यूहन्‍ना 17:25 - घले नयाँ करार

²⁵ “धार्मिक प, संसारदे नने अन्‍स्‍ये, तर ङैदे नने स्‍ये ख्यङ्, होर्‌दे नदे ङैने कूल्‍बे ख्यङ् यदेबे अम्‍बयूदेये स्‍ये ख्यङ्।

यूहन्‍ना 17:25 ပူးပေါင်းရင်းမြစ်များ

मत्ती 11:27

“ङैजे पदे साप्‍ताकूरूने ङैने जिम्मा पीने ख्यङ्। पदेत्‍या रङ्से च कर ख्‍य यदेबे स्‍ये ख्यङ् सूजो सूदेये अन्‍स्‍ये मेस्‍ये चदेत्‍या प स्‍ये ख्यङ् सूजो सूदेये अन्‍स्‍ये। होर्‌दे चदे प कर ख्य यदेब सूने स्‍येला चीम्‍मेब सेम् चीक्क्य थमयूदेत्‍या स्‍येय।

मत्ती 16:16

सिमोन पत्रुसदे जवाफ पीन्‍दे, “न सोम्‍बो परमेश्‍वरजे च ख्रीष्‍ट ख्यङ्।”

लूका 10:22

“ङैजे पदे साप्‍ताकूरूने ङैने सूम्‍दीये ख्यङ्। च सू यदेबे पदेत्‍या स्ये ख्यङ्, सूजो सूदेये अन्‍स्ये। होरप्रने प सू यदेबे चदे त्‍या स्ये ख्यङ् सूजो सूदेये अन्‍स्ये, मेस्‍ये चदे सूने तनब सेम् चीक्‍क्‍य, ङूदेत्यामे सूजो सूदेये अन्‍स्ये।”

यूहन्‍ना 1:18

परमेश्‍वरने कलङ्बे सूदेये अन्‍तङ्। पप्रे ख्‍यब तीत्‍यात्‍या चदे पने तम्‍मे ख्यङ्।

यूहन्‍ना 10:15

केर्‌बे पदे ङैने स्‍ये ख्यङ्, ङैदेये पने स्‍ये ख्यङ्, होर्‌दे ङ ङैजे स्वान्‌यूजे लागि ङैजे रङ्से ङ्वये पीन्‍क्‍य।

यूहन्‍ना 15:21

तर नमयू ङैजे मीन् कीनब क्‍यूत्‍देबे थमयूदे नमयूने अम्‍ब साप्‍ता थर्‌जे सतनम् पीन्‍क्‍य, चेनेयलो थमयूदे ङैने कूल्‍बेब पने अन्‍स्‍ये।

यूहन्‍ना 16:27

प रङ्सेदेने नमयूने माया चे ख्यङ्, चेनेयलो नमयूदे ङैने माया चे ख्यङ्, मेस्‍ये ङ परमेश्‍वरदे कूल्‍बे ख्यङ् यदेबे नमयूदे विश्‍वास चे ख्यङ्।

यूहन्‍ना 16:3

थमयूदे येर काम चीक्‍क्‍य, चेनेयलो थमयूदे पने अन्‍स्‍ये, मेस्‍ये ङैनेये अन्‍स्‍ये।

यूहन्‍ना 16:30

जेम्‍से ङीदे कोदे, नदे साप्‍ता पोने स्‍ये ख्यङ्, नने होर्‌दे सूदेये ल्‍वे अम्‍पर्‌दीस्‍ये टूङ् यदेबे ङीने था क्‍यूत्‍दे। येरेक्‍यूत्‍देबे ङी विश्‍वास चीक्‍क्‍य, न परमेश्‍वरतेलेदे रब ख्यङ्।”

यूहन्‍ना 17:11

“नै ट्‌याने ङ रेन ख्यङ्‍, जेम्से ङ संसारने कूम अन्‍टोङ्, तर थमयू अम्‍ब संसारने टूङ्क्‍य। येरेक्‍यूत्‍देबे ओ पवित्र प, ङैने पीनब मीयूने नैजे मीन्जे शक्तिदे जूक्‍तीमी, मेस्‍ये नेप्रे ङ त्‍या क्‍यूरप्रने थमयूये त्‍या क्‍यूस्‍स्‍य।

