदे ङूने यदे, “अँ, प्रभु, कन्‍छ्वाब क्‍यू लीङ्क्‍य हन्‍छ्वाब क्‍यू छ्वोने चङ्मेजे लागि ङैने तोङ्मेब मीयू सूये त्‍वो, ङ प्रेनूब प्रेनूबने ङ यली खूम्‍ने सूजो मी क्‍यूने क्‍योब जेङ्‍कीय।”

१ कोरिन्थी 6:11

त्‍याफे नमयूये येरप्रने ख्‍य। तर प्रभु येशू ख्रीष्‍टजे मीनने होर्‌दे ङीन्‍जे परमेश्‍वरजे आत्मादे नमयूने शुद्ध चीम्मीदे, पवित्र चीम्मीदे, मेस्‍ये दोष त्‍वब चीम्‍मीदे।

१ यूहन्‍ना 1:7

तर परमेश्‍वर ओथ्याङ् क्‍यूरप्रने ङीनये ओथ्याङ्ने प्रदेयलो, ङीनजे सङ्गति त्‍या त्‍याप्रे क्‍यूक्‍क्‍य, मेस्‍ये परमेश्‍वरजे च येशूजे कादे ङीनजे साप्‍ता पापने ठूदेबे शुद्ध चीक्क्य।