यूहन्‍ना 5:39 - घले नयाँ करार

³⁹ धर्मशास्त्रने कलङ्बेये अन्सीबब जीया प्रेक्‍क्‍य यदेबे नमयू मल्‍क्‍य, तर धर्मशास्त्रदे ङैजे बारेने गवाही त्‍या पीन्‍क्‍य।

यूहन्‍ना 5:39 ပူးပေါင်းရင်းမြစ်များ

मत्ती 22:29

येशूदे थमयूने जवाफ पीन्‍दे, “नमयू भूल परदीक ख्यङ्, चेनेयलो नमयूदे धर्मशास्‍त्रने लिख्दीयेब पो मेस्ये परमेश्‍वरजे शक्तिजे पो स्‍ये अङ्‍ख्‍व ख्यङ्।

मर्कूस 10:3

येशूदे थमयूने जवाफ पीन्दे, “मोशादे नमयूने चे आज्ञा पीने ख्यङ्।”

मर्कूस 12:10

नमयूदे धर्मशास्‍त्रजे वचन अन्‍छ्‌य्‍वे? कीम् थ्‍याब मीयूदे “ ‘कम्‍ब लूङ् काम अन्‍लादी यदेबे छाबे ख्‍य हम्‍ब लूङ् कीम्‍जे जा पूप्‍प चैदेब सूर्‌ लूङ् क्‍यूत्‍दे,

लूका 16:29

“तर अब्राहामदे यदे, ‘थमयूप्रे मोशा मेस्ये अगमवक्तायूजे किताब ख्यङ्। थमयूदे हम्‍ब ङ्‍यीन्स्‍य।’

लूका 16:31

“ङूदे ङूने यदे, ‘मोशा मेस्ये अगमवक्तायूजे पो थमयूदे अन्ङ्‍यीन्दे यलो, सीयेबयू नङ्ने कोइ सोम्‍बो क्‍यूल्‍लीने थमयूदे विश्‍वास चीस्‍येत्वो।”

लूका 24:25

येशूदे थमयूने यदे, “ओ पो अङ्क्‍वब मीयू, अगमवक्तायूदे यब पोयूने विश्‍वास चेने नमयूजे सेम् चेने सोरो लोसो क्‍यूर!

लूका 24:27

होर्‌दे मोशादेमेस्‍ये अगमवक्तायू क्वाजेने सुरु चीत्‍देबे येशूदे धर्मशास्त्रने रङ्से बारेने लिख्दीयब पोयूजे अर्थ थमयूने खोल्‍लीमीदे।

लूका 24:44

येशूदे थमयूने यदे, “नमयूप्रे ख्यङ्ब ङैदे यब वचनयू अम्‍ब ने ख्यङ्, या मोशाजे नियम, अगमवक्ता मेस्‍ये भजनजे किताबने ङैजे बारेने लिख्दीयेब पोयू क्वाने पूरा क्‍यूरने पर्‌दीय।”

यूहन्‍ना 1:45

फिलिपदे नथानेलने तूदेबे यदे, “मोशाजे नियम‍ने मेस्‍ये अगमवक्तायूदे सूजे बारेने लिख्दीये ख्‍य, हम्‍ब योसेफजे च, नासरतजे येशूने ङीदे त्‍व ख्यङ्।”

यूहन्‍ना 5:32

ङैजे बारेने गवाही पीनब प परमेश्‍वर ख्यङ् मेस्‍ये ङूदे ङैजे बारेने च यीय, हम्‍ब क्‍वाने तम्दम् क्यूक्क्य यब ङैने था ख्यङ्।

यूहन्‍ना 5:36

“तर यूहन्‍नादे पीनब गवाही यलीने थेप् केन् गवाही ङैजे पक्षने ख्यङ्। चेनेयलो पदे ङैने चीस्‍ये पीनब कामयू पूरा चीस्‍ये पीन ख्‍य, हम्‍ब काम ङैदे चीन्‍न ख्यङ्। मेस्‍ये ङैजे बारेने गवाही हम्‍ब कामदेने ङ पदे कूल्‍बे यदेबे तन्‍क्‍य।

यूहन्‍ना 5:40

होरेक्‍यूल्‍ली नमयू जीया प्रेजे लागि ङैट्‌याने रतीङ् अन्‍ड।

यूहन्‍ना 5:46

कादेये नमयूदे मोशाने विश्‍वास चे यलो ङैनेयेये विश्‍वास चे ख्यङ्दे, चेनेयलो ङूदे ङैजे बारेने लिख्दीये ख्यङ्।

