यूहन्‍ना 4:48 - घले नयाँ करार

⁴⁸ येशूदे ङूने यदे, “नमयूदे च्‍यूनू मेस्ये हार्‌मन्‍देब काम‍यू अन्‍तङ्दासेमे कलङ्बेये विश्‍वास चीस्‍सेत्‍वो।”

यूहन्‍ना 4:48 ပူးပေါင်းရင်းမြစ်များ

मत्ती 16:1

फरिसीयू मेस्‍ये सदुकीयू रदेबे येशूजे जाँच चेने स्वर्गजे च्‍यूनू त्‍या तम्‍मी यदेबे येशूप्रे यदे।

मत्ती 24:24

चेनेयलो लूच्‍च चेब ख्रीष्‍टयू, मेस्‍ये लूच्‍च अगमवक्तायू योङ्‍रीय, मेस्‍ये खूदासेमे परमेश्‍वरदे सेलेब मीयूने छाक्‍देने केन्-केन् च्यूनूयू मेस्‍ये हार्‌मन्‍देब कामयू तन्‍क्‍य।

मत्ती 27:42

“अम्‍बदे सूजो मीनेब बच्‍दीमीदे, रङ्सेनेब बच्‍दे अन्खू। अम्‍ब इस्राएलजे मूरूम् ख्यङ्। चूजो क्रूसदे मो तल्‍खस्‍य, मेस्‍ये ङीनदे ङूने विश्‍वास चेस्‍ये।

मर्कूस 13:22

चेनेयलो लूच्‍च ख्रीष्‍ट‌यू मेस्‍ये लूच्‍च अगमवक्तायू रीय। थमयूदे खूदासेमे परमेश्‍वरदे सेलब मीयूने छाक्‍देने च्‍यूनूयू मेस्‍ये हार्‌मन्‍देब कामयू चीक्‍क्‍य।

लूका 10:18

ङूदे थमयूने यदे, “ङैदे शैतान‍ने स्‍वर्गदे बिजूलीप्र तल्‍लीनब तङ्दे।

लूका 16:31

“ङूदे ङूने यदे, ‘मोशा मेस्ये अगमवक्तायूजे पो थमयूदे अन्ङ्‍यीन्दे यलो, सीयेबयू नङ्ने कोइ सोम्‍बो क्‍यूल्‍लीने थमयूदे विश्‍वास चीस्‍येत्वो।”

यूहन्‍ना 12:37

ङूदे थमयूजे खूम्‍ने अन्‍छ्वा कूम हार्‌मन्‍देब कामयू चीम्‍मे ख्‍य, होरेक्‍यूल्‍लीने थमयूदे ङू फ्‍याने विश्‍वास अन्‍ची।

यूहन्‍ना 15:24

कादेये सूदेये अन्चीक्‍कब काम ङैदे थमयूजे अन्द्रदे अन्चीक्‍क यलो थमयू पापजे दोष प्रेब अन्‍क्‍यूर ख्यङ्दे। तर जेम्‍से थमयूदे ङैप्रे ङैजे प, ङी ङ्हीनेने तङ्‍क ख्यङ् मेस्‍ये ह्‍यल चे ख्यङ्।

यूहन्‍ना 2:18

यहूदीयूदे ङूने लोत्‍दे, “नने अम्‍ब काम चेब हक ख्यङ् यलो अम्‍बजे लागि ङीने च्‍यूनू च तन खूइया?”

यूहन्‍ना 20:29

येशूदे ङूने यदे, “नदे ङैने तङ्देबे विश्‍वास चे औ? सूदे अन्‍तङ्लीने ङैने विश्‍वास चे ख्यङ्, थमयूदे कूम असी प्रेक्‍क्‍य।”

यूहन्‍ना 4:49

हम्‍ब सरकारजे हुकुम चेब मी केन्‍दे ङूने यदे, “प्रभु, ङैजे च सीब यली खूम् ख।”

मूल स्यूस्स्यायूजे कामजे किताब 14:3

प्रभुजे भरने सेम्केन् चीत्‍देबे कूम सेमे क्‍यमे-क्‍यमे पावलप्रे बारनाबास हैयाने टूङ्दे। प्रभुदे थमयूप्रे क्यूत्देबे च्यू‍नूयू प्रे हार्‌मन्‍देब कामयू चीत्देबे रङ्से अनुग्रहजे वचनजे गवाही पीन्‍दे।

मूल स्यूस्स्यायूजे कामजे किताब 15:12

होर्‌दे सभाने ख्‍यब क्वाने पारा अम्पूल्लाबे टूङ्दे, यहूदी तेब मीयूजे अन्‍द्रने परमेश्‍वर थमयूप्रे क्‍यूत्‍देबे कर च्यूनूयू मेस्‍ये हार्‌मन्‍देब कामयू चीत्‍दे हम्‍बजे बयान बारनाबास प्रे पावलदे स्‍योत्‍दे। थमयूदे अम्ब बयान ङ्‍यीन्‍दे।

