यूहन्‍ना 4:14 - घले नयाँ करार

¹⁴ तर ङैदे पीनब क्‍यू सू-सूदे थूङ्क्‍य हम्‍ब मीने फेरि कलङ्बेये क्‍यू फैस्‍ये त्‍वो, चेनेयलो ङैदे कम्‍ब क्‍यू ङूने थूङ्से पीन्‍क्‍य हम्‍ब क्‍यू कलङ्बेये अन्सीबब जीयाजे लागि प्‍ल्‍यानब क्‍यू-मुरूम् क्‍यूक्‍क्‍य।”

यूहन्‍ना 4:14 ပူးပေါင်းရင်းမြစ်များ

मत्ती 25:46

“होर्‌दे थमयूदे कलङ्बेये अन्‍जेनब सजाइ प्रेक्क्य, तर धर्मीयूब कलङ्बेये अन्सीबब जीयाने क्योबीय।”

मत्ती 5:6

धार्मिकताजे लागि ठेब मेस्‍ये क्‍यू फैप्र क्‍यूरब मीयूदे असी प्रेक्‍क्‍य, चेनेयलो थमयूजे इच्छा पूरा क्यूक्‍क्‍य।

यूहन्‍ना 10:10

“खूमान् ब ख्‍वने, सेने मेस्ये नाश चेने त्‍यामे रीय। ङ ब नमयूदे जीया प्रेस्‍स्‍य, मेस्‍ये हम्‍ब पूरा रुप्ने प्रेस्‍स्‍य यदेबे रदे।

यूहन्‍ना 11:26

होर्‌दे जीया चब मेस्ये ङैने विश्‍वास चेब सूत्‍याये कलङ्बेये सीबस्ये त्‍वो। न अम्‍ब पोने विश्‍वास चीक्‍क्‍या?”

यूहन्‍ना 4:10

येशूदे जवाफ पीन्‍दे, “परमेश्‍वरजे बर मेस्‍ये नैप्रे चूजो क्‍यू स्‍यब मी स्‍ये यलो नदे ङूप्रे क्‍यू स्‍य ख्यङ्दे होर्‌दे ङूदे नने जीयाजे क्‍यू पीन ख्यङ्दे।”

यूहन्‍ना 4:11

हम्‍ब मदीदे ङूने यदे, “नैप्रे क्‍यू ह्‍वब तीया त्‍वो, क्‍यू कोम्‍पो सोरो मामो ख्यङ्। होर्‌दे हम्‍ब जीया पीनब क्‍यू नदे केर्‌दे रेक्‍क्‍य?

यूहन्‍ना 4:13

येशूदे ङूने जवाफ पीन्‍दे, “अम्‍ब क्‍यू थूङब मीयू क्‍वाने फेरि क्‍यू फैय,

यूहन्‍ना 4:36

सूदे बली थोय ङूदे मीला प्रेक्‍क्‍य, होर्‌दे कलङ्बेये अन्‍सीबब जीयाजे लागि बली तोल्‍क्‍य मेस्‍ये लू थरब होर्‌दे बली थ्वब ङ्हीने प्रे-प्रे सूग्‍क्‍य।

यूहन्‍ना 6:27

नाश क्‍यूप्‍पब चसेजे लागि कूम छेम्‍प्रे अन्‍चील्‍लाची, तर कलङ्बेये अन्‍सीबब जीयासेमे टूङब चसेजे लागि छेम्‍प्रे ची ‘मीजे चदे’ नमयूने अम्‍ब पीन्‍क्‍य। चेनेयलो परमेश्‍वर पदे ङू फ्‍याने रङ्सेजे छाप पूदे ख्यङ्।”

यूहन्‍ना 6:35

येशूदे थमयूने यदे, “जीया पीनब क्‍यङ् ङ ख्यङ्। ङै ट्‌याने सू रीय ङू ठीस्‍ये त्‍वो, मेस्‍ये ङै फ्‍याने विश्‍वास चेब कलङ्बेये क्‍यू फैस्‍ये त्‍वो।

यूहन्‍ना 6:58

स्वर्गदे रब क्‍यङ् अम्‍ब ख्यङ्, अम्‍ब नमयूजे मेमेयूदे चब क्‍यङ्प्र दी। थमयूदे हम्‍ब चदे होर्‌दे सीइदे। तर ङैदे पीनब क्यङ् चब मी कलङ्बेये अन्‍सीब।”

यूहन्‍ना 7:37

जेम्से दीन्बरजे ङ्येजे दिनने, या दीन्बरजे मूख्‍या दिनने, मेर्‌देबे येशूदे क्‍वादेने तलाबे यदे, “कादेये कोइ क्‍यू फैलो हम्‍ब ङैट्‌याने रदेबे थूङ्स्‍य।

रोमी 5:21

येर्‌बे पापदे मीयू क्वा फ्यानेने राज्य चीत्देबे सीब पर्‌दे चीत्दे। होरप्रने येशू ख्रीष्‍ट ङीन्जे प्रभुने ङीनयू धर्मी ठर्‌तीमीदेबे कलङ्बेये अन्सीबब जीया पीन्देबे परमेश्‍वरजे अनुग्रहदे राज्य चे ख्यङ्।

रोमी 6:23

चेनेयलो पापजे मेला सीबब ख्यङ्, तर होरेने पीनब परमेश्‍वरजे बरब ङीन्‍जे प्रभू ख्रीष्‍ट येशूने कलङ्बेये अन्सीब्ब जीया ख्यङ्।

२ कोरिन्थी 1:22

ङूदे ङीनने रङ्सेजे यदेबे छाप पूक्‍क जेन ख्यङ्, होरदेमेस्‍ये बैनाजे रूप्‍ने पवित्र आत्मा ङीनजे सेम्ने पीन ख्यङ्।

एफिसी 4:30

होर्‌दे परमेश्‍वरजे पवित्र आत्माने सेम्-नला अन्चील्‍लाची, हम्‍बदे उद्धार‌जे दिन‍जे लागि नमयूने छाप पूदे ख्यङ्।

१ पत्रुस 1:22

जेम्से नमयूदे परमेश्‍वरजे सत्य पो मन्‍दे ख्यङ् मेस्‍ये रङ्सेने शुद्ध चीत्‍देबे रङ्से अत-अची-च्योन्‌यूने चोखो माया ची, मेस्‍ये सेम्-नङ्देमेस्‍येने त्‍यादे-त्‍याने बेस्‍से कूम माया ची।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।

प्रकाश 7:16

थमयू फेरि कलङ्बेये ठीस्‍ये त्‍वो मेस्‍ये क्‍यू फैस्‍ये त्‍वो, मीयाजे रप् या सूजो सोरो ठ्वब रप्‌ये थमयू फ्‍याने पर्‌दीस्‍ये त्‍वो,

प्रकाश 7:17

चेनेयलो सिंहासनजे अन्‍द्रने ख्‍यब थुमा थमयूजे प्रङ्ब क्‍यूक्‍क्‍य, मेस्‍ये थमयूने प्रेस्‍योल्‍देबे सोम्‍बो क्‍यू प्ल्यानब मूरुम्सेमे कूबीय, मेस्‍ये परमेश्‍वरदे थमयूजे म्‍यादे योङ्‍रब म्‍यामूयू क्‍वाने फील्‍मीय।”