यूहन्‍ना 7:52

थमयूदे ङूने जवाफ पीन्‍दे, “नैये गालीलजे औ? धर्मशास्त्र चेलाबे छ्वे, मेस्‍ये नदे था प्रेक्क्य, गालीलदे अगमवक्ता सूत्‍याये योङ्‍रस्ये त्‍वो।”

मूल स्यूस्स्यायूजे कामजे किताब 13:27

चेनेयलो यरूशलेमने टूङब मीयू मेस्ये थमयू फ्याने हुकुम चील्लेबयूदे ङूने अन्स्येदेबे मेस्ये आराम टूङब दीनने छ्य्वेब अगमवक्ताजे वचनयू अङ्‍कोदेबे ङूने सेब दण्डजे आज्ञा पीन्‍देबे हम्‍ब वचन पूरा चीत्‍दे।

मूल स्यूस्स्यायूजे कामजे किताब 17:11

अनेजे यहूदीयू थेसलोनिकेजे मीयू यली थेप् भलो ख्‍य। चेनेयलो अम्‍बयूदे वचन सेम् पीन्‍देबे ङ्‍यीन्‍दे, पावलदे यब पोयू चेलाबे होरप्रने लिख्दीये ख्यङ् यी त्‍वो यदेबे येतार्‌ने धर्मशास्त्र छ्‌योत्‍देबे जाँच‍ते ख्‍य।

मूल स्यूस्स्यायूजे कामजे किताब 26:27

मूरुम् अग्रिपास, नदे अगमवक्तायू फ्‍याने विश्‍वास चीक्‍क्‍या? ङैने था ख्यङ्, नदे विश्‍वास चे ख्‍यङ्।”

रोमी 1:2

हम्‍ब सूगब खबर परमेश्‍वरदे मीयूङ्ने रङ्सेजे अगमवक्ताप्रे क्यूत्‍देबे थमयूदे हम्ब कबुल पवित्र धर्मशास्‍त्रने लिख्दी‍दे।

रोमी 3:2

तम्दम्ने, यहूदी क्‍यूरब फाइदा ख्यङ्। पात्‍ता खूम परमेश्‍वरदे रङ्सेजे पवित्र वचन यहूदीयूने पीन्‍दे।

कलस्सी 3:16

ख्रीष्‍टजे वचनदे नमयूजे सेम् बेस्‍से फ्‍यानीस्‍य। पूरा बुद्धि चील्‍लीदेबे त्‍यादे त्‍याने लोम तन ची मेस्‍ये आर्ती, होर्‌दे रङ्से सेम्देमेस्‍येने परमेश्‍वरने धन्यवाद पीन्‍देबे जै-जै चेब आत्माजे प्रू पूई।

हिब्रू 11:16

तर थमयूदे झन् थेप् सोरो ज्‍य देश, या स्‍वर्ग देशने प्रब सेम् चीन्‍नूदे। येरेक्‍यूत्‍देबे परमेश्‍वरदे ङ थमयूजे परमेश्‍वर ख्यङ् यने अन्‍त्‍वा, चेनेयलो ङूदे थमयूजे लागि सहरत्‍या तयार चीत्‍देबे हीते ख्यङ्।

हिब्रू 11:35

विश्‍वास चीत्‍देबेने मदीयूदे रङ्सेजे सीयेब मीयू फेरि सोम्‍बो क्‍यूरब तङ-प्रेत्‍दे। कोइ मीयूब सीब ङ्‍येदे झन् थेप् ज्‍य जीया प्रेने सीब पर्‌तीली छूर्‌दीदेबे र-अन्ङ्‍यीन् बरू सकस् भोक्‍तीनूदे।

प्रकाश 19:10

होर्‌दे ङूने स्‍यूव पीनजे लागि ङ ङूजे तोप्ने पून्‍छ्‌यल् क्‍यूत्‍दे। तर ङूदे ङैने यदे, “नदे येरे चे अन्‍क्‍यूर्‌। ङैये येशूजे गवाही पीनब, न मेस्ये नैजे अत अची च्योन्‌यूप्रने परमेश्‍वरजे त्वो त्‍यामे ख्यङ्। परमेश्‍वरने स्‍यूव पीन्! चेनेयलो येशूजे बारेने पीनब गवाही अगमवाणीजे आत्‍मा ख्यङ्।”