यूहन्‍ना 16:5 - घले नयाँ करार

⁵ “जेम्‍से ङैने कूल्‍बेब ट्‌याने ङ प्रेन ख्यङ्, तर ‘न केने प्रेन ख्यङ्?’ यदेबे नमयू सूदेये ङैने अन्‍ल्‍वे।

यूहन्‍ना 16:5 ပူးပေါင်းရင်းမြစ်များ

यूहन्‍ना 13:3

पदे साप्‍ता थोक‍ने येशूजे लाने पीन्‍क ख्यङ्, मेस्‍ये ङू परमेश्‍वरदे कूल्‍बीदे र ख्यङ्, होर्‌दे परमेश्‍वरतेलेने प्रेन ख्‍यङ् यब पो येशूदे स्‍ये ख्‍य।

यूहन्‍ना 13:36

सिमोन पत्रुसदे यदे, “ओ प्रभु, न केने प्रमे स्व?” येशूदे जवाफ पीन्‍दे, “ङ केने प्रेन ख्यङ् न चूजो ङैजे ङ्ये-ङ्‍ये र अन्खू।” तर ङ्येदे ब न ङै ङ्ये-ङ्ये र खूइय।

यूहन्‍ना 14:28

ङैदे नमयूने ‘ङ अन्-यादे प्रेन ख्यङ्, मेस्‍ये फेरि नमयू ट्‌याने ल्‍वारीय’ यब पो नमयूदे तैक ख्यङ्। नमयूदे ङैने प्रेम चे यलो ङ प ट्‌याने प्रेन ख्यङ् यब पो तदेबे नमयू सोरो तङ ख्यङ्दे, चेनेयलो प ङ यली सोरो केन् ख्यङ्।

यूहन्‍ना 16:10

धार्मिकताजे पोने थमयू दोषी ख्यङ्, चेनेयलो ङ प ट्‌याने प्रीय, होर्‌दे नमयूदे फेरि ङैने तङ्स्‍ये त्‍वो।

यूहन्‍ना 16:16

“ते खात्‍या ङ्येदे नमयूदे ङैने तङ्स्‍ये त्‍वो, होर्‌दे खात्‍या ङ्येदे फेरि ङैने तङ्क्य।”

यूहन्‍ना 16:17

होर्‌दे ङूजे कोइ कोइ स्यूस्स्यायूदे त्‍यादे त्‍याने यदे, “ङूदे ङीनने यब अम्‍ब पो च ख्यङ्? ‘ते खात्‍या ङ्येदे नमयूदे ङैने तङ्स्‍ये त्‍वो, होर्‌दे फेरि ते खात्‍या ङ्येदे नमयूदे ङैने तङ्‍क्य’, ‘चेनेयलो ङ प ट्‌याने प्रेन ख्यङ्’।”

यूहन्‍ना 16:28

ङ प ट्‌यादे रदेबे संसारने र ख्यङ्, होर्‌दे फेरि संसार पङ्‍गीदेबे ङ प ट्‌याने ल्‍वाबीन ख्यङ्।”

यूहन्‍ना 17:13

“तर जेम्‍से ङ नैट्‌याने रेन ख्यङ्। थमयूजे सेम्ने ङैजे आनन्द पूरा क्‍यून्‍नूस्‍य यदेबे ङैदे अम्ब पो संसारने क्यूप्पने यीय।

यूहन्‍ना 17:4

नदे ङैने चै काम पीन्‍दे, हम्‍ब काम पूरा चीत्‍देबे पृथ्वीने नने महिमा चीन्‍न ख्यङ्।

यूहन्‍ना 6:62

होरेयलो मीजे चने खूम् रङ्से ख्‍यब नेने तो ल्‍वाबीनब तङ्दे यलो च-चीक्‍क्‍य?

यूहन्‍ना 7:33

येशूदे यदे, “अझ तेदिन ङ नमयूप्रे क्‍यूक्‍क्‍य, होर्‌देङ्येदे ङैने कूल्‍बेब ट्‌याने ङ प्रीय।

हिब्रू 1:3

परमेश्‍वरने ख्‍यब महिमाजे रूप् चने तङ्क्‍य मेस्‍ये परमेश्‍वरजे स्‍वभावयू क्‍वाने ङूप्रे ख्यङ्, होर्‌दे अम्‍ब संसारने ख्‍यब साप्‍ता सेयू रङ्से शक्‍तिजे वचनदे रङ्से रङ्से नेने छ्‌यान ख्यङ्। मीयूजे पापने क्षमा पीन जेन ङ्येदे महिमाने ख्‍यब परमेश्‍वरजे स्येत्‍देयोर्‌ देन् छ्‍यादे।

हिब्रू 12:2

ङीनजे विश्‍वासने सुरु मेस्‍ये पूरा चीम्‍मेब येशूने लेन्‍नूदे, ङूजे खूम्‍ने हीम्‍मेब आनन्दजे लागि न प्‍वेब पोने चैत्‍याये अम्‍मन्‍लाबे ङूदे क्रूसजे सकस् भोक्‍तीदे, मेस्‍ये परमेश्‍वर देन् छ्‍यानब सिंहासनजे स्येत्‍देयोर्‌ देन् छ्‌यान ख्यङ्।