यूहन्‍ना 17:24 - घले नयाँ करार

²⁴ “पाइ, नदे ङैने पीनब मीयू क्‍वाने ङ केने क्‍यूक्‍क्‍य थमयूये ङैप्रेने क्‍यूस्‍स्‍य, मेस्‍ये ङैजे महिमा थमयूदे तङ खूस्‍य मेन ख्यङ्, हम्‍ब महिमा, संसारजे सृष्‍टि क्‍यूरयली खूम्‍मेस्‍येने ङैने प्रेम चेब क्‍यूत्‍देबे नदे ङैने पीन्‍क ख्‍य।

यूहन्‍ना 17:24 ပူးပေါင်းရင်းမြစ်များ

मत्ती 25:21

“मालिकदे ङूने यदे, ‘स्‍याबास, ज्‍य भर्‌पर्‌देब त्‍वो! न छीत्‍या सेने भर्‌पर्‌दे ख्‍वब क्‍यूत्‍दे, जेम्से ङ नने कूम सेजे जिम्मा पीन्क्‍य। जेम्से-ख न रङ्से नोबोप्रे सूग प्रेक्क्‍य।’

मत्ती 25:23

“ङूजे नोबोदे ङूने यदे, ‘स्‍याबास, चेलाबे भर्‌पर्‌देब त्‍वो, न छीत्‍या पोनेये भर्‌पर्‌दीदे, जेम्से ङ नने कूम सेजे जिम्मा पीन्क्‍य। न रङ्से मालिकप्रे सूग प्रेक्क्य।’

मत्ती 25:34

“होर्‌दे मूरुम्दे रङ्सेजे स्येत्‍तेयोर् टूङब मीयूने यीय, ‘ख, ङैजे पजे असी प्रेब मीयू! संसारजे सुरुमेस्‍येने नमयूजे लागि तयार चीत्‍दे हीतेब राज्‍यने रदेबे टूङ्‍ख,

मत्ती 26:29

ङ नमयूने यीय, कम्‍ब दीन्सेमे ङैजे पजे राज्‍यने नमयूप्रे अम्‍बने सर् चीत्‍देबे अन्‍थूङ्दासेमे ङ अङ्‍गुरजे अम्‍ब सीदे फेरि थूङ्स्‍ये त्‍वो।”

लूका 12:37

कीम्नोबो रब त्वोयू चङ्‍ख क्‍यूत्‍देबे टूनब तूरलो, थमयूदे असी प्रेक्‍क्‍य। तम्दम्‍ने ङ नमयूने यीय, ङूदे रङ्से कूच्‍यू बोल्‍यो ख्‍यादेबे थमयूने चसे चने टूङ्से पीन्‍क्‍य, मेस्‍ये रदेबे थमयूजे सेवा चीक्‍क्‍य।

लूका 23:43

येशूदे ङूने यदे, “ङ तम्दम्ने नने यीय, दीनीने न ङैप्रे स्‍वर्गलोकने प्रीय।”

यूहन्‍ना 1:14

वचन ङ्व क्‍यूत्‍देबे रदे, मेस्‍ये अनुग्रह मेस्‍ये तम्दम्‍दे फ्यादेबे ङीनजे अन्द्रने बास टूङ्दे। ङीनदे ङूजे महिमा तङ्दे, हम्‍ब महिमा प ट्‌यादे रब तीत्‍या चजेप्र ख्‍य।

यूहन्‍ना 12:26

सूमीदे ङैजे सेवा चीक्‍क्‍य हम्‍ब ङै ङ्ये ङ्ये रस्‍य, मेस्‍ये ङ केने क्‍यूक्‍क्‍य, ङैजे सेवा चेबये होनेने क्‍यूक्‍क्‍य। सूदे ङैजे सेवा चीक्‍क्‍य पदे ङूने गेसेन् चीक्‍क्‍य।

यूहन्‍ना 14:3

होर्‌दे ङ प्रदेबे नमयूजे ने तयार चीक्‍क ङ्येदे ङ फेरि ल्‍वारीय, होर्‌दे नमयूने ङ टूङब नेने कूबीय, केने ङ क्‍यूक्‍क्‍य, होने नमयूये क्‍यूक्‍क्‍य।

यूहन्‍ना 15:9

“पदे ङैने प्रेम चेप्रने, ङैदेये नमयूने प्रेम चे ख्यङ्, नमयू ङैजे प्रेमने टूनू।

यूहन्‍ना 17:2

चेनेयलो नदे ङूने मीयू फ्‍यानेने हुकुम चील्‍लेब चीम्‍मे ख्यङ्, मेस्‍ये नदे ङूने पीनब मीयू क्‍वानेने ङूदे पीन्‍स्‍य।

यूहन्‍ना 17:22

कर महिमा नदे ङैने पीन्‍दे, हम्‍ब ङैदे थमयूने पीन ख्यङ्, ङीन त्‍या क्‍यूरप्रने थमयूये त्‍या क्‍यूस्‍स्‍य।

यूहन्‍ना 17:5

जेम्‍से ओ पाइ, संसार सृष्‍टि क्‍यूर यली खूम् नैजे खूम्‍ने ङैजे कर महिमा ख्‍य, ङैने नेप्रे येत्‍देबे हम्‍ब महिमा पीम्‍मी।

