यूहन्‍ना 19:11 - घले नयाँ करार

¹¹ येशूदे जवाफ पीन्‍दे, “नने परमेश्‍वरदे अम्‍पीन्लो ङै फ्‍याने नैजे चै हकये अन्‍लादे ख्यङ्दे। येरेक्‍यूत्‍देबे ङैने नैजे लाने सूम्‍दीबेब मीदे अझ थेप् पापजे दोष प्रेक्‍क्‍य।”

यूहन्‍ना 19:11 ပူးပေါင်းရင်းမြစ်များ

मत्ती 26:65

होर्‌दे पात्‍ता केन् पूस्‍र्‌यादे रङ्से कोला प्र्याङ्देबे यदे, “अम्‍ब मीदेब ईश्वरजे न-प्वे ख्यङ्! जेम्से ङीनने सूजो साक्षीयू चेने चैदे? नमयूदे चूजो ङूदे क्‍यमब ईश्वरजे न प्वेब तदे। सूजो थेप् गवाहीयूजे चै हर्‌जो पर्‌दीय?

मत्ती 27:2

होर्‌दे थमयूदे येशूने ख्‍यादेबे कूदीदे, मेस्‍ये हाकिम पिलातस ट्‌याने सूम्‍दीपीदे।

मत्ती 6:13

ङीने अन्ज्य जाँचने पर्‌तीप्रसे अम्‍पीन्‍लाची, तर दुष्‍टजे लादे चूक्‍दीमी। [चेनेयलो राज्‍य, शक्ति मेस्‍ये महिमा येतार्‌ने नैजेने ख्‍यङ्। आमेन।’]

मर्कूस 14:44

येशूने धोका पीनब स्यूस्स्यादे थमयूने येरे लतप्त्‍या चीदे ख्‍य, “ङैदे सूने म्वाइँ चीक्‍क्‍य, ङूने येशू क्‍यूक्‍क्‍य, ङूने चूङ्देबे चेलाबे स्‍योल्‍गी।”

लूका 22:53

दिनजे पीजीने मन्दिरने ङ नमयूप्रे ख्यङ्ब नमयूदे ङैजे विरुद्धने ला लङब आँट अन्‍ची। तर जेम्से नमयूजे काम चेप बील रदे मेस्‍ये मून्‍दूङ्जे शक्तिदे राज्‍य चीक्‍क्‍य।”

यूहन्‍ना 18:13

थमयूदे पात्‍ता खूम् ङूने हन्‍नास ट्‌याने कूदीदे, ङू हम्‍ब बर्षजे पात्‍ता नङ्ने केन् पूस्‍र्‌या कैयाफाजे कीन् ख्‍य।

यूहन्‍ना 18:3

होर्‌दे बत्ती, मीदङ् नैन्‍देबे, लास्‍यायू टेल्‍देबे सिपाईयू हुल त्‍या मेस्‍ये पूस्‍र्‌या केन्‌यूप्रे फरिसीयूदे कूल्‍बेब सीन्त्रीयू स्‍योल्‍देबे यहूदा हैयाने रदे।

यूहन्‍ना 19:10

होरेक्‍यूत्‍देबे पिलातसदे ङूने यदे, “च न ङैप्रे अन्‍क्‍यम? नने क्‍याबेब हक ङैप्रे ख्यङ्, मेस्‍ये खील् ठोक्दीदे क्रूसने पीलब हकये ङैने ख्यङ् यदेबे नने था त्‍वा?”

यूहन्‍ना 3:27

यूहन्‍नादे जवाफ पीन्‍दे, “परमेश्‍वरदे अम्‍पीन्‍दासेमे मीदे चैसेये प्रे अन्खू।

यूहन्‍ना 7:30

अम्‍ब पो तदेबे थमयूदे ङूने चूङ मेदे, तर सूदेये चूङने अन्खू, चेनेयलो अझ ङूजे बील अन्‍र ख्‍य।

यूहन्‍ना 9:41

येशूदे थमयूने यदे, “बूरू नमयू म्‍या अन्‍तङ यलो पापजे दोष अन्‍लादे ख्यङ्दे, तर नमयू ङीदे तङ ख्यङ् यदेबे य ख्यङ्, येरेक्‍यूत्‍देबे नमयूजे पाप टूनीय।”

मूल स्यूस्स्यायूजे कामजे किताब 2:23

परमेश्‍वरदे तोक्‍तीयेबे ठीक योजना मेस्‍ये ज्ञान अनुसार चूङ्‌गब अम्‍ब येशूने दुष्‍ट मीयूजे लाने सूम्‍दीपीदेबे क्रूसने पील्‍देबे सेत्‍दे।

मूल स्यूस्स्यायूजे कामजे किताब 3:13

ङीनजे तङ्बोजे मेमे अब्राहाम, इसहाक मेस्‍ये याकूबजे परमेश्‍वरदे रङ्सेजे सेवा चेब येशूने महिमित चीत्‍दे, ङूने नमयूदे चूङ्स्ये पीन्दे। पिलातसदे ङूने क्याबे मेलीने नमयूदे ङूजे खूम्‍देने अन्क्यूर् यदे।

मूल स्यूस्स्यायूजे कामजे किताब 4:28

हम्‍ब चेने कम्‍ब नैजे लादे मेस्‍ये नैजे योजना अनुसार मालाङ्ने पक्क चीते ख्‍य।

रोमी 11:36

चेनेयलो टक्कने परमेश्‍वरदे बन्‍देब ख्यङ्। हम्‍ब साप्‍ता थोक‍ने ङूजे बोङ्दे, मेस्‍ये ङूजे महिमाजे लागि ख्यङ्। ङूनेने येतार्‌ने महिमा क्‍यूस्स्‍य। आमेन।

रोमी 13:1

हुकुम चील्‍लेब मीयूजे हुकुम टक्कदेने मन्‍दी। परमेश्‍वरदे पीनब हक यली सूजो चेये हक अन्‍क्‍यूर। हम्‍ब हुकुम चील्‍लेब मीयू परमेश्‍वरदे सेलब ख्यङ्।

याकूब 1:17

सोरो ज्‍य मेस्‍ये सिद्ध बरयू क्‍वाने स्वर्गदे रीय, ओथ्याङ्जे परमेश्‍वर प ट्‌यादे अम्‍ब बरयू क्‍वाने रीय। फेर्‌दीनब छायाप्र ङू कलङ्बेये अम्फेर्‌दी।

याकूब 4:17

येरेक्‍यूत्‍देबे सूदे भलो चेब स्‍येदेये अन्‍ची ङूदे पाप चीक्‍क्‍य।