यूहन्‍ना 16:20 - घले नयाँ करार

²⁰ तम्दम्‍ने, ङ नमयूने यीय, नमयू ङूय मेस्‍ये रप् चीक्क्य, तर संसारजे मीयू सूग्‍क्‍य। नमयू रप् चेब क्‍यूक्‍क्‍य, तर नमयूजे रप् आनन्दने फेर्‌दीप्रीय।

यूहन्‍ना 16:20 ပူးပေါင်းရင်းမြစ်များ

मत्ती 21:38

“तर अध्‍याने फरब मीयूदे नोबोजे च रेनब तङ्देबे त्‍यादेत्‍याने यदे, ‘अम्‍ब मी रङ् नोबोजे हकलादेब ख्यङ्। ‘ख, ङूने सेदे, मेस्‍ये ङूजे रङ् ङीन चीत्‍दे।’

मत्ती 5:4

शोक् चेब मीयूदे असी प्रेक्‍क्‍य, चेनेयलो हम्‍बयूदे सेम्ने सान्त्वना प्रेक्‍क्‍य।

मर्कूस 14:72

हन्‍छ्वाबने कप पर्‌ ङ्‌ही ठ्वादे, “कप पर्‌ ङ्‌ही ठ्वायली खूम् नदे ङैने सोम्‍फे अन्स्‍ये यीय यदेबे येशूदे यब पो पत्रुसदे ह्‌वेरदे।” होर्‌दे हम्‍ब पो ह्‌वे चीत्‍देबे ङू क्‍वाँ-क्‍वाँ ङूदे।

मर्कूस 16:10

मरियम गीलीदेबे येशूजे स्यूस्स्यायूने ङू सोम्‍बो क्‍यूत्‍देबे लङ्‌रब पो स्‍योत्‍दे। हन्‍छ्वाब थमयू अन्सूग्देबे ङून ख्‍य।

लूका 22:45

प्रार्थना चे ङ्येदे लङ्देबे येशू स्यूस्स्यायू ट्‌याने रब ङूदे थमयू शोक् चीत्‍देबे थेल्‍लीदे ङ्यूम्‍नब तूदे।

लूका 22:62

मेस्‍ये पत्रुस फीने योङ्देबे क्वाँ-क्वाँ ङूदे।

लूका 23:27

मीयूजे हुल केन् येशूजे ङ्येदे गीलीदे। होने मदीयूये ख्‍य, थमयू अन्सूग्‍देबे ङून ख्‍य।

लूका 24:17

येशूदे थमयूने लोत्‍दे, “नमयू प्रेयेप्रेये रङ्से रङ्सेप्रे च सवाल जवाफ चीन्‍न?” थमयू त्‍वा मून्‍दूङ चीत्‍देबे मेर्‌दे।

लूका 24:21

इस्राएलने उद्धार चीम्मेब येशूने ख्यङ् यब ङीदेब आशा चीन्‍न ख्‍य। अम्‍ब यली सूजो पोब, अम्‍ब घटना घट्देब दीनी सोम्‍म्‍या क्‍यूर ख्यङ्।

लूका 6:21

नम चूजो ठेबयू, नमयूदे असी प्रेक्क्य, चेनेयलो नमयूदे कलाबे चप्रेक्क्य। नम चूचो म्यामू तल्देबे ङ्वबयू, नमयूदे असी प्रेक्क्य, चेनेयलो नमयूदे रीग प्रे‍क्क्य।

यूहन्‍ना 16:33

नमयू ङै प्रे क्‍यूप्‍प शान्ति क्यूस्स्य यदेबे नमयूने अम्‍ब पो येरेक्‍यूत्‍देबे य ख्यङ्। संसारने टूङ्ब नमयूने सकस् क्‍यूक्‍क्‍य, तर बोङ् ची, ङैदे संसार ट्‌याक ख्यङ्।”