यूहन्‍ना 17:18

नदे ङैने संसारने कूल्‍बेप्रने थमयूनेये ङैदे संसारने कूल्‍बे ख्यङ्।

यूहन्‍ना 17:21

होर्‌दे थमयू क्‍वाने त्‍या क्‍यूस्‍स्‍य। ओ पाइ, न केर्‌बे ङैप्रे ख्यङ्, मेस्‍ये ङैये नैप्रे ख्यङ्, होरप्रने थमयूये ङीनप्रे क्यूस्स्य, मेस्‍ये नदे ङैने कूल्‍बे ख्यङ् यदेबे संसारदे विश्‍वास चीस्‍स्‍य।

यूहन्‍ना 17:23

ङ थमयूप्रे, होर्‌दे न ङैप्रे ख्यङ्। होरप्रने थमयूये च्याप्‍पाने त्‍या क्‍यूस्स्‍य। येर्‌बेने नदेने ङैने कूल्‍बे ख्यङ्, होर्‌दे नदे ङैने प्रेम चेप्रने थमयूनेये प्रेम चीक्‍क्‍य यब पो संसारदे क्‍व खूस्‍य।

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

यूहन्‍ना 17:8

चेनेयलो कम्ब पो नदे ङैने पीन्‍दे, हम्‍ब पो ङैदे थमयूने पीन ख्यङ्, मेस्‍ये थमयूदे अम्ब मन्‍दे ख्यङ्। नदे कूल्‍बीदेबे ङ र ख्यङ् यब पो थमयूदे पक्‍कने कोक ख्यङ्, होर्‌दे नदे ङैने कूल्‍बे ख्यङ् यदेबे थमयूदे विश्‍वास चे ख्यङ्।

यूहन्‍ना 3:17

परमेश्‍वरदे रङ्से तीत्‍या चने संसारजे मीयूने दोष लैदेने दी, तर थमयूने बच्‍दीमेने कूल्‍बे ख्यङ्।

यूहन्‍ना 6:19

स्यूस्स्यायू डुङ्गा चील्‍लीदेबे ङला-र्‌वाला किलोमिटर गीले चेन ख्‍य। हन्‍छ्वाब थमयूदे येशू क्‍यूफ्‍याने थमयूतेले रेनब तङ्देबे सोरो फैगदे।

यूहन्‍ना 7:29

तर ङैदे ङू स्‍ये ख्यङ्, चेनेयलो ङ ङूदे कूल्‍बीदेबे रब ख्यङ् मेस्‍ये ङूदे ङैने कूल्‍बे ख्यङ्।”

यूहन्‍ना 8:19

थमयूदे ङूने लोत्‍दे, “नैजे प कने ख्यङ्?” येशूदे जवाफ पीन्‍दे, “नमयूदे ङैनेये अन्‍स्‍ये, पनेये अन्‍स्‍ये। नमयूदे ङैने स्‍ये यलो ङैजे पनेये स्‍ये ख्यङ्दे।”

यूहन्‍ना 8:55

नमयूदे ङूने अन्‍स्‍ये, तर ङूने ङैदे चेलाबे स्‍ये ख्यङ्। ङैदे ङूने अन्-स्येयलो ङैये नमयू प्रने लूच्‍च ठर्‌तीय। तर ङैदे ङूने स्‍येय मेस्‍ये ङूदे यब पोने मन्‍दीय।

मूल स्यूस्स्यायूजे कामजे किताब 17:23

चेनेयलो अम्‍ब सहरने ट्वाबीनूब नमयूदे पूज्‍देब सेयू ङैदे तङ्दे। ङैदे येर टेये त्‍या होने तूदे, “अन्‍स्‍येब देवताजे लागि” यदेबे खोप्‍तीये टोङ्। नमयूदे स्‍येने अन्‍स्‍येला पूस्‍तेब हम्‍ब परमेश्‍वरजे ङ चूजो प्रचार चीन्‍न ख्यङ्।

