यूहन्‍ना 2:16 - घले नयाँ करार

¹⁶ धोङ्‍र सोङब मीयूने ङूदे यदे, “अन्-यादे अम्‍ब सेयू साप्‍ताने कूप। ङैजे पजे कीम्‍ने कीन-सोङ चेब कीम् अन्‍चील्‍लाची।”

यूहन्‍ना 2:16 ပူးပေါင်းရင်းမြစ်များ

मत्ती 21:12

येशू परमेश्‍वरजे मन्दिरने गीलीदे। होर्‌दे येशूदे मन्दिरने कीनब मेस्‍ये सोङ्नब मीयू क्वाने ताल्‍पीदे, मेस्‍ये नोर‌्‌ स्‍योलब मीयूजे टेबल, मेस्‍ये पूर्‌वा सोङब मीयूजे टेबल फोल्‍पीदे।

मत्ती 21:13

येशूदे थमयूने यदे, “धर्मशास्‍त्रने येर्‌बे लिख्‍दीये ख्यङ्, ‘ङैजे कीम् प्रार्थनाजे कीम् यीय।’ तर नमयूदे अम्‍ब ने डाँकूयूजे पूक् बन्‍दे ख्यङ्।”

मत्ती 22:5

“तर थमयूदे ख्यालने अन्चील्‍लाबे त्‍या रङ्सेजे रङ्तेले, सूजो रङ्सेजे छोङ् चेनेतेले गीलीदे।

मर्कूस 11:17

होर्‌दे येशूदे मीयूने शिक्षा पीन्‍देबे यदे, “च येरे लिख्दीये ते? ‘ङैजे कीम् टक्क मीयूजे प्रार्थना चेब कीम् यदेबे यीय’ तर नमयूदे अम्‍बने खूमान्‌यू टूङ ने चे ख्यङ्।”

लूका 2:49

ङूदे थमयूने यदे, “नमयूदे ङैने चेने मे? ङ रङ्से पजे कीम्ने क्‍यूर पर्‌दीय यदेबे नमयूने था त्‍वा?”

यूहन्‍ना 10:29

ङैजे पदे हम्‍ब ङैने पीन ख्यङ्: ङू पात्‍ता नङ्ने केन् ख्यङ्। थमयूने पजे लादे लेन्‍देबे सूदेये योन्गे अन्‍खू।

यूहन्‍ना 2:15

होर्‌दे थबजे कोर्रा त्‍या बन्‍दीदे ङूदे मीयू क्‍वानेने, थमयूजे स्वान्‌यू मेस्ये लप्यू मन्दिरजे फीने ताल्‍पीदे, मेस्‍ये नोर‌्‌ स्‍योल्‍मेबयूजे नोर्‌ ढ्याक्‍यू थर्‌पीदे होर्‌दे टेबलयू पून्‍छ्‌याल चीप्‍पीदे।

यूहन्‍ना 20:17

येशूदे ङूने यदे, “ङैने अन्‍छूल्‍लाची, चेनेयलो ङ चूजोसेमे प ट्‌याने अङ्‍‍गीले ख्यङ्। तर ङैजे च्योन्‌यू ट्‌याने प्रदेबे थमयूने स्‍योम्‍मी, ‘ङैजे प मेस्ये नमयूजे प, होर्‌दे ङैजे परमेश्‍वर मेस्ये नमयूजे परमेश्‍वर ट्‌याने ङ प्रेन ख्यङ्’।”

यूहन्‍ना 5:17

होर्‌दे येशूदे थमयूने यदे, “ङैजे पदे चूजोसेमेने काम फर्‌न ख्यङ्, होर्‌दे ङैये काम फर्‌न ख्यङ्।”

यूहन्‍ना 8:49

येशूदे जवाफ पीन्‍दे, “ङैने छेत् लादीक दी। ङ ङैजे पने गेसेन् चीक्‍क्‍य, तर नमयूदे ङैने गेसेन् अन्‍ची।

१ तिमोथी 6:5

मेस्‍ये बुद्धि नोङ्येब मेस्ये सत्यदे आलाक्के क्‍यूरेब मीयूजे अन्‍द्रने कचेला चीक्‍क्‍य, होर्‌दे परमेश्‍वरने मन्‍दे यब फाइदा लङ काम त्‍या ख्यङ् यदेबे थमयूदे मन्क्‍य।

२ पत्रुस 2:3

थमयूदे लूच्‍च पोयू यदेब लोभ तन्‍क्‍य, होर्‌दे नमयूप्रे फाइद कीन्‍क्‍य। थमयूदे प्रेब दण्डजे पो खूम्‍ने पक्‍क क्‍यूक्‍क ख्यङ् मेस्‍ये थमयूजे नाश क्‍यूरब पो पक्‍क ख्यङ्।