यूहन्‍ना 3:11 - घले नयाँ करार

¹¹ तम्दम्‍ने, ङ नने यीय, ङीदे च स्‍ये ख्यङ् हम्‍ब यीय, मेस्‍ये ङीदे च तङ ख्यङ् हम्‍बजे गवाही पीन्‍क्‍य, तर नमयू ङीजे गवाही अम्‍पत्‍ती।

यूहन्‍ना 3:11 ပူးပေါင်းရင်းမြစ်များ

मत्ती 11:27

“ङैजे पदे साप्‍ताकूरूने ङैने जिम्मा पीने ख्यङ्। पदेत्‍या रङ्से च कर ख्‍य यदेबे स्‍ये ख्यङ् सूजो सूदेये अन्‍स्‍ये मेस्‍ये चदेत्‍या प स्‍ये ख्यङ् सूजो सूदेये अन्‍स्‍ये। होर्‌दे चदे प कर ख्य यदेब सूने स्‍येला चीम्‍मेब सेम् चीक्क्य थमयूदेत्‍या स्‍येय।

मत्ती 23:37

“यरूशलेम, ओ यरूशलेम, नदे अगमवक्तायूने सेक्‍य मेस्‍ये परमेश्‍वरदे कूल्‍बेब मीयूने लूङ्दे ठरीय! केर्‌बे कमदे रङ्से काच्यूयूने येन्‍नङ्ने रूप् पूक्‍य, होरप्रने ङैदे कूम खेप् नैजे बल्‍खयूने रूप् प्‍वेब सेम् चीत्‍दे, तर नदे अन्ङ्यीन्।

लूका 10:22

“ङैजे पदे साप्‍ताकूरूने ङैने सूम्‍दीये ख्यङ्। च सू यदेबे पदेत्‍या स्ये ख्यङ्, सूजो सूदेये अन्‍स्ये। होरप्रने प सू यदेबे चदे त्‍या स्ये ख्यङ् सूजो सूदेये अन्‍स्ये, मेस्‍ये चदे सूने तनब सेम् चीक्‍क्‍य, ङूदेत्यामे सूजो सूदेये अन्‍स्ये।”

यूहन्‍ना 1:11

रङ्से मीयू ट्‌याने ङू रदे, तर हम्‍ब मीयूदे ङूने ग्रहण अन्ची।

यूहन्‍ना 1:18

परमेश्‍वरने कलङ्बे सूदेये अन्‍तङ्। पप्रे ख्‍यब तीत्‍यात्‍या चदे पने तम्‍मे ख्यङ्।

यूहन्‍ना 12:49

चेनेयलो ङैदे रङ्सेजे तर्फदे अन्‍क्‍यम्, तर ङैदे च य पर्‌दे मेस्‍ये ङैदे च क्‍यम पर्‌दे यदेबे ङैने कूल्‍बेब प रङ्सेदेने ङैने आज्ञा पीन ख्यङ्।

यूहन्‍ना 14:24

ङैने प्रेम अन्‍चेबदे ङैजे वचन अम्‍मन्‍दी। कम्‍ब वचन नमयूदे ङ्‍यीन्क्य, हम्‍ब ङैजे दी तर ङैने कूल्‍बेब पजे ख्यङ्।

यूहन्‍ना 3:12

ङैदे अम्‍ब संसारने ख्‍यब पोजे बारेने यब नमयूदे अम्पत्‍ती यलो, झन् स्वर्गजे बारेने यदे यलो केर्‌बे पत्‍तीय?

यूहन्‍ना 3:13

स्वर्गदे रब मीजे च-त्यामे सूजो सूये स्वर्ग अङ्‍गीली।

यूहन्‍ना 3:3

येशूदे ङूने जवाफ पीन्‍दे, “तम्दम्‍ने ङ नने यीय, फेरि सर्‌ क्‍यूत्‍देबे अन्‍जन्मीदीदे यलो सूदेये परमेश्‍वरजे राज्‍य तङ प्रेस्‍स्‍ये त्‍वो।”

यूहन्‍ना 3:5

येशूदे जवाफ पीन्‍दे, “तम्दम्‍ने ङ नने यीय, क्‍यू मेस्‍ये आत्मादे अन्‍जन्मीदीतासेमे सूत्‍याये परमेश्‍वरजे राज्‍यने क्‍योब प्रेस्‍से त्‍वो।

यूहन्‍ना 5:43

ङ ङैजे पजे मीन्‍ने रदे, तर नमयूदे ङैने ग्रहण अन्‍ची। सूजो कोइ रङ्सेजे मीन्‍नेनेरदे यलो ङूने ग्रहण चीक्‍क्‍य।

यूहन्‍ना 7:16

होर्‌दे येशूदे थमयूने जवाफ पीन्‍दे, “ङैदे लोम्‍मेब पो ङैजे दी, तर सूदे ङैने कूल्‍बीदे हम्‍बजे ख्यङ्।

यूहन्‍ना 8:14

येशूदे जवाफ पीन्‍दे, “ङ ङैजे बारेने गवाही पीन्‍क्‍य, होरनेयलीने ङैजे गवाही सत्य ख्यङ्। ङैदे स्‍ये ख्यङ्, ङ केर्‌दे रदे, मेस्‍ये कने प्रेन ख्यङ्। तर नमयूने अम्‍ब पो था त्‍वो, ङ केर्‌दे रीय, या कने प्रेन ख्यङ्।

यूहन्‍ना 8:26

ङैदे नमयूजे बारेने य पर्‌दे मेस्ये न्याय चेपर्‌देब कूम ख्यङ्। तर ङैने कूल्‍बेब सत्य ख्यङ्, मेस्‍ये ङूदे स्‍य्‍वेब पोयू ङ संसारजे मीयूने यीय।”

यूहन्‍ना 8:38

ङ ङैजे पप्रे ख्यङ्ब तङब पोयूजे बारेने यीय, तर नमयूब नमयूजे पदे यदेबे तब पोयू चीक्‍क्‍य।”

मूल स्यूस्स्यायूजे कामजे किताब 22:18

ङूदे ङैने येरे येनब ङैदे तङ्दे, ‘छ्‍योटो प्रदेबे यरूशलेमदे योङ्ब, चेनेयलो ङैजे बारेने नदे पीनब गवाही थमयूदे ग्रहण चीस्स्ये त्‍वो।’

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

प्रकाश 1:5

मेस्ये विश्‍वास चे ख्‍वब साक्षी येशू ख्रीष्‍ट, सीयेबयू नङ्ने पात्‍ता खूम् सोम्‍बो क्‍यूरब, मेस्‍ये पृथ्‍वीजे मूरुम्यू फ्‍याने हुकुम चेबट्‍यादे नमयूने अनुग्रह मेस्ये शान्ति। ङूदे ङीनने प्रेम चे ख्यङ् मेस्‍ये ङीन्‍जे पापने रङ्से कादे छूर्‌तीमे ख्यङ्,

प्रकाश 3:14

होर्‌दे लाउडिकियाजे मण्डलीजे दूतने अम्‍ब पो लिख्दी: आमेन, भरपर्‌तेब, मेस्‍ये तम्दम् गवाही मेस्‍ये परमेश्‍वरदे सृष्‍टि चेब सेयू फ्‍याने हक चील्‍लेबदे अम्‍ब पो य ख्यङ्।