यूहन्‍ना 15:21 - घले नयाँ करार

²¹ तर नमयू ङैजे मीन् कीनब क्‍यूत्‍देबे थमयूदे नमयूने अम्‍ब साप्‍ता थर्‌जे सतनम् पीन्‍क्‍य, चेनेयलो थमयूदे ङैने कूल्‍बेब पने अन्‍स्‍ये।

यूहन्‍ना 15:21 ပူးပေါင်းရင်းမြစ်များ

मत्ती 10:18

ङैने विश्‍वास चेब कारणदे थमयूदे नमयूने हाकिमयूप्रे मूरुम्यूजे खूम्‍दे मेर्‌से पीन्‍क्‍य हन्‍छ्वाब थमयूने मेस्ये यहूदी तेब मीयूने ङैजे गवाही पीनब नमयू क्‍यूक्क्‍य।

मत्ती 10:22

ङैने विश्‍वास चेब कारणदे मीयू क्‍वादेने नमयूने ह्‍यल चीक्क्‍य। तर सूदे ङ्येसेमे टेम्‍देबे टूङ्क्‍य ङूदे उद्धार प्रेक्क्‍य।

मत्ती 10:39

सूदे रङ्से प्राण जूक्‍तेमेय, हम्‍ब मीदे ङूजे प्राण प्रेस्‍स्‍ये त्वो, मेस्‍ये ङैजे लागि रङ्से प्राण पीनब मीदे ङूजे रङ्से प्राण जूक्‍तीय।

मत्ती 24:9

“होर्‌दे थमयूदे नमयूने चूङ्देबे सजाइ पीनने कूबीय मेस्‍ये नमयू सेक्‍कीय, मेस्‍ये ङैजे मीन्जे कारणदे टक्क जातजे मीयूदे नमयूने अन्‍ज्‍य चीक्‍क्‍य।

मत्ती 5:11

“नमयूदे असी प्रेक्‍क्‍य, कन्‍छ्वाब ङैजे कारण मीयूदे नमयूजे न पूक्‍क्‍य, सतनम् चीक्‍क्‍य, मेस्‍ये लूच्‍च क्‍यम्‍देबे नमयूजे विरुद्धने पीरीपीरीजे अन्ज्‍य पो यीय।

मर्कूस 13:13

ङैजे मीन्दे चीत्‍देबे नमयूने क्‍वादेने ह्‍यल चीक्‍क्‍य। तर सू कूम ङ्‌येसेमे चेलाबे विश्‍वास‍ने बोल्‍यो क्यून्‍नीय ङूजे उद्धार क्‍यूक्‍क्‍य।

लूका 21:12

“तर अम्‍ब पोयू क्वाने क्‍यूर यली खूम्, मीयूदे नमयूने चूङ्क्‍य, सतनम् चीक्‍क्‍य,’ मेस्‍ये नमयूने सभा-कीम्‌यूने सूम्‍दीपीय, र झ्‍यालखानने चङ्पीय। नमयूने ङैजे मीन्‍जे कारण मूरुम्‌यू प्रे हाकिमयूजे खूम्‍ने स्‍योल्‍गीदेबे मेर्‌से पीन्क्‍य।

लूका 21:17

ङैजे मीन्जे कारणदे नमयूने मीयू क्वादेने घिन चीक्‍क्‍य।

लूका 6:22

नमयूदे असी प्रे‍क्क्य, कन्‍छ्वाब मीयूदे नमयूने मीजे चने विश्‍वास चेब कारणदे घिन चीक्क्य, मेस्‍ये तदे योम्‍बीय, मेस्‍ये खिसी चीक्‍क्य, दुष्‍ट मन्‍देबे नमयूजे मीन्जे बेइजत क्‍यूरब पोयू चीक्‍क्‍य।

यूहन्‍ना 15:24

कादेये सूदेये अन्चीक्‍कब काम ङैदे थमयूजे अन्द्रदे अन्चीक्‍क यलो थमयू पापजे दोष प्रेब अन्‍क्‍यूर ख्यङ्दे। तर जेम्‍से थमयूदे ङैप्रे ङैजे प, ङी ङ्हीनेने तङ्‍क ख्यङ् मेस्‍ये ह्‍यल चे ख्यङ्।

