यूहन्‍ना 17:23 - घले नयाँ करार

²³ ङ थमयूप्रे, होर्‌दे न ङैप्रे ख्यङ्। होरप्रने थमयूये च्याप्‍पाने त्‍या क्‍यूस्स्‍य। येर्‌बेने नदेने ङैने कूल्‍बे ख्यङ्, होर्‌दे नदे ङैने प्रेम चेप्रने थमयूनेये प्रेम चीक्‍क्‍य यब पो संसारदे क्‍व खूस्‍य।

यूहन्‍ना 17:23 ပူးပေါင်းရင်းမြစ်များ

यूहन्‍ना 10:38

तर ङ कादेये पजे काम चीन्‍नूलीने नमयू ङैने विश्‍वास अन्‍चील्‍लो अम्‍ब काम‍यू फ्‍यानेब विश्‍वास ची, मेस्‍ये नमयूदे था प्रे खूइय मेस्‍ये क्‍व खूइय, यी प ङैप्रे ख्यङ् मेस्‍ये ङ पप्रे ख्यङ्।”

यूहन्‍ना 13:35

कादेये नमयूदे त्‍यादे त्‍याने प्रेम चील्‍लो, हम्‍ब काम‍देने नमयू ङैजे स्यूस्स्यायू टूङ् यदेबे क्‍वादेने था प्रेक्‍क्‍य।”

यूहन्‍ना 14:10

ङ पप्रे ख्यङ्, मेस्‍ये प ङैप्रे ख्यङ् यदेबे नमयू विश्‍वास अन्‍चे? कम्ब पो ङ नमयूने यीय, हम्‍ब ङैदे रङ्सेजे पो य दी, तर ङैप्रे क्‍यूत्‍देबे टूनब पदे रङ्सेजे काम फर्‌क्‍य।

यूहन्‍ना 14:23

येशूदे ङूने जवाफ पीन्‍दे, “सूदे ङैने प्रेम चीक्‍क्‍य, हम्‍बदे ङैजे वचन मन्‍दीय, होर्‌दे ङैजे पदे हम्‍बने प्रेम चीक्‍क्‍य, मेस्‍ये ङी हम्‍ब ट्‌याने रीय, मेस्‍ये हम्‍बप्रे टूङ्क्‍य।

यूहन्‍ना 15:9

“पदे ङैने प्रेम चेप्रने, ङैदेये नमयूने प्रेम चे ख्यङ्, नमयू ङैजे प्रेमने टूनू।

यूहन्‍ना 16:27

प रङ्सेदेने नमयूने माया चे ख्यङ्, चेनेयलो नमयूदे ङैने माया चे ख्यङ्, मेस्‍ये ङ परमेश्‍वरदे कूल्‍बे ख्यङ् यदेबे नमयूदे विश्‍वास चे ख्यङ्।

यूहन्‍ना 17:11

“नै ट्‌याने ङ रेन ख्यङ्‍, जेम्से ङ संसारने कूम अन्‍टोङ्, तर थमयू अम्‍ब संसारने टूङ्क्‍य। येरेक्‍यूत्‍देबे ओ पवित्र प, ङैने पीनब मीयूने नैजे मीन्जे शक्तिदे जूक्‍तीमी, मेस्‍ये नेप्रे ङ त्‍या क्‍यूरप्रने थमयूये त्‍या क्‍यूस्‍स्‍य।

यूहन्‍ना 17:21

होर्‌दे थमयू क्‍वाने त्‍या क्‍यूस्‍स्‍य। ओ पाइ, न केर्‌बे ङैप्रे ख्यङ्, मेस्‍ये ङैये नैप्रे ख्यङ्, होरप्रने थमयूये ङीनप्रे क्यूस्स्य, मेस्‍ये नदे ङैने कूल्‍बे ख्यङ् यदेबे संसारदे विश्‍वास चीस्‍स्‍य।

यूहन्‍ना 17:24

“पाइ, नदे ङैने पीनब मीयू क्‍वाने ङ केने क्‍यूक्‍क्‍य थमयूये ङैप्रेने क्‍यूस्‍स्‍य, मेस्‍ये ङैजे महिमा थमयूदे तङ खूस्‍य मेन ख्यङ्, हम्‍ब महिमा, संसारजे सृष्‍टि क्‍यूरयली खूम्‍मेस्‍येने ङैने प्रेम चेब क्‍यूत्‍देबे नदे ङैने पीन्‍क ख्‍य।

यूहन्‍ना 17:26

कर प्रेमदे नदे ङैने प्रेम चीत्‍दे, होर प्रेम थमयूने क्‍यून्‍नूस्‍य, मेस्‍ये ङ थमयूप्रे क्‍यून्‍नूस्य यदेबे ङैदे नैजे मीन् अम्‍बयूने तम्मीक ख्यङ्, होर्‌दे नैजे मीन् अम्‍बयूने येतार्‌ने तम्‍मीनीय।”

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

यूहन्‍ना 17:8

चेनेयलो कम्ब पो नदे ङैने पीन्‍दे, हम्‍ब पो ङैदे थमयूने पीन ख्यङ्, मेस्‍ये थमयूदे अम्ब मन्‍दे ख्यङ्। नदे कूल्‍बीदेबे ङ र ख्यङ् यब पो थमयूदे पक्‍कने कोक ख्यङ्, होर्‌दे नदे ङैने कूल्‍बे ख्यङ् यदेबे थमयूदे विश्‍वास चे ख्यङ्।