यूहन्‍ना 16:6

होरेक्यूल्‍लीने ङैदे नमयूने अम्‍ब पो यबदे नमयूजे सेम् सोरो अन्सूग क्‍यून्‍न ख्यङ्।

यूहन्‍ना 20:20

अन्‍छ्वा यदेबे येशूदे थमयूने रङ्सेजे ला प्रे खैजेये तम्मीदे। प्रभुने तङ्देबे स्यूस्स्यायू बेस्‍से सूग्‍दे।

मूल स्यूस्स्यायूजे कामजे किताब 5:41

हन्‍छ्वाब येशूजे मीन्‍ने ह्‍यल सैदेब खल्‍जे ठर्‌दीदे यब पोने आनन्द मन्‍दीदेबे थमयू पात्‍ता केन् सभादे योङ्‍गीदे।

रोमी 5:11

हन्‍छ्वात्‍या दी, तर ङीन्‍जे प्रभू येशू ख्रीष्‍टने क्‍यूत्‍देबे परमेश्‍वरप्रे सूग्‍न प्रेख्यङ्, चेनेयलो ङूदे चीत्‍देबे जेम्से ङीन परमेश्‍वरप्रे मिलाप क्यूरप्रे ख्यङ्।

२ कोरिन्थी 6:10

झेचेर्‌ रली, येतार्‌ने सेम् सूग्‍न ख्यङ्। दूख्‍प्रे क्‍यूल्‍लीने कूम मीयूने फ्‍योबो चीम्‍मे ख्यङ्। ङीप्रे चैये त्‍वप्र क्‍यूल्‍लीने, ङीप्रे साप्‍ता थोकने ख्यङ्।

गलाती 5:22

तर पवित्र आत्मादे पीनब फल अम्‍ब ख्यङ्- प्रेम, आनन्द, शान्‍ति, सैदीदेबे टूनख्‍वब, ङ्येमब सेम्, भलो चेब, भर् पर्‌ते ख्‍वब,

१ थेसलोनिकी 1:6

नमयू ङीजे मेस्‍ये प्रभुजे के थाब क्‍यूत्‍दे, चेनेयलो नमयूने कूम सतनम् क्‍यूल्‍लीने पवित्र आत्मादे पीनब आनन्दने सूगब खबर ङ्यीन्‍देबे सेम्‍ने यीत्‍दे।

याकूब 1:2

ङैजे अत-अजी च्योन्‌यू, नमयू फ्‍याने परी-परीजे भबी-तबी पर्‌दीरब नमयूजे सेम् थेप् सूग्‍नू।

यहूदा 1:24

नमयू पापने फस्तीस्‍ये अम्‍पीन्‍लाबे बच्‍दीमे ख्वबने, मेस्‍ये नमयूने आनन्द पीन्‍देबे ङूजे महिमाजे खूम्‍ने चैये पाप त्‍वब शुद्ध चीम्‍मे ख्वबने,

प्रकाश 11:10

थमयू सेक्‍कब पृथ्‍वीने ख्‍यब मीयू सूग्क्य, आनन्द चीक्‍क्‍य मेस्‍ये त्‍यादे त्‍याने कूसीली तीपीन-छोपीन चीक्‍क्‍य। चेनेयलो हम्‍ब अगमवक्तायू ङ्‍हीदे पृथ्‍वीने ख्‍यब मीयूने सकस् पीन ख्‍य।

प्रकाश 18:7

ङूदे रङ्सेने कन्‍छ्वा केन् चीत्‍दे, मेस्‍ये मोज-मजा आनन्द चीत्‍दे, हन्‍छ्वाने सकस् मेस्‍ये शोक् ङूने पीन्, चेनेयलो ङूदे सेम्ने मन ख्यङ्, ‘ङ केन् मूरूम् मदी क्‍यूत्‍देबे टून ख्यङ्, ङ प्‍ल्‍यङ् सीयेब मदी दी, ङैदे कलङ्बेये शोक् चे अम्‍पर्‌दी।’