यूहन्‍ना 5:19 - घले नयाँ करार

¹⁹ येशूदे थमयूने यदे, “तम्दम्‍ने ङ नमयूने यीय, च रङ्सेदेने चैये चे अन्खू, तर पदे च चेब तङ्‍क्य हम्‍बत्‍यामे चीक्‍क्‍य, चेनेयलो पदे च चीक्‍क्‍य, चदेये होरप्रने चीक्‍क्‍य।

यूहन्‍ना 5:19 ပူးပေါင်းရင်းမြစ်များ

मत्ती 26:39

ङू छीत्‍या तीलाने गीलीदे च्येने पून्‍छ्‌याल क्‍यूत्‍देबे प्रार्थना चीत्‍दे, “पाइ, खूदेयलो, अम्‍ब पील ङैट्‌यादे हर्‌दीमी। होरेयली ङैजे इच्‍छाने दी, तर नैजे इच्‍छा अनुसार क्‍यूस्स्‍य।”

लूका 21:15

चेनेयलो नमयूने ङैदे यर क्‍यमब पो मेस्ये बुद्धि पीन्क्‍य, अम्‍ब पोजे लागि नैजे शत्रुयूदेये चैत्‍याये य अन्‍खू होर्‌दे पो च अन्‍ख्व क्यूक्‍क्य।

यूहन्‍ना 10:18

सूदेये ङैजे प्राण कीन अन्‍खू, तर ङ रङ्सेजे इच्छादे रङ्सेजे प्राण पीन्‍क्‍य। रङ्सेजे प्राण पीनब हक ङैने ख्यङ्, होर्‌दे फेरि कीन ख्‍वब हकये ङैने ख्यङ्। अम्‍ब आज्ञा ङैजे पदे ङैने पीन ख्यङ्।”

यूहन्‍ना 12:49

चेनेयलो ङैदे रङ्सेजे तर्फदे अन्‍क्‍यम्, तर ङैदे च य पर्‌दे मेस्‍ये ङैदे च क्‍यम पर्‌दे यदेबे ङैने कूल्‍बेब प रङ्सेदेने ङैने आज्ञा पीन ख्यङ्।

यूहन्‍ना 12:50

ङैदे स्‍ये ख्यङ् ङूजे आज्ञादे कलङ्बेये अन्सीबब जीया पीन्‍क्‍य, येरेक्‍यूत्‍देबे पदे ङैने च यसेपीन्‍क्‍य हम्‍ब अनुसारने ङ यीय।”

यूहन्‍ना 14:10

ङ पप्रे ख्यङ्, मेस्‍ये प ङैप्रे ख्यङ् यदेबे नमयू विश्‍वास अन्‍चे? कम्ब पो ङ नमयूने यीय, हम्‍ब ङैदे रङ्सेजे पो य दी, तर ङैप्रे क्‍यूत्‍देबे टूनब पदे रङ्सेजे काम फर्‌क्‍य।

यूहन्‍ना 2:19

येशूदे थमयूने जवाफ पीन्‍दे, “अम्‍ब मन्दिरने हूल्‍बी मेस्‍ये ङ अम्‍ब सोम्म्‍यानेने बन्‍दीय।”

यूहन्‍ना 3:3

येशूदे ङूने जवाफ पीन्‍दे, “तम्दम्‍ने ङ नने यीय, फेरि सर्‌ क्‍यूत्‍देबे अन्‍जन्मीदीदे यलो सूदेये परमेश्‍वरजे राज्‍य तङ प्रेस्‍स्‍ये त्‍वो।”

यूहन्‍ना 5:21

चेनेयलो केर्‌बे पदे सीयेब मीयूने लङ्क्‍य मेस्‍ये थमयूने जीया पीन्‍क्‍य, होरप्रने चदेये सूने इच्छा चीक्‍क्‍य, हम्‍बने जीया पीन्‍क्‍य।

यूहन्‍ना 6:38

रङ्से इच्छा पूरा चेने ङ स्वर्गदे रदी, तर ङैने कूल्‍बेबजे इच्छा पूरा चेने र ख्यङ्।

यूहन्‍ना 8:28

येरेक्‍यूत्‍देबे येशूदे यदे, “कन्‍छ्वाब नमयूदे मीजे चने तो क्रूसने लङ्क्‍य, हन्‍छ्वाब ङ हम्‍बने टूङ् यदेबे नमयूदे स्‍येय, मेस्‍ये ङ रङ्सेजे इच्छादे चेये अन्‍ची, तर पदे लोम्‍मेब पोयू ङैदे क्‍यम टोङ् यदेबे स्‍येय।

यूहन्‍ना 9:4

नोजे ओथ्याङ् ख्यङ्बने ङैने कूल्‍बेबजे कामयू ङीनदे चे पर्‌दीय। मून्‍दूङ् क्‍यूप्‍पमेस्‍ये सूदेये काम चे अन्खू।

मूल स्यूस्स्यायूजे कामजे किताब 2:24

तर परमेश्‍वरदे येशूने सोम्‍बो चीत्‍दे। चेनेयलो मृत्‍यूजे हक नङ्‍ने ङू टूङब सम्‍भव त्‍व ख्‍य।

