यूहन्‍ना 5:25 - घले नयाँ करार

²⁵ तम्दम्‍ने ङ नमयूने यीय, हम्‍ब सेमे रेन ख्यङ् मेस्‍ये हम्‍ब सेमे चूजोने ख्यङ्, कन्‍छ्वाब सीयेब मीयूदे परमेश्‍वरजे चजे के तैय मेस्‍ये के तबयू बच्‍दीय या सोम्‍बो क्यूक्क्य।

यूहन्‍ना 5:25 ပူးပေါင်းရင်းမြစ်များ

लूका 15:24

चेनेयलो अम्‍ब ङैजे च सीये ख्‍य, फेरि सोम्‍बो क्‍यूर ख्यङ्, मले ख्‍य मेस्‍ये प्रे-ख्यङ्।’ होर्‌दे थमयू आनन्द चेमेदे।

लूका 15:32

तर ङीन सूग पर्‌देब मेस्ये आनन्द चेब पर्‌देब ठीक्ने ख्‍य, चेनेयलो अम्‍ब नैजे च्‍योन् सीये ख्‍य, फेरि सोम्‍बो क्यूट्‍ट ख्यङ्, मेले ख्‍य तर चूजो प्रे ख्यङ्’।”

लूका 9:60

ङूदे ङूने जवाफ पीन्‍दे, “लासयूने रङ्से लास बोप्‍स्येपीन्, तर न प्रदेबे परमेश्‍वरजे राज्‍यजे सूगब खबर प्रचार ची।”

यूहन्‍ना 13:1

निस्तार दीन्बरजे खूम् अम्‍ब संसार पोङ्‍गीदेबे प ट्‌याने प्रब बील फ्‍योर्‌दे यब पो येशूदे था प्रेत्‍दे, होर्‌दे ङूने विश्‍वास चेब संसारने ख्यब रङ्सेजे क्वानेने प्रेम चीत्‍देबे रङ्से सीब बीलसेमेने ङूदे थमयूने प्रेम चीत्‍दे।

यूहन्‍ना 17:1

अम्ब पो य जेनमेस्‍ये येशूदे तो-स्वर्गतेले लेत्‍देबे यदे, “ओ, पाइ, बील फ्‍योरीक ख्यङ्, नैजे चजे महिमा तङ्लाबे चीम्‍मी, मेस्‍ये चदे नैजे महिमा तङ्लाबे चीम्‍मीस्‍य।

यूहन्‍ना 4:21

येशूदे ङूने यदे, “या मो, ङैने विश्‍वास ची, हम्‍ब सेमे रेन ख्यङ्, हन्‍छ्वाब नमयूदे प परमेश्‍वरने अम्‍ब गङ्नेये मेस्‍ये यरूशलेमनेये जै-जै चीस्‍स्‍ये त्‍वो।

यूहन्‍ना 4:23

तर सेमे रेन ख्यङ्, मेस्‍ये चूजो हम्‍ब सेमे ख्यङ्, जेम्‍से ज्‍य सेम्‍दे पूस्‍तेब मीयूदे पने आत्मा मेस्ये सत्‍य रूप्‍दे पूस्‍तीय चेनेयलो येरे पूस्‍तेब मीयूने प परमेश्‍वरदे मेल्‍क्‍य।

यूहन्‍ना 5:21

चेनेयलो केर्‌बे पदे सीयेब मीयूने लङ्क्‍य मेस्‍ये थमयूने जीया पीन्‍क्‍य, होरप्रने चदेये सूने इच्छा चीक्‍क्‍य, हम्‍बने जीया पीन्‍क्‍य।

यूहन्‍ना 5:28

“अम्‍ब पोने हार्‌मन्‍दीन अम्‍पर्‌दी, चेनेयलो बील रेन ख्यङ्, कन्‍छ्वाब खङ्स नङ्ने ख्‍यब मीयू क्‍वादेने ङूजे के तैय,

यूहन्‍ना 6:60

अम्‍ब पोयू तदेबे येशूजे स्यूस्स्यायू नङ्ने कूमदे यदे, “अम्‍ब शिक्षा सोरो गरो ख्यङ्, अम्‍ब सूदे ङ्यीन खूइय?”

यूहन्‍ना 8:43

ङैदे क्‍यमब पो नमयूदे चैने अङ्क्‍व? चेनेयलो नमयूदे ङैजे वचन ङ्यीन्‍तीङ् अन्‍र।

यूहन्‍ना 8:47

सू परमेश्‍वरजे ख्यङ्, ङूदे परमेश्‍वरदे क्‍यमब वचन ङ्‍यीन्क्य। नमयू परमेश्‍वरजे दी होरेक्‍यूत्‍देबे ङूजे वचन नमयूदे अन्ङ्‍यीन्।’’

यूहन्‍ना 9:27

हम्‍बदे थमयूने जवाफ पीन्‍दे, “ङैदे तर खूम्‍ने नमयूने यदे, तर नमयूदे अन्ङ्‍यीन्। जेम्‍से फेरि चेने ङ्‍यीनमे? नमयूये ङूजे स्यूस्स्या क्‍यूर मैयीर?”

रोमी 6:4

येर्‌बे बप्‍तिस्मा कीन्‍ब ङीन सीयेब क्‍यूत्‍देबे ख्रीष्‍टप्रेने पोप्‍कदे, केर्‌बे परमेश्‍वर पजे महिमादे चीत्‍देबे ख्रीष्‍ट सीयेबयू नङ्दे सोम्‍बो चीम्‍मीदे, होरप्रेने ङीनये सर् जीयाजे लम्‍दे प्रेये।

एफिसी 2:1

नमयू रङ्सेजे अपराध मेस्‍ये पापयूजे कारणदे आत्माने सीयेब बीलने येशूदे नमयूने सोम्बो चीत्‍दे।

एफिसी 2:5

येरेक्‍यूत्‍देबे पापने ङी सीइलीने ङूदे ङीनने ख्रीष्‍टप्रे सूला चीत्‍दे, परमेश्‍वरजे अनुग्रहदेने नमयूदे उद्धार प्रेख्यङ्।

एफिसी 5:14

धर्मशास्‍त्रने येर्‌बे लिख्दीये ख्यङ्, “ओ ङ्यूम्-या गीलेब मीयू, चनाखो क्‍यूत्‍देबे टोङ् मेस्‍ये सीयेब मीयू लङ्, मेस्‍ये ख्रीष्‍टदे नमयूने ओथ्याङ् पीन्‍क्‍य।”

कलस्सी 2:13

नमयूजे पापदे मेस्‍ये ङ्वने खतना अन्‍चीत्‍देबे नमयूजे आत्मा सीये ख्‍य। तर परमेश्‍वरदे ङीनजे पापयू क्‍वाने क्षमा पीन्‍देबे ख्रीष्‍टप्रेने सोम्‍बो चीम्‍मीदे।

प्रकाश 3:1

सार्डिसजे मण्डलीजे दूतने अम्‍ब पो लिख्दी: परमेश्‍वरजे आत्‍मा ङ्यी मेस्‍ये कर्‌चेन् ङ्यी ख्‍यबदे अम्‍ब पो य ख्यङ्। नैजे काम ङैने था ख्यङ्। न सोम्‍बो क्‍यून्‍नब मीन्त्‍यामे ख्यङ्, तर न सीये ख्यङ्।