यूहन्‍ना 19:4 - घले नयाँ करार

⁴ फेरि पिलातसदे फीने योङ्‍रदेबे थमयूने यदे, “लौ, ङैदे अम्‍ब मी नमयू ट्‌याने फीने रे ख्यङ्, मेस्‍ये नमयूने था क्यूस्स्य यदेबे यीय, ङूने चै दोषये अम्‍प्रे।”

यूहन्‍ना 19:4 ပူးပေါင်းရင်းမြစ်များ

मत्ती 27:19

होर्‌दे न्याय चेने टूङब बीलने ङूजे मजदे येरे यदेबे खबर चङ्पीदे, “हम्‍ब दोष त्‍वब मीने चैत्‍याये अन्चील्‍लाची, चेनेयलो दीनी ङैदे मोङ्ने ङूदे कूम सकस् भोक्‍तीनब तङ्देबे ङ सोरो अन्सूग्।”

मत्ती 27:24

येरेक्यूत्देबे पिलातसदे रङ्सेजे चैसीप्‌ये अन्‍लादे तङ्देबे, बरू झन् थेप् खैलाबैला मच्‍दीबीइच यदेबे ङूदे क्‍यू टेल्‍देबे मी हुल‍जे खूम्ने रङ्से ला ठूदेबे यदे, “अम्‍ब मीने सेब दोष ङैने दी, तर नमयूने लादीस्‍य।”

मत्ती 27:4

होर्‌दे यदे, “ङैदे ‌दोष त्वब मीने चूङ्से पीन्‍देबे पाप चीक्‍क ख्यङ्।” तर थमयूदे यदे, “अम्‍बजे ङीने चे मतलब? न रङ्सेदेने स्‍ये।”

मत्ती 27:54

कन्‍छ्वाब कप्‍तान मेस्‍ये ङूप्रे येशूने रेत्‍देबे टूनब मीयूदे सूङ्‍गू गीलेब मेस्‍ये होने क्‍यून्‍नब घटनायू तङ्दे, हन्‍छ्वाब सोरो फदेबे थमयूदे यदे, “तम्दम्‍ने, ङू परमेश्‍वरजे चने टूङ्।”

लूका 23:4

होर्‌दे पिलातसदे पूस्‍र्‌या केन्‌यू मेस्‍ये मी हुलयूने यदे, “ङैदे अम्‍ब मीने चैत्‍याये दोष अन्‍तङ्।”

लूका 23:41

ङीनदे अन्ज्‍य काम चीक्‍कदेबे अन्ज्‍य कामजे सजाइ भोक्‍तीन ख्यङ्, तर अम्‍ब मीदेब अन्ज्‍य काम चैत्‍याये अन्चीक्‍क।”

लूका 23:47

अम्‍ब घटना तङ्देबे कप्‍तानदे येरे यदेबे परमेश्‍वरजे महिमा चीत्‍दे, “पक्‍कने ङू धर्मिक मी टूङ्।”

यूहन्‍ना 18:33

पिलातस फेरि दरबार नङ्ने क्‍योयीदे मेस्‍ये ङूदे येशूने कोदेबे यदे, “न यहूदीयूजे मूरूम् औ।”

यूहन्‍ना 18:38

पिलातसदे ङूने लोत्‍दे, “सत्य यब च?” येरे यदेबे पिलातस फीने यहूदीयू ट्‌याने योङ्‍गीदे, मेस्‍ये थमयूने यदे, “ङैदे ङूजे दोष चैत्‍याये अम्‍प्रे।

यूहन्‍ना 19:6

कन्‍छ्वाब पूस्‍र्‌या केन्‌यू मेस्‍ये सीन्त्रीयूदे ङूने तङ्दे, हन्‍छ्वाब थमयूदे येरे यदेबे बोङ्बे पारा पूत्‍दे, “क्रूसने खील् ठोक्दीदे हम्‍बने पील्‍पी, क्रूसने खील् ठोक्दीदे हम्‍बने पील्‍पी!” पिलातसदे थमयूने यदे, “अम्‍बने कूबदेबे नमयूदेने क्रूसने खील् ठोक्दीदेबे पील्, चेनेयलो ङूने चै दोषये अन्तू।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

हिब्रू 7:26

चेनेयलो ङीनजे लागि पवित्र, दोष त्‍वब, चैये खोट् त्‍वब, पाप त्‍वब, मेस्‍ये पात्‍ता फ्‍या स्‍वर्गने लङ्‍केब पात्‍ता नङ्ने केन् येर पूस्‍र्‌या त्‍या क्‍यूर पर्‌ते ख्यङ्।

१ पत्रुस 1:19

तर चैये खोट् त्‍वब मेस्‍ये शुद्ध ख्‍यब थुमाजेप्र लू-फाने अङ्ख्‍वब येशू ख्रीष्‍टजे कादे नमयूने छुटकारा पीन ख्यङ्।

१ पत्रुस 2:22

“ङूदे कलङ्बेये पाप अन्चीक्‍क, मेस्‍ये ङूजे ङूर्‌दे कलङ्बेये लूच्‍च अन्‍क्‍यम्क।”

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ यूहन्‍ना 3:5

मीयूजे पाप लङ्‍केने ङू र-ख्यङ् यब पो नमयूदे स्‍ये ख्यङ्। मेस्‍ये ङूने चै पापये त्‍वो।