मूल स्यूस्स्यायूजे कामजे किताब 2:19

तो मूने हार्‌मन्‍देब काम मेस्‍ये मो पृथ्वीने च्‍यूनूयू, या का, मी, मेस्‍ये म्यूयूङ्जे मूस्‍ल तन्क्‍य।

मूल स्यूस्स्यायूजे कामजे किताब 2:22

“इस्राएलजे मीयू, अम्‍ब पो ङ्यीन्, नासरतजे येशू येर मी ख्‍य, ङूने परमेश्‍वरदे कूम शक्तिजे काम‍यू, हार्‌मन्‍देब काम‍यू मेस्‍ये च्‍यूनूयू नमयूजे खूम्ने प्रमाण तम्मी‍दे। नमयूदे थाने ख्यङ्, यी परमेश्‍वरदे नमयूजे अन्‍द्रने येर कामयू ङूदेने चे ख्यङ्।

मूल स्यूस्स्यायूजे कामजे किताब 2:43

मूल स्यूस्स्यायूदे कूम हार्‌मन्देब काम मेस्‍ये चूनूयू चीत्‍दे, मेस्‍ये क्वाजे सेम्ने फैगदे,

मूल स्यूस्स्यायूजे कामजे किताब 4:30

मेस्‍ये तम् चीम्‍मेने नदे रङ्सेजे ला तन्‍तीब, रङ्सेजे पवित्र सेवा चेब येशूजे मीन्‍दे च्‍यूनू मेस्ये हार्‌मन्देब काम‍यू क्‍यूस्‍स्‍य।”

मूल स्यूस्स्यायूजे कामजे किताब 5:12

जेम्सेमेस्‍ये मूल स्यूस्स्यायूदे मीयूजे अन्‍द्रने कूम हार्‌मन्‍देब काम‍यू चीत्‍देबे च्‍यूनूयू तन्‍दे। सोलोमनजे दोलेन्‍ने विश्‍वास चेब मीयू क्वाने नेत्याने रुप् क्‍यूर ख्य।

मूल स्यूस्स्यायूजे कामजे किताब 6:8

स्तिफनसदे अनुग्रह मेस्‍ये शक्तिदे भरीपूर्‌ण क्‍यूत्‍देबे मीयूजे अन्‍द्रने केन्-केन् हार्‌मन्देब कामयू मेस्ये च्यूनूयू चीत्‍दे।

मूल स्यूस्स्यायूजे कामजे किताब 7:36

अम्‍ब मीदेने मिश्र देशने, लाल समुद्रने मेस्‍ये ङ्यील्‍लङ् वर्ष सेमे मी अन्‍टोङब चनमन नेने उदूम्जे काम मेस्ये च्यूनूयू चीत्‍देबे थमयूने फीने योन्‍डीदे।

रोमी 15:19

अम्‍ब काम ङैदे च्यूनूयू मेस्‍ये हार्‌मन्‍देब कामयूजे मेस्‍ये पवित्र आत्माजे शक्तिदे चेख्यङ्। येर्‌बे यरूशलेमदेमेस्‍ये इल्लुरिकनसेमे ङैदे ख्रीष्‍टजे सूगब खबर बेस्से चेलाबे स्‍योक्‍क ख्यङ्।

१ कोरिन्थी 1:22

यहूदीयूदे गवाहीजे लागि हार्‌मन्देब काम तम्मी यीय मेस्‍ये ग्रीकयूदेब बुद्धि मेल्‍क्‍य।

२ कोरिन्थी 12:12

तम्दम्जे मूल स्यूस्स्याने क्‍यूरब गुणयू पूरा धेरेन् क्‍यूत्‍देबे, च्‍यूनूयू, हार्‌मन्‍देत्‍या कामयू मेस्‍ये शक्तिजे कामयूने ङैदे नमयूजे अन्द्रने तम्‍मीक ख्‍य।

२ थेसलोनिकी 2:9

हम्‍ब मूख्य दुष्‍ट मीदे शैतानजे शक्ति टेल्‍देबे रीय होर्‌दे साप्‍ता थरीजे लूच्‍च च्यूनूयू मेस्‍ये हार्‌मन्देब कामयू चीक्‍क्‍य।

हिब्रू 2:4

परमेश्‍वरदेये च्यूनूयू, हार्‌मन्‍देत्‍या कामयू, कूम शक्‍तिजे कामयू मेस्‍ये ङूजे रङ्से इच्‍छा अनुसार‌ पवित्र आत्‍मादे पीनब बरयू पीन्‍देबे अम्‍ब मूक्ति पीनब पोजे गवाही पीन्‍दे।