यूहन्‍ना 16:22 - घले नयाँ करार

²² येरप्रने चूजो नमयूने रप् क्‍यूक्‍क्‍य, तर फेरि ङैदे नमयूने तूय, मेस्‍ये नमयूजे सेम् आनन्द क्‍यूक्‍क्‍य। होर्‌दे नमयूदे प्रेब आनन्द सूदेये लेन्‍कीस्‍ये त्‍वो।

यूहन्‍ना 16:22 ပူးပေါင်းရင်းမြစ်များ

मत्ती 28:8

होर्‌दे थमयू फलीने सूगे-सूगे तूर्‌स गङ्दे छाट्‍टे ङूजे स्यूस्स्यायूने खबर स्‍य्‍वेने छ्‌योङ्‍गीदे।

लूका 10:42

तर चैतेब पो तीत्‍यात्‍या ख्यङ्, हम्‍ब ज्‍य पो मरियमदे सेल ख्यङ्, हम्‍ब ङूट्‍यादे लेन्कीस्ये त्वो।”

लूका 16:25

“तर अब्राहामदे यदे, ‘च, याद ची, नदे रङ्से जीयाने ज्‍य-ज्‍य पोयू भोक्‍दीदे, होरप्रने लाजरसदे छरङ्जे-छरङ् त्‍या भोक्‍दीदे। ङू जेम्से अने आरामने ख्यङ्, मेस्‍ये नदेब छरङ् प्रेन्‍न ख्यङ्।

लूका 19:26

“ङ नमयूने यीय, सूप्रे ख्यङ् ङूने अझ थेप् पीन्क्‍य, तर सूप्रे त्वो ङूप्रे ख्‍यबये लेन्कीय।

लूका 24:41

तर सूग्‍देबे पैत्‍ते अङ्ख्‍व क्‍यूत्‍देबे थमयू हार्‌मन्‍दीनूब येशूदे थमयूने यदे, “नमयूप्रे अयाने चसे छ्‍या ख्‍य यी र?”

यूहन्‍ना 14:1

नमयूजे सेम् अन्‍ठोस्‍य। परमेश्‍वर फ्‍याने विश्‍वास ची मेस्‍ये ङै फ्‍यानेये विश्‍वास ची।

यूहन्‍ना 14:19

जेम्‍से छीत्‍त्‍या ङ्येदे संसारजे मीयूदे ङैने कलङ्बेये तङ्स्ये त्‍वो, तर नमयूदे ङैने तङ्क्य। ङ सोम्‍बो क्‍यूरबदे, नमयूये सोम्‍बो क्‍यूक्‍क्‍य।

यूहन्‍ना 14:27

ङ नमयूने शान्ति पोङ्‍गीय। ङ रङ्सेजे शान्ति नमयूने पीन्‍क्‍य। ङ नमयूने संसारदे पीनप्र अम्‍पीन्। नमयूजे सेम् अन्‍ठोस्‍य, मेस्‍ये अम्‍फस्‍य।

यूहन्‍ना 16:16

“ते खात्‍या ङ्येदे नमयूदे ङैने तङ्स्‍ये त्‍वो, होर्‌दे खात्‍या ङ्येदे फेरि ङैने तङ्क्य।”

यूहन्‍ना 16:20

तम्दम्‍ने, ङ नमयूने यीय, नमयू ङूय मेस्‍ये रप् चीक्क्य, तर संसारजे मीयू सूग्‍क्‍य। नमयू रप् चेब क्‍यूक्‍क्‍य, तर नमयूजे रप् आनन्दने फेर्‌दीप्रीय।

यूहन्‍ना 16:6

होरेक्यूल्‍लीने ङैदे नमयूने अम्‍ब पो यबदे नमयूजे सेम् सोरो अन्सूग क्‍यून्‍न ख्यङ्।

यूहन्‍ना 21:7

येशूदे प्रेम चेब स्यूस्स्यादे पत्रुसने यदे, “ङू प्रभु टूङ्।” “ङू प्रभुटोङ्” यब तदेबे सिमोन पत्रुसदे रङ्सेजे ङ्वजे फीने ह्‍वेब कोला ढप्‍ने यूर् पूत्‍दे चेनेयलो ङूदे कोला प्‍यङ्ये ख्‍य, मेस्‍ये समुद्रने थे नेनी।