मूल स्यूस्स्यायूजे कामजे किताब 26:18

यी नदे थमयूजे म्‍या पूक्‍मी, मेस्‍ये थमयू मून्‍दूङ्दे ओथ्याङ् तेले, मेस्‍ये शैतान‍जे शक्तिदे परमेश्‍वर तेले ल्‍वारस्‍य। येरेने थमयूदे पापजे क्षमा प्रेक्‍क्‍य मेस्‍ये ङै फ्‍याने विश्‍वास चीत्‍देबे पवित्र क्‍यूरेब मीयूजे ने थमयूदेये प्रेक्‍क्‍य।’

रोमी 1:28

येर्‌बे थमयूदे परमेश्‍वरने तम्दम् पोने ठीक अन्‍थेदेबे परमेश्‍वरदे थमयूने चे अन्‍क्‍यूरब काम चेने अन्‍ज्‍य भस्‍त्व चेब सेम् क्‍यून्‍नूस्‍य यदेबे क्‍यापीदे।

रोमी 3:11

बुद्धि ख्यब मी सूत्‍याये त्‍वो, परमेश्‍वरने सूदेये अम्मल्।

रोमी 3:26

परमेश्‍वर रङ्सेने धर्मी ख्यङ् मेस्‍ये येशूने विश्‍वास चेबयूने परमेश्‍वरदे धर्मी ठर्‌दीय यब पो गवाही तनने ङूदे चूजोजे बीलने अम्‍ब काम चे ख्यङ्।

१ कोरिन्थी 1:21

संसारने ख्‍यब मीयूजे बुद्धिदे परमेश्‍वरने चीन्ते अङ्ख्‍व क्‍यूत्‍देबे परमेश्‍वरजे बुद्धि अनुसार ङीनदे स्‍य्‍वेब सूगब खबरजे मूर्ख पोदेने विश्‍वास चेबयूने बच्‍देने परमेश्‍वरदे ठीक ठर्‌दीदे।

१ कोरिन्थी 15:34

होस्ने ख, जेम्‍सेमेस्‍ये पाप अन्‍चील्‍लाची। चेनेयलो नमयू नङ्ने कोइदे परमेश्‍वरजे पोने अन्‍स्‍ये ख्यङ्, नमयूने त्‍वालाबे चेने ङैदे अम्‍ब पो य ख्यङ्।

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

२ थेसलोनिकी 1:8

परमेश्‍वरने अन्स्येबयूने मेस्‍ये ङीनजे प्रभु येशूजे सूगब खबर अम्‍मन्‍देबयूने ङूदे दण्ड पीन्क्‍य।

हिब्रू 8:11

‘परमप्रभूने स्‍ये खूस्‍य’ यदेबे जेम्‍सेमेस्‍ये सूमीदेये रङ्से खीम्‍चेने या रङ्से अत अची च्‍योन्‌यूने लोम्‍मीस्‍ये त्‍वो। चेनेयलो चीददेमेस्ये केन्सेमे क्‍वादेने ङैने स्‍येय।

१ यूहन्‍ना 1:9

कादेये ङीनदे परमेश्‍वरजे खूम्ने रङ्से पापजे पश्‍चाताप चीत्‍देबे परमेश्‍वरदेले ल्‍वारदेयलो, ङूदे ङीनजे पाप क्षमा चीम्‍मीय, मेस्‍ये अन्‍ज्‍य कामयू साप्‍ताने चीस्‍स्ये अम्‍पीन्‍लाबे शुद्ध चीम्‍मीय, चेनेयलो परमेश्‍वर भर् पर्‌दे ख्वब मेस्‍ये धर्मी ख्यङ्।

प्रकाश 13:8

कलङ्बेये अन्जेनब जीया प्रेबयूजे मीन् लिख्दीयेब किताबने संसारजे सृष्‍टि क्यूरयली खूम्मेस्येने मीन् अन्लीख्दीयेब मीयू क्वादेने हम्ब रोलाजे पूजा चीक्‍क्य। हम्ब किताबब सेक्‍कब थुमाजे ख्यङ्।

प्रकाश 16:5

होर्‌दे क्‍यूजे जिम्मा प्रेब स्वर्गदूतदे येरे येनब ङैदे तदे, “नदे न्याय चीप्‍प ठीक न्याय चे ख्यङ्, पवित्र परमेश्‍वर न खूम्‍ये ख्‍य मेस्‍ये चूजोये ख्यङ्। चेनेयलो येर्‌बेने नदे न्याय चे ख्यङ्।