यूहन्‍ना 21:14 - घले नयाँ करार

¹⁴ येशू सीइदेबे फेरि सोम्‍बो क्‍यूर ङ्येदे स्यूस्स्यायू ट्‌याने तङ्‍रब अम्‍ब सोम्‍खेप् क्‍यूर ख्‍य।

यूहन्‍ना 21:14 ပူးပေါင်းရင်းမြစ်များ

मर्कूस 16:12

होर्‌देङ्‌येदे ङूजे स्यूस्स्यायू ङ्‌ही त तेले प्रेनूब थमयू ट्‌याने येशू सूजो रूप्ने तङ्‌रदे।

मर्कूस 16:14

होर्‌देङ्‌येदे येशू एघार जना स्यूस्स्यायू चसे चेनूब तङ्‌रदे। होर्‌दे थमयूजे सेम् विश्‍वास अन्चेब, सोरो सेम् कोङ तङ्देबे येशूदे थमयूने फ्राचीदे। चेनेयलो ङू सीइदे फेरि सोम्‍बो क्‍यूत्‍देबे लङ्‌र ङ्‌येदे ङूने तङब मीयूजे पो थमयूदे विश्‍वास अन्ची।

यूहन्‍ना 20:19

हम्‍ब दिन, या सतजे पात्‍ता खूम्‍ब दिनजे नूस्‍यूङ्, कन्‍छ्वाब स्यूस्स्यायू यहूदीयूने फदेबे ख्‍योयू थादेबे नङ्ने टून ख्‍य, हन्‍छ्वाब येशू रदेबे थमयूजे अन्द्रने मेर्‌देबे थमयूने यदे, “नमयूने शान्ति क्‍यूस्‍स्‍य!”

यूहन्‍ना 20:26

सात्‍या ङ्येदे ङूजे स्यूस्स्यायू फेरि कीम् नङ्ने ख्‍य। थोमाये थमयूप्रे ख्‍य। ख्‍योयू थाये ख्‍य, तर येशू नङ्ने क्‍योरदे, मेस्‍ये अन्द्रदे मेर्‌देबे यदे, “नमयूने शान्ति क्‍यूस्‍स्‍य!”

यूहन्‍ना 21:1

होर्‌दे ङ्येदे येशू फेरि तिबेरियास समुद्रजे नने स्यूस्स्यायू ट्‌याने तङ्‍रदे। ङूदे रङ्सेने येरे तम्‍मीदे:

मूल स्यूस्स्यायूजे कामजे किताब 1:3

छरङ् भोक्‍तीदेबे क्रूसने सीयेमेस्‍ये येशू ङ्यील्‍लङ् दिनसेमे घरी-घरी थमयूदे तङ्दे किसिम किसिमजे पक्‍क प्रमाणयूदे रङ्से सोम्‍बो ख्यङ् यदेबे तन्‍दे। थमयूदे ङूने तङ्दे, मेस्‍ये ङूदे थमयूने परमेश्‍वरजे राज्‍यजे बारेने स्‍योत्‍दे।