यूहन्‍ना 4:14

तर ङैदे पीनब क्‍यू सू-सूदे थूङ्क्‍य हम्‍ब मीने फेरि कलङ्बेये क्‍यू फैस्‍ये त्‍वो, चेनेयलो ङैदे कम्‍ब क्‍यू ङूने थूङ्से पीन्‍क्‍य हम्‍ब क्‍यू कलङ्बेये अन्सीबब जीयाजे लागि प्‍ल्‍यानब क्‍यू-मुरूम् क्‍यूक्‍क्‍य।”

मूल स्यूस्स्यायूजे कामजे किताब 13:52

स्यूस्स्यायू आनन्द मेस्ये पवित्र आत्मादे भरीपूर्‌ण क्‍यूत्‍दे।

मूल स्यूस्स्यायूजे कामजे किताब 16:25

तर अध-मून्‍तेले पावल मेस्‍ये सिलास प्रार्थना चीदे-चीदे परमेश्‍वरजे भजन पून्‍न ख्‍य, मेस्‍ये सूजो कैदीयूदे हम्‍ब भजन ङ्यीन्‍न ख्‍य।

मूल स्यूस्स्यायूजे कामजे किताब 2:46

थमयू दीन्‍जेने मन्दिरने फूङ् क्‍यूर ख्‍य, मेस्‍ये मील्‍लीदेबे कीम्-कीम्‍ने प्रदेबे थमयू सूग्‍लाबे शुद्ध सेम्‍दे भत्यार् च ख्‍य,

मूल स्यूस्स्यायूजे कामजे किताब 5:41

हन्‍छ्वाब येशूजे मीन्‍ने ह्‍यल सैदेब खल्‍जे ठर्‌दीदे यब पोने आनन्द मन्‍दीदेबे थमयू पात्‍ता केन् सभादे योङ्‍गीदे।

२ कोरिन्थी 6:10

झेचेर्‌ रली, येतार्‌ने सेम् सूग्‍न ख्यङ्। दूख्‍प्रे क्‍यूल्‍लीने कूम मीयूने फ्‍योबो चीम्‍मे ख्यङ्। ङीप्रे चैये त्‍वप्र क्‍यूल्‍लीने, ङीप्रे साप्‍ता थोकने ख्यङ्।

२ थेसलोनिकी 2:16

होर्‌दे ङ्‍येदे ङीनने प्रेम चेब मेस्ये अनुग्रह चीत्देबे कलङ्बेये अन्जेनब सान्त्वना मेस्ये सोरो ज्य आशा पीनब ङीन्जे प्रभु येशू ख्रीष्‍ट रङ्सेदेने मेस्ये परमेश्‍वर ङीनजे पदे,

हिब्रू 10:34

नमयूदे कैदने ख्यब मीयूने दया तन्दे, मेस्‍ये रङ्सेजे सम्पत्ति लूर्‌तीकीली सूगे-सूगे सैदीनूदे, चेनेयलो झन् थेप् येतार्‌ने क्‍यून्‍नब केन् सम्पत्ति रङ्सेप्रे ख्यङ् यब पो नमयूदे स्‍ये ख्‍य।

हिब्रू 6:18

परमेश्‍वरदे चेब कबुल मेस्‍ये ङूदे कसम चदेबे यब पो पक्‍क क्‍यूक्‍क्‍य, परमेश्‍वरदे अम्‍ब पो ङ्‍हीने लूच्‍च अन्‍क्‍यम्। होरेक्‍यूत्‍देबे परमेश्‍वर ट्‍याने सुरक्षा प्रेने प्रब ङीनयूदे, ङीन्‍जे खूम्‍ने हीतेब आशा प्रेने सोरो कूम आँट प्रेख्यङ्।

१ पत्रुस 1:8

ङूने नमयूदे अन्‍तङ्लीने प्रेम चेख्यङ्। चूजो नमयूदे ङूने अन्‍तङ्, होरेक्‍यूल्‍ली ङूफ्‍याने विश्‍वास चेख्यङ्, मेस्‍ये स्‍य्‍वेने अङ्ख्‍वब होर्‌दे सोरो केन् महिमाजे आनन्द क्‍यूत्‍देबे सूग्क्य।