रोमी 6:4

येर्‌बे बप्‍तिस्मा कीन्‍ब ङीन सीयेब क्‍यूत्‍देबे ख्रीष्‍टप्रेने पोप्‍कदे, केर्‌बे परमेश्‍वर पजे महिमादे चीत्‍देबे ख्रीष्‍ट सीयेबयू नङ्दे सोम्‍बो चीम्‍मीदे, होरप्रेने ङीनये सर् जीयाजे लम्‍दे प्रेये।

रोमी 8:11

येशूने सीयेब ङ्वदे फेरि सोम्‍बो चीम्‍मेब परमेश्‍वरजे आत्‍मा नमयू नङ्ने बास टूङ्देयलो, ख्रीष्‍ट येशूने सीयेबदे सोम्बो चीम्मेब परमेश्‍वरदेने नमयूप्रे बास टूङब ङूजे आत्माने क्यूत्देबे नमयूजे सीयेब ङ्वनेये सोम्बो चीम्मीय।

१ कोरिन्थी 15:12

परमेश्‍वरदे ख्रीष्‍टने सीयेबयूदे सोम्‍बो चीम्‍मीदे यब पो प्रचार चीक्‍क्‍य यलो नमयू नङ्ने कोइ-कोइदे सीयेब मी सोम्‍बो अन्‍क्‍यूर्‌ यदेबे केरे य खूइय?

२ कोरिन्थी 4:14

ङीदे स्ये ख्यङ्, प्रभु येशूने सोम्‍बो चीम्‍मेब परमेश्‍वरदे ङीननेये येशूप्रेने सोम्‍बो चीम्‍मीय। ङूदेने ङीने नमयूप्रे ङूजे खूम्ने रेक्‍क्य।

२ कोरिन्थी 5:10

चेनेयलो तीया ङीनयू क्‍वाने ख्रीष्‍टदे न्याय चेब नेजे खूम्‍ने मेर पर्‌दीय, येरे ङ्वने क्‍यूप्‍प मीयू क्‍वादेने रङ्सेदे चीक्‍कब ज्‍य या अन्‍ज्‍य काम अनुसारजे इनाम प्रेक्‍क्‍य।

एफिसी 2:5

येरेक्‍यूत्‍देबे पापने ङी सीइलीने ङूदे ङीनने ख्रीष्‍टप्रे सूला चीत्‍दे, परमेश्‍वरजे अनुग्रहदेने नमयूदे उद्धार प्रेख्यङ्।

एफिसी 3:16

ङ प्रार्थना चीक्क्‍य, ङूजे महिमाजे सम्पत्ति अनुसारजे शक्तिदे ङूजे आत्मा क्यूत्देबे नमयूजे नङ्-जीयाने बोल्‍यो बन्‍दीस्‍य,

फिलिप्पी 3:21

ङूदे रङ्सेजे शक्तिदे साप्‍ता कूरूने रङ्सेजे हक नङ्ने रे खूइय, हम्ब शक्तिदे ङीनजे चैकम्‍तेब ङ्वनेये रङ्सेजे महिमा क्‍यूरेब ङ्वप्रने चीम्‍मीय।

फिलिप्पी 4:13

सूदे ङैने शक्ति पीन्‍क्‍य, ङूप्रे क्‍यूत्‍देबे ङ साप्‍ताकूरूने चे खूइय।

कलस्सी 1:11

नमयू आनन्द क्यूत्देबे कूम सैदीन ख्‍वब मेस्ये रेन्‍न ख्‍वब क्यूरने परमेश्‍वरदे पीनब महिमाजे शक्ति अनुसार‌ बोल्यो क्यूर यबने ङीजे प्रार्थना ख्यङ्।

कलस्सी 1:16

चेनेयलो ख्रीष्‍टप्रे क्‍यूत्‍देबे परमेश्‍वरदे स्वर्ग मेस्‍ये पृथ्वीने ख्‍यब साप्‍ता थोकयू, म्‍यादे तङ ख्‍वब मेस्ये तङ अङ्ख्‍वब थोकयू, या आत्‍माजे शक्तियू, मालिकयू, हुकुमयू मेस्‍ये हकयू सृष्‍टि चीत्‍दे। अम्‍ब टक्कने परमेश्‍वरदे ख्रीष्‍टप्रे क्‍यूत्‍देबे ख्रीष्‍टजे लागिने सृष्‍टि चीम्‍मीदे।

१ थेसलोनिकी 4:14

चेनेयलो येशू सीइदेबे फेरि सोम्‍बो क्‍यूत्‍दे यब पो ङीन विश्‍वास चीक्‍क्‍य, मेस्‍ये होरप्रने परमेश्‍वरने विश्‍वास चीत्‍देबे सीयेबयूने येशू रब ङूप्रेने परमेश्‍वरदे कूबीय।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

प्रकाश 2:23

ङैदे ङूजे च-चीमीयू क्‍वानेने सेक्‍क्‍य। मेस्‍ये मण्डलीयू क्‍वादेने था प्रेक्‍क्‍य, खोत्‍ताजे सेम् नङ्जे पो मेस्‍ये इच्‍छा स्‍ये ख्‍वब ङ, ङूने ख्यङ्, मेस्‍ये ङ नमयूजे काम अनुसार नमयू क्‍वानेने इनाम पीन्‍क्‍य।