यूहन्‍ना 5:3 - घले नयाँ करार

³ हम्‍ब ठडीने कूम थर्-थर्‌जे, म्‍या अन्‍तङब, खोन्‍ड्‍याल्‍या, पक्षाघातीयू नवयू ख्‍य। [थमयू क्‍यू कन्‍छ्वाब ल्‍याङ्-ल्‍याङ् लीङ्क्‍य यदेबे रेन्‍न ख्‍य।

यूहन्‍ना 5:3 ပူးပေါင်းရင်းမြစ်များ

मत्ती 15:30

होर्‌दे सोरो कूम मीहुल येशूट्‌याने रदे, मेस्‍ये थमयूदे प्रे-रेब खोन्‍ड्‍याल्या, लूला, म्‍या अन्‍तङब, लर मेस्‍ये सूजो कूम मीयूने येशूजे खूम्‍ने येम्‍मीदे, होर्‌दे ङूदे थमयूने तम् चीम्‍मीदे,

मत्ती 4:24

येशूजे न-मीन् सिरियाभरि का-मुलुक‍ने ड्वाङ्‍गै क्यूरी, मेस्‍ये नवयू, या पीरीपीरीजे बीदयू, नेनबयू मेस्‍ये छेत् लादीकब, छर्‌र बीद लादीकब मेस्‍ये ला तोप् स्‍येब मीयू क्वाने ङू ट्‌याने रेत्‍दे। ङूदे थमयूने तम् चीम्‍मीदे।

लूका 7:22

होर्‌दे येशूदे थमयूने यदे, “प्र, मेस्‍ये नमयूदे तङब मेस्‍ये तब पो यूहन्‍नाने स्‍य्‍वे, म्या अन्तङबयूदे म्‍या तङ प्रेक्‍क्‍य, खोन्‍ड्‍याल्‍यायू प्रीय, कुष्‍‍ठ बीदजे नवयू तम् क्‍यूक्‍क्‍य, नाक्‍तूङ्‌यूदे न त क्‍यूक्‍क्‍य, सीयेबयू सोम्‍बो क्‍यूत्‍देबे लङ्क्‍य, दूख्प्रेयूने सूगब खबर स्‍योक्‍क्‍य।

यूहन्‍ना 5:2

यरूशलेमने स्वान्‌ ख्‍यो यब ख्‍यो ट्‌याने ठडी ङदे ख्यूर्‌चीतेब क्‍यू छ्वो ख्‍य, अम्‍बने हिब्रू केदे बेथस्‍दा य ख्‍य।

यूहन्‍ना 5:4

चेनेयलो परमप्रभुजे दूत त्‍यादे कदङ् कदङ्ब मो क्‍यू छ्वोने रदेबे क्‍यू लीङ्बे ख्‍य, मेस्‍ये क्‍यू लीङ ङ्येदे पात्‍ता खूम सू क्‍यू नङ्ने क्‍योब हम्‍ब मी कर बीददे बेस्‍से नैनूलीने, तम् क्‍यूप्‍प ख्‍य।]

रोमी 8:25

तर कादेये ङीनदे अन्तङब सेजे आशा चीक्‍क्‍य यलो, ङीन धेरेन् चीत्‍देबे हम्‍ब रेन्‍नीय।

याकूब 5:7

येरेक्‍यूत्‍देबे अत-अजी-च्योन्‌यू, प्रभू अन्‍रदासेमे कूम धेरेन् क्‍यूत्‍देबे रेन्। ले, रङ्दे सोरो ज्‍य बली प्रेब आशा चीत्‍देबे खेती फरब मीदे खूम्जे मेस्‍ये ङ्येजे च्‍वो अन्‍रता धेरेन् क्‍यूत्‍देबे रेन्‍नीय।