यूहन्‍ना 5:36 - घले नयाँ करार

³⁶ “तर यूहन्‍नादे पीनब गवाही यलीने थेप् केन् गवाही ङैजे पक्षने ख्यङ्। चेनेयलो पदे ङैने चीस्‍ये पीनब कामयू पूरा चीस्‍ये पीन ख्‍य, हम्‍ब काम ङैदे चीन्‍न ख्यङ्। मेस्‍ये ङैजे बारेने गवाही हम्‍ब कामदेने ङ पदे कूल्‍बे यदेबे तन्‍क्‍य।

यूहन्‍ना 5:36 ပူးပေါင်းရင်းမြစ်များ

मत्ती 11:4

येशूदे थमयूने यदे, “प्र, नमयूदे तब मेस्‍ये तङब हम्‍ब पोयू यूहन्‍नाने येबी,

लूका 2:49

ङूदे थमयूने यदे, “नमयूदे ङैने चेने मे? ङ रङ्से पजे कीम्ने क्‍यूर पर्‌दीय यदेबे नमयूने था त्‍वा?”

यूहन्‍ना 10:25

येशूदे थमयूने जवाफ पीन्‍दे, “ङैदे नमयूने येक ख्यङ्, तर नमयू विश्‍वास अन्‍ची। ङैजे पजे मीन्‍ने ङैदे चे काम चीत्‍दे, हम्‍ब काम‍देने ङैजे गवाही पीन्‍क्‍य।

यूहन्‍ना 11:37

तर कोइ कोइदे यदे, “म्‍या अन्‍तङबने म्‍या तङ ख्‍व चीम्‍मेब मीदे अम्‍ब लाजरसनेये अन्‍सीब चीम्‍मे अङ् ख्‍वया?

यूहन्‍ना 15:24

कादेये सूदेये अन्चीक्‍कब काम ङैदे थमयूजे अन्द्रदे अन्चीक्‍क यलो थमयू पापजे दोष प्रेब अन्‍क्‍यूर ख्यङ्दे। तर जेम्‍से थमयूदे ङैप्रे ङैजे प, ङी ङ्हीनेने तङ्‍क ख्यङ् मेस्‍ये ह्‍यल चे ख्यङ्।

यूहन्‍ना 17:4

नदे ङैने चै काम पीन्‍दे, हम्‍ब काम पूरा चीत्‍देबे पृथ्वीने नने महिमा चीन्‍न ख्यङ्।

यूहन्‍ना 2:23

कन्‍छ्वाब ङू निस्तार दीन्बर भात्यार्‌जे बीलने यरूशलेमने ख्‍य, हन्‍छ्वाब ङूदे कूम हार्‌मन्‍देब कामयू चेब तङ्देबे कूम मीयूदे ङूजे मीन्‍ने विश्‍वास चीत्‍दे।

यूहन्‍ना 3:17

परमेश्‍वरदे रङ्से तीत्‍या चने संसारजे मीयूने दोष लैदेने दी, तर थमयूने बच्‍दीमेने कूल्‍बे ख्यङ्।

यूहन्‍ना 3:2

ङू मून्‍दे येशू ट्‌याने रदे मेस्‍ये यदे, “गुरु, ङीने था ख्यङ् न परमेश्‍वरदे ङीने लोम्‍मेने कूल्‍बेब गुरु ख्यङ्, चेनेयलो परमेश्‍वरदेने अन्‍तोङ्मीलो नदे चेब अम्‍ब च्‍यूनूयूप्र सूदेये चे अन्खू।”

यूहन्‍ना 4:34

येशूदे थमयूने यदे, “ङैने कूल्‍बेबजे इच्छा अनुसार मेस्‍ये ङूजे काम पूरा चेबने ङैजे चसे ख्यङ्।

यूहन्‍ना 5:32

ङैजे बारेने गवाही पीनब प परमेश्‍वर ख्यङ् मेस्‍ये ङूदे ङैजे बारेने च यीय, हम्‍ब क्‍वाने तम्दम् क्यूक्क्य यब ङैने था ख्यङ्।

मूल स्यूस्स्यायूजे कामजे किताब 2:22

“इस्राएलजे मीयू, अम्‍ब पो ङ्यीन्, नासरतजे येशू येर मी ख्‍य, ङूने परमेश्‍वरदे कूम शक्तिजे काम‍यू, हार्‌मन्‍देब काम‍यू मेस्‍ये च्‍यूनूयू नमयूजे खूम्ने प्रमाण तम्मी‍दे। नमयूदे थाने ख्यङ्, यी परमेश्‍वरदे नमयूजे अन्‍द्रने येर कामयू ङूदेने चे ख्यङ्।

१ यूहन्‍ना 5:9

कादेये मीदे पीनब गवाही ङीन मन्‍दीय यलो परमेश्‍वरदे पीनब गवाही झन् थेप् बोल्यो क्‍यूक्‍क्‍य। चेनेयलो परमेश्‍वरदे रङ्से चजे बारेने पीनब रङ्सेजे गवाही अम्‍ब ख्यङ्।