यूहन्‍ना 3:34 - घले नयाँ करार

³⁴ परमेश्‍वरदे कूल्‍बेब मीदे परमेश्‍वरजे पोने क्‍यम्‍क्‍य चेनेयलो परमेश्‍वरदे रङ्सेजे आत्मा पुरा रूप्‍दे पीन्‍क्‍य।

यूहन्‍ना 3:34 ပူးပေါင်းရင်းမြစ်များ

मत्ती 12:18

“ङैजे त्‍वो क्‍यूरने सेलेब त्‍या अन्-याने ख्यङ्, ङू ङैदे सोरो छेब ख्यङ्, ङूदे ङैजे सेम्‍ने सोरो सूग्‍लाबे चीम्‍मे ख्यङ्, ङैजे आत्मा ङू फ्‍याने पूमीय, मेस्‍ये ङूदे जात जातजेने न्यायजे उर्‌ती पूक्क्य।

लूका 4:18

“परमप्रभुजे आत्मा ङै फ्‍याने ख्यङ्, चेनेयलो दूख्‍प्रेबयूने सूगब खबर स्‍य्‍वेजे लागि ङूदे ङैने अभिषेक चे ख्यङ्। झ्यालखानजे मीयू योम्‍बेजे लागि, कनयूने म्‍या तङ्ला चेजे लागि, अन्-‍न्यायने पर्‌दीनब मीयूने छूर्‌देमेजे लागि,

यूहन्‍ना 1:16

ङूजे मोक्‍तो अनुग्रहदे ङीन क्वादेने सोरो कूम अनुग्रह प्रेन्‍न ख्यङ्।

यूहन्‍ना 15:26

“कन्‍छ्वाब ङैदे पजे तर्फदे मोतो पीनब तम्दम्जे आत्मा नमयू ट्‌याने कूल्बीय, हम्‍ब प ट्‌यादे रीय, हन्‍छ्वाब ङूदेने ङैजे पोजे गवाही पीन्‍क्‍य।

यूहन्‍ना 16:7

होर्‌दे ङ नम‍यूने तम्दम् पो यीय, नमयूजे फाइदाजे लागि ङ प्रेन ख्यङ्। ङ अम्‍प्रलो, मोतो पीनब नमयू ट्‌याने रस्‍ये त्‍वो तर ङ प्रलो ङू नमयू ट्‌याने कूल्‍बीय।

यूहन्‍ना 3:17

परमेश्‍वरदे रङ्से तीत्‍या चने संसारजे मीयूने दोष लैदेने दी, तर थमयूने बच्‍दीमेने कूल्‍बे ख्यङ्।

यूहन्‍ना 5:26

चेनेयलो जीयाजे मूल प परमेश्‍वर ख्यङ्, मेस्‍ये होरप्रने ङूदे जीयाजे मूल क्‍यूरब हक रङ्से चने पीन्‍क ख्यङ्,

यूहन्‍ना 7:16

होर्‌दे येशूदे थमयूने जवाफ पीन्‍दे, “ङैदे लोम्‍मेब पो ङैजे दी, तर सूदे ङैने कूल्‍बीदे हम्‍बजे ख्यङ्।

यूहन्‍ना 8:40

परमेश्‍वरदे यदेबे ङैदे तब तम्दम् पोयू नमयूने स्‍य्‍योप्‍प नमयूदे ङैने सेमेख्यङ्, तर अब्राहामदे येर कामब अन्चीक्‍क।

यूहन्‍ना 8:47

सू परमेश्‍वरजे ख्यङ्, ङूदे परमेश्‍वरदे क्‍यमब वचन ङ्‍यीन्क्य। नमयू परमेश्‍वरजे दी होरेक्‍यूत्‍देबे ङूजे वचन नमयूदे अन्ङ्‍यीन्।’’

मूल स्यूस्स्यायूजे कामजे किताब 1:2

रङ्सेदेने सेलब मूल स्यूस्स्यायूने येशूदे पवित्र आत्‍माप्रे क्यूत्देबे आज्ञा पीन्‍दे मेस्ये ङू स्वर्गने कूदेब दिनसेमेजे टक्‍क पो हम्‍ब किताबने लिख्दीये ख्यङ्।

मूल स्यूस्स्यायूजे कामजे किताब 10:38

यी परमेश्‍वरदे नासरतजे येशूने चून्‍दीदेबे रङ्से पवित्र आत्मा मेस्‍ये शक्तिदे अभिषेक चीत्दे। का-मुलुक‍ने येशू गीलीदेबे ङूदे ज्‍य काम चीत्‍दे, मेस्‍ये मीयूने तम् क्यूस्स्ये पीन्दे, मेस्‍ये शैतानदे दैल्‍लीनबयूने तम् चीदे चीदे प्रदे, चेनेयलो परमेश्‍वर ङूप्रे ख्य।

रोमी 8:2

चेनेयलो जीया पीनब आत्‍माजे नियमदे ङैने पाप मेस्‍ये सीबसे पीनब नियमट्‍यादे ख्रीष्‍ट येशूने उद्धार चीम्‍मे ख्यङ्।

एफिसी 3:8

परमेश्‍वरजे पवित्र मीयूनङ्जे ङ सोरो चीद ख्यङ्लीने ख्रीष्‍टजे बे‍स्‍से कूम सम्पत्तिजे सूगब खबर यहूदी तेब मीयूने स्‍य्‍वेब बर परमेश्‍वरदे ङैनेने पीन्‍दे।

कलस्सी 1:19

चेनेयलो परमेश्‍वरजे साप्‍ता स्वभाव‍यू ख्रीष्‍टने क्‍यून्‍नब तङ्देबे परमेश्‍वर सोरो सूग्‍दे,

कलस्सी 2:9

चेनेयलो परमेश्‍वरने ख्‍यब गुणयू क्‍वाने ख्रीष्‍टजे ङ्वने टून ख्यङ्।

प्रकाश 21:6

ङूदे ङैने यदे, “जेम्से जङ्‍गदे। ङ अल्‍फा मेस्‍ये ओमेगा, सुरु मेस्ये अन्‍त ख्यङ्। ङैदे क्‍यू फैब मीयूने जीया पीनब क्‍यू मूरुम्दे होरेने थूङ्से पीन्‍क्‍य।

प्रकाश 22:1

होर्‌दे ङूदे ङैने जीया पीनब क्‍यूजे होङ् तम्‍मीदे, हम्‍बङ्येदे क्‍यूजे होङ् छालाला तङब स्‍फटीकप्र चकिलो ख्‍य। हम्‍ब होङ् परमेश्‍वरजे मेस्‍ये थुमाजे सिंहासनदे योङ्‍रदेबे,