यूहन्‍ना 4:34 - घले नयाँ करार

³⁴ येशूदे थमयूने यदे, “ङैने कूल्‍बेबजे इच्छा अनुसार मेस्‍ये ङूजे काम पूरा चेबने ङैजे चसे ख्यङ्।

यूहन्‍ना 4:34 ပူးပေါင်းရင်းမြစ်များ

मत्ती 26:39

ङू छीत्‍या तीलाने गीलीदे च्येने पून्‍छ्‌याल क्‍यूत्‍देबे प्रार्थना चीत्‍दे, “पाइ, खूदेयलो, अम्‍ब पील ङैट्‌यादे हर्‌दीमी। होरेयली ङैजे इच्‍छाने दी, तर नैजे इच्‍छा अनुसार क्‍यूस्स्‍य।”

मत्ती 3:15

तर येशूदे ङूने यदे, “चूजोब येरेने क्यूस्से पीन्। चेनेयलो येर्‌बेने ङीनयू क्‍वादेने परमेश्‍वरजे साप्‍ता नियमयू पूरा चेने पर्‌दे ख्‍यङ्।” होर्‌दे बप्‍तिस्मा पीनने यूहन्‍ना राजी क्‍यूत्‍दे।

मत्ती 9:19

येशू लङ्दे मेस्‍ये रङ्से स्यूस्स्यायू मेस्ये हम्‍ब मी ङ्‍ये-ङ्‍ये गीलीदे।

लूका 15:10

ङ नमयूने यीय, येर्‌बेने पश्‍चात्ताप चेब पापी त्‍याजे लागि परमेश्‍वरजे स्वर्गदूतयूजे खूम्‍ने सोरो आनन्द क्‍यूक्‍क्‍य।”

लूका 19:10

चेनेयलो मीजे च मलेबयूने मलने मेस्‍ये बच्‍दीमेने र ख्यङ्।”

लूका 2:49

ङूदे थमयूने यदे, “नमयूदे ङैने चेने मे? ङ रङ्से पजे कीम्ने क्‍यूर पर्‌दीय यदेबे नमयूने था त्‍वा?”

यूहन्‍ना 17:4

नदे ङैने चै काम पीन्‍दे, हम्‍ब काम पूरा चीत्‍देबे पृथ्वीने नने महिमा चीन्‍न ख्यङ्।

यूहन्‍ना 19:28

होर्‌‍देङ्‍येदे येशूदे साप्‍ता पो जेम्से जेङ्‍कब था प्रेत्‍देबे धर्मशास्त्रने लिख्दीयेब पो पूरा क्यूस्से पीनने यदे “ङ क्‍यू फै क्‍यूरी।”

यूहन्‍ना 19:30

कन्‍छ्वाब येशूदे हम्‍ब अङ्‍गुरजे क्‍यूङ् ची म्यङ्दे हन्‍छ्वाब ङूदे यदे, “जेम्‍से जेङ्‍कदे”, मेस्‍ये ट कूत्‍तू चीत्‍देबे दीयो पूत्‍दे।

यूहन्‍ना 4:32

तर ङूदे थमयूने यदे, “ङैप्रे चसे ख्यङ्, अम्‍ब पो नमयूने था त्‍वो।”

यूहन्‍ना 5:30

“ङ रङ्सेदे चैये चे अन्खू। ङैदे कर तैय, होरने न्याय चीक्‍क्‍य, मेस्‍ये ङैजे न्याय ज्‍य ठर्‌तीय, चेनेयलो ङ रङ्सेजे इच्छा अम्मल्, तर ङैने कूल्‍बेबजे इच्छा च ख्‍य हम्‍ब मेल्‍क्‍य।

यूहन्‍ना 5:36

“तर यूहन्‍नादे पीनब गवाही यलीने थेप् केन् गवाही ङैजे पक्षने ख्यङ्। चेनेयलो पदे ङैने चीस्‍ये पीनब कामयू पूरा चीस्‍ये पीन ख्‍य, हम्‍ब काम ङैदे चीन्‍न ख्यङ्। मेस्‍ये ङैजे बारेने गवाही हम्‍ब कामदेने ङ पदे कूल्‍बे यदेबे तन्‍क्‍य।

यूहन्‍ना 6:33

चेनेयलो परमेश्‍वरजे क्‍यङ् हम्‍ब ख्यङ्, यी हम्बब स्वर्गदे रीय, मेस्‍ये हम्‍बदे संसारजे मीयूने जीया पीन्‍क्‍य।”

यूहन्‍ना 6:38

रङ्से इच्छा पूरा चेने ङ स्वर्गदे रदी, तर ङैने कूल्‍बेबजे इच्छा पूरा चेने र ख्यङ्।

यूहन्‍ना 8:29

ङैने कूल्‍बेब ङैप्रे ख्यङ्। ङूदे ङ त्‍याने अम्‍पोङ्ये ख्यङ्, चेनेयलो ङ येतार्‌ने ङूने सूग्‍लाबे चेब काम चीक्‍क्‍य।”

मूल स्यूस्स्यायूजे कामजे किताब 20:35

ङैदे साप्‍ता पोने नमयूने नमूना पीन ख्यङ्, नमयूदेये येर्‌बेने बोङ्बे काम फर्‌देबे बोङ् त्‍वब मीयूने तोङ्मे पर्‌दीय। प्रभु येशूजे वचन ह्‍वे ची, केरे ङू रङ्सेदेने य ख्यङ्, “यी कीन यली पीनबदे अझ असी प्रेक्‍क्‍य।”

हिब्रू 12:2

ङीनजे विश्‍वासने सुरु मेस्‍ये पूरा चीम्‍मेब येशूने लेन्‍नूदे, ङूजे खूम्‍ने हीम्‍मेब आनन्दजे लागि न प्‍वेब पोने चैत्‍याये अम्‍मन्‍लाबे ङूदे क्रूसजे सकस् भोक्‍तीदे, मेस्‍ये परमेश्‍वर देन् छ्‍यानब सिंहासनजे स्येत्‍देयोर्‌ देन् छ्‌यान ख्यङ्।