यूहन्‍ना 6:37

पदे ङैने पीनब जती क्‍वाने ङै ट्‌याने रीय, मेस्‍ये ङै ट्‌याने रब जतीने ङैदे केरेनेयलीने अन्‍ल्‍वाबी।

यूहन्‍ना 6:39

मेस्‍ये ङैने कूल्‍बेबजे इच्छा अम्‍ब ख्यङ्, ङूदे ङैने पीनबयू नङ्ने सूये मल्‍ब अम्‍प्रेस्‍स्‍य, तर थमयूने संसारजे आखिरीजे दिनने सोम्‍बो चीम्‍मीस्‍य।

यूहन्‍ना 8:58

येशूदे थमयूने यदे, “तम्दम्ने ङ नमयूने यीय, अब्राहाम जन्मीदेयली खूम्‍देमेस्‍येने ङ ख्‍य।”

१ कोरिन्थी 13:12

ङीङ् ऐनने ज्‍य अन्‍तङप्र चूजो ङीन तङ्क्‍य, तर हम्ब बीलनेब सोरो ज्‍य छाङ्लाङ्गे तङ्क्‍य। ङैदे चूजो तेतेत्यामे क्‍व-ख्यङ्, हम्ब बीलने पोयू क्वाने पूरा क्‍व खूइय। परमेश्‍वरदे ङैने चेलाबे स्‍येप्रने हम्ब बीलने ङैदेये पो क्वाने चेलाबे स्‍येखूइय।

२ कोरिन्थी 3:18

ङीन क्‍वाजे त्‍वा-उप्येब कोला स्‍यूप्‍पीदेबे ऐनादे ङीनजे त्‍वा तम्‍मेप्र प्रभुजे महिमा ङीनजे त्‍वाने तङ्क्‍य, होरदे हम्‍ब महिमा सोरो कूम थेप् थेप् क्‍यूप्‍पदेबे ङीनये प्रभु प्रने क्‍यूप्‍पीय। अम्‍ब परमप्रभुदे पीन्‍देबेत्‍या क्‍यूक्‍क्‍य, प्रभुब आत्‍मा ख्यङ्।

२ कोरिन्थी 4:6

“मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

२ कोरिन्थी 5:8

ङीने पक्‍क ख्यङ्, क्‍यूत्‍देयलो ङी अम्‍ब नाश क्यूप्पब ङ्व पोङ्यीदेबे स्वर्गने प्रभुप्रे टूङ्बस्ये मन ख्यङ्।

फिलिप्पी 1:23

ङ अल्मल्‍ने पर्‌तीन ख्यङ्। क्‍यूत्‍देयलो अम्‍ब ङ्व पोङ्‍यीदेबे ख्रीष्‍टप्रे टूङ प्रेल्‍लो क्यूर ख्यङ्दे, चेनेयलो ङैजे लागि अम्‍ब सोरो ज्‍य ख्यङ्,

१ थेसलोनिकी 4:17

होर्‌दे ङीन सोम्‍बो ख्‍यबयू मेस्‍ये संसारने पोङ्येबयू प्रभुने त्‍वने तो मूने थमयूप्रे मूक्‍पने प्रे-प्रे कूबीय, मेस्‍ये येर्‌बे ङीन प्रभुप्रे येतार्‌ने टूनीय।

१ पत्रुस 1:21

येशूने क्‍यूत्‍देबे नमयूदे परमेश्‍वर फ्‍याने विश्‍वास चे ख्यङ्। नमयूजे विश्‍वास मेस्‍ये परमेश्‍वर फ्‍याने क्‍यूस्‍स्‍य यदेबे ङूदे सीयेब ख्रीष्‍टने सोम्‍बो चीत्‍देबे महिमा पीन्‍दे।

१ यूहन्‍ना 3:2

ङैजे छेब ख्योन्‌यू, चूजो ङीन परमेश्‍वरजे छगूम्-पूर्‌गूम् क्‍यूर ख्यङ्, मेस्‍ये ङ्येदे ङीनने च क्‍यूक्‍क्‍य यदेबे ङीनने चूजोसेमेने अन्‍तम्‍मे ख्यङ्। कन्‍छ्वाब ङू तङ्‍रीय हन्‍छ्वाब ङीनये ङूप्रने क्‍यूक्‍क्‍य चेनेयलो ङू करप्र ख्‍य ङीनदे ङूने होरप्रने तङ्क्‍य यदेबे स्‍ये ख्यङ्।

प्रकाश 21:22

ङैदे हम्‍ब सहरने प्रार्थना चेब मन्दिर त्‍याये अन्‍तङ्, चेनेयलो पात्‍ता केन् शक्ति ख्‍यब परमेश्‍वर मेस्‍ये थुमा रङ्सेब हम्‍ब सहरजे मन्दिर ख्यङ्।

प्रकाश 3:21

सूदे ट्‌याय, हम्बने ङैजे सिंहासनने ङैप्रे टूङ्से पीन्क्य, केर्‌बे ङ रङ्सेदेये ट्‍या ख्यङ्, मेस्ये ङैजे पप्रे ङूजे सिंहासनने टुङप्रे ख्यङ्।