यूहन्‍ना 21:22 - घले नयाँ करार

²² येशूदे पत्रुसने यदे, “ङ अन्‍ल्‍वारदासेमे ङू सोम्‍बो क्‍यून्‍नूस्‍य मन्लीने नने च क्‍यूत्‍दे स्व? न ङैजे ङ्‍ये-ङ्‌ये ख।”

यूहन्‍ना 21:22 ပူးပေါင်းရင်းမြစ်များ

मर्कूस 9:1

होर्‌दे येशूदे थमयूने यदे, “तम्दम्‍ने, ङ नमयूने यीय, अने मेर्‌नब मीयू नङ्ने कोइ परमेश्‍वरजे राज्‍य शक्तिने रब अन्तङ्दा सेमे सीबस्‍ये त्‍वो।”

प्रकाश 2:25

होरेक्‍यूल्‍लीने नमयूप्रे च ख्यङ्, हम्‍बने ङ अन्‍रदासेमे बोङ्बे चूङ्नू।

१ कोरिन्थी 4:5

येरेक्‍यूत्‍देबे तोक्‍दीयेब बीलयली खूम् सूनेये दोष अन्‍लैदीलाची, प्रभु अन्‍रदासेमे रेन्‍नू। ङूदे मून्‍दूङ्ने अन्‍तङ्लाबे नङ्सू क्‍यून्‍नब सेयू ओथ्याङ्ने तङ्लाबे चीम्‍मीय, मेस्‍ये मीजे सेम्जे पोयू तङ्लाबे चीम्‍मीय। हन्‍छ्वाब मी क्‍वादेने प्रेपर्‌देब स्यावास परमेश्‍वरदे पीन्‍क्‍य।

प्रकाश 3:11

ङ छ्‌योटो रेन ख्यङ्। नैप्रे च ख्यङ् हम्‍बने बोङ्बे चूङ्नू, मेस्‍ये सूदेये नैजे मुकुट लेङ्‍गे अङ्‍खूस्‍य।

याकूब 5:7

येरेक्‍यूत्‍देबे अत-अजी-च्योन्‌यू, प्रभू अन्‍रदासेमे कूम धेरेन् क्‍यूत्‍देबे रेन्। ले, रङ्दे सोरो ज्‍य बली प्रेब आशा चीत्‍देबे खेती फरब मीदे खूम्जे मेस्‍ये ङ्येजे च्‍वो अन्‍रता धेरेन् क्‍यूत्‍देबे रेन्‍नीय।

१ कोरिन्थी 11:26

चेनेयलो कन्‍छ्वाब नमयूदे अम्‍ब क्‍यङ् चीय, मेस्‍ये अम्‍ब पीलदे थूङ्क्‍य, ङू अन्‍रदासेमे नमयूदे ङ सीयेब पो प्रचार चीक्‍क्‍य।

यूहन्‍ना 21:19

परमेश्‍वरजे महिमा चेने पत्रुस केरे सीब पर्‌दे यब पोजे यप् चीत्‍देबे येशूदे य ख्‍य। होर्‌दे ङ्येदे ङूदे पत्रुसने यदे, “ङैजे ङ्ये-ङ्ये ख।”

मत्ती 24:44

येरेक्यूत्देबे नमयू तयार क्‍यूर्, चेनेयलो मीजे-च नमयूजे सेम्‍दे अम्‍मनब बीलने रीय।

प्रकाश 22:20

अम्‍ब पोयूजे गवाही पीनबदे यीय, “तम्दम्‍ने, ङ छ्‌योट्‍टो रेन ख्यङ्।” आमेन, ख स्व, प्रभु येशू।

प्रकाश 22:7

येशूदे यदे, “ले, जेम्से ङ छ्‍योट्‍टोने रेन ख्यङ्। अम्‍ब किताबने लिख्दीयेब अगमवाणीजे वचन मन्‍देबयूदे असी प्रेक्‍क्‍य।”

प्रकाश 1:7

ले, ङू मूक्‍पप्रने रेन ख्यङ्, मेस्‍ये क्‍वाजे म्‍यादे ङूने तङ्क्‍य। सू-सूदे ङूने स्‍यूल्‍दे हम्‍बयूदेये ङूने तङ्क्‍य, मेस्‍ये ङू रब पृथ्‍वीजे मीयू क्‍वाने ङूजे लागि शोक् चीक्‍क्‍य। येरेने क्‍यूस्‍स्‍य। आमेन।

मत्ती 25:31

“कन्‍छ्वाब केन् महिमाने मीजे च रङ्से स्वर्गदूतयूप्रे रीय, हन्‍छ्वाब ङू मूरुम् टूङब सिंहासनने टूङ्क्‍य।

मत्ती 24:27

चेनेयलो केर्‌बे पूर्वदे क्‍यूलीङ् क्‍याब पश्चिमसेमे ओथ्याङ् तङ्क्‍य, होरप्रने मीजे च रीय।

मत्ती 24:3

कन्‍छ्वाब येशू जैतून गङ्ने टून ख्य हम्ब बीलने स्यूस्स्यायू स्‍यूट्‍टे रदेबे ङूने लोत्‍दे, “गुरुज्‍यू, ङीने स्‍य्‍वे-च, अम्‍ब पो कलङ् क्‍यूक्क्‍य, मेस्‍ये न कलङ् रीय, होरदे अम्‍ब संसारजे आखिरी क्‍यूट्‍टमेब च्‍यूनू च क्‍यूक्क्‍य?”

मत्ती 8:22

तर येशूदे ङूने यदे, “नब ङैजे ङ्‍ये-ङ्‍ये ख, मूर्दादेने ङूजे रङ्से मूर्दा पोप्‍स्‍य।”

मत्ती 16:24

होर्‌दे येशूदे रङ्से स्यूस्स्यायूने यदे, “कादेये कोइ मी ङैजे ङ्येदे रस्‍येमन्‍लो, ङूदे रङ्सेने माया मर्‌दीस्‍य, मेस्‍ये रङ्से क्रूस प्‍लेत्‍देबे ङैजे ङ्‍येदे रस्‍य।

यूहन्‍ना 21:21

ङूने तङ्देबे पत्रुसदे येशूने यदे, “प्रभु, अम्‍ब मीजे बारेने च क्‍यूक्‍क्‍य?”

१ थेसलोनिकी 2:19

कन्‍छ्वाब ङीनजे प्रभु येशू रीय, हन्‍छ्वाब ङूजे खूम्‍ने ङीनजे आशा या सूगब या गेसेन्जे मुकुट चने यली नमयूने ते स्व?

याकूब 5:8

नमयूदेये धेरेन् क्‍यूत्‍देबे रेन्। रङ्से सेम् केन् ची, चेनेयलो प्रभू रब दिन ट्‌याराङ्ने फ्‍योर ख्यङ्।