यूहन्‍ना 3:17

परमेश्‍वरदे रङ्से तीत्‍या चने संसारजे मीयूने दोष लैदेने दी, तर थमयूने बच्‍दीमेने कूल्‍बे ख्यङ्।

यूहन्‍ना 6:56

ङैजे ङ्व चब मेस्ये ङैजे का थूङब ङैप्रे क्‍यूक्‍क्‍य, होर्‌दे ङ ङूप्रे क्‍यूक्‍क्‍य।

१ कोरिन्थी 1:30

परमेश्‍वरदे नमयूने येशू ख्रीष्‍टप्रे त्या चीम्मे ख्यङ्, मेस्ये ङूदे ख्रीष्‍टने ङीनजे ज्ञान बन्दीमीदे। ख्रीष्‍टदे ङीनने परमेश्‍वरजे खूम्ने धर्मी चीम्मीदे, ङूदे ङीनने परमेश्‍वरजे पवित्र मी चीम्मीदे, मेस्ये पाप ट्‍यादे उद्धार चीम्मीदे।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

गलाती 3:28

जेम्से यहूदी, ग्रीक, त्वो-त्वोम, स्वतन्त्र, पती मेस्‍ये मदी सूनेयली नमयू क्‍वाने ख्रीष्‍ट येशूने त्‍या क्‍यूर ख्यङ्।

फिलिप्पी 3:15

विश्‍वास चीत्‍देबे पाको क्‍यूरेब ङीनयू क्‍वाजे सेम् येरप्रने क्‍यूर पर्‌तीय, मेस्‍ये कोइ पोने नमयूजे सेम् सूजो ख्यङ् यलो परमेश्‍वरदे हम्‍बये नमयूने कोलाबे चीम्‍मीय।

कलस्सी 1:28

ख्रीष्‍टने मीयू क्‍वाने पाको चीत्‍देबे परमेश्‍वरजे खूम्‍ने तम्‍मेखूस्‍य यदेबे मीयू क्‍वानेने बोङ्बे आर्‌तीदेबे, मेस्‍ये पूरा बुद्धिने लोम्‍मीलीम् चीत्‍देबे ख्रीष्‍टजे पोयू ङी बोङ्बे स्‍योक्‍क्‍य।

कलस्सी 2:2

थमयूदे आँट प्रेस्स्य मेस्ये प्रेमने त्‍या क्यूत्देबे थून्‍नूस्य यदेबे ङैदे येरे चे ख्यङ्, होरे क्यूप्प थमयूदे चेलाबे क्‍व ख्‍वब ज्ञानजे सम्पत्ति प्रेक्क्य होर्‌दे परमेश्‍वरजे क्‍व अङ्ख्‍वब नङ्सू योजना या ख्रीष्‍टने पूरा स्ये ख्वब क्यूक्क्य।

कलस्सी 3:14

अम्‍बयू यली पात्‍ता थेप् ब प्रेमने कोला ह्‍वेप्र ह्‍वे, हम्‍बदे साप्‍ता सेयूने त्‍या चीत्देबे येक्‍क्‍य।

१ पत्रुस 5:10

साप्‍ता अनुग्रह चेब परमेश्‍वरदे कलङ्बेये अन्‍जेनब रङ्से महिमाजे लागि ख्रीष्‍टप्रे क्‍यूत्‍देबे नमयूने क्‍व ख्यङ्। नमयूदे तेदिनत्‍या सकस् भोक्‍तेमेस्‍ये ङूदेने फेरि नमयूने ज्‍य सर्‌, बोल्यो मेस्‍ये शक्तिशाली चीम्‍मीय।

१ यूहन्‍ना 1:3

ङीदे च तङ्दे मेस्‍ये तदे, हम्‍ब नमयूने स्‍योक्‍क्‍य येरे ङीप्रे नमयूजे सङ्गति क्‍यूस्‍स्‍य। ङीजे सङ्गतिब परमेश्‍वर प मेस्‍ये च येशू ख्रीष्‍टप्रे ख्यङ्।

१ यूहन्‍ना 3:1

ले, प परमेश्‍वरदे ङीनने कर फत्‍या माया चे ख्यङ्, परमेश्‍वरदे ङीनने ङैजे छगूम्-पूर‌्‍गूम् यदेबे य ख्यङ्, मेस्‍ये तम्दम्‍ने ङीन ङूजे छगूम्-पूर‌्‍गूम् ख्यङ्। येरेक्‍यूत्‍देबे संसारजे मीयूदे ङीनने अन्‍स्‍ये, चेनेयलो थमयूदे परमेश्‍वरने अन्‍स्‍ये।

१ यूहन्‍ना 4:19

परमेश्‍वरदे ङीनने खूम् प्रेम चीत्‍दे होरेक्‍यूत्‍देबे ङीनदेये ङूने प्रेम चीक्‍क्‍य।

प्रकाश 3:9

ले, शैतानने पूस्‍तेब सभा-कीम्जे यहूदी दीलीने, ङी यहूदी न यदेबे लूच्‍च क्‍यमब मीयूने ङ रदेबे नैजे तोप्ने स्‍यूव पीन्‍से पीन्‍क्‍य मेस्‍ये ङैदे नने प्रेम चे ख्यङ् यब पो थमयूने तम्‍मीय।