यूहन्‍ना 16:3

थमयूदे येर काम चीक्‍क्‍य, चेनेयलो थमयूदे पने अन्‍स्‍ये, मेस्‍ये ङैनेये अन्‍स्‍ये।

यूहन्‍ना 17:25

“धार्मिक प, संसारदे नने अन्‍स्‍ये, तर ङैदे नने स्‍ये ख्यङ्, होर्‌दे नदे ङैने कूल्‍बे ख्यङ् यदेबे अम्‍बयूदेये स्‍ये ख्यङ्।

यूहन्‍ना 8:19

थमयूदे ङूने लोत्‍दे, “नैजे प कने ख्यङ्?” येशूदे जवाफ पीन्‍दे, “नमयूदे ङैनेये अन्‍स्‍ये, पनेये अन्‍स्‍ये। नमयूदे ङैने स्‍ये यलो ङैजे पनेये स्‍ये ख्यङ्दे।”

यूहन्‍ना 8:54

येशूदे जवाफ पीन्‍दे, “कादेये ङैदे रङ्सेजे महिमा चीत्‍देयलो ङैजे महिमा काम अन्‍लादे क्‍यूक्‍क्‍य। ङैने महिमा पीनब ङैजे प ख्यङ्, ङूनेने नमयूदे ङीनजे परमेश्‍वर य ख्यङ्।

यूहन्‍ना 8:55

नमयूदे ङूने अन्‍स्‍ये, तर ङूने ङैदे चेलाबे स्‍ये ख्यङ्। ङैदे ङूने अन्-स्येयलो ङैये नमयू प्रने लूच्‍च ठर्‌तीय। तर ङैदे ङूने स्‍येय मेस्‍ये ङूदे यब पोने मन्‍दीय।

मूल स्यूस्स्यायूजे कामजे किताब 17:23

चेनेयलो अम्‍ब सहरने ट्वाबीनूब नमयूदे पूज्‍देब सेयू ङैदे तङ्दे। ङैदे येर टेये त्‍या होने तूदे, “अन्‍स्‍येब देवताजे लागि” यदेबे खोप्‍तीये टोङ्। नमयूदे स्‍येने अन्‍स्‍येला पूस्‍तेब हम्‍ब परमेश्‍वरजे ङ चूजो प्रचार चीन्‍न ख्यङ्।

मूल स्यूस्स्यायूजे कामजे किताब 26:9

“नासरतजे येशूजे मीन्‍जे विरुद्धने कूम सजाइ पीन पर्‌दीय यदेबे ङ रङ्सेनेये विश्‍वास ख्‍य।

मूल स्यूस्स्यायूजे कामजे किताब 3:17

जेम्‍से च्योन्‌यू, ङैने था ख्यङ्, यी नमयूदे अन्‍स्येदेबे होरे चीक्‍कदे, मेस्‍ये नमयूजे नेतायूदेये होरेने चीत्‍दे।

मूल स्यूस्स्यायूजे कामजे किताब 4:17

तर अम्‍ब पो मीयूदे अन्‍तस्‍य यदेबे ‘फेरि अम्‍बजे मीन्‍ने नमयू सूमीप्रेये चैये अन्क्‍यम्‍लाची’ यदेबे ङीनदे अम्‍बयूने बोङ्बे आर्‌ते पर्‌दीय।”

मूल स्यूस्स्यायूजे कामजे किताब 5:41

हन्‍छ्वाब येशूजे मीन्‍ने ह्‍यल सैदेब खल्‍जे ठर्‌दीदे यब पोने आनन्द मन्‍दीदेबे थमयू पात्‍ता केन् सभादे योङ्‍गीदे।

मूल स्यूस्स्यायूजे कामजे किताब 9:14

अने नैजे मीनने विश्‍वास चेब मीयू क्वाने चूङब हक ङूदे पूस्‍र्‌या केन्‌यूट्‍यादे प्रे-ख्यङ्।”

मूल स्यूस्स्यायूजे कामजे किताब 9:16

चेनेयलो ङैजे मीन्जे कारण ङूदे कोला सकस् भोक्‍ते पर्‌दीय, हम्‍ब ङ ङूने तम्‍मीय।”

रोमी 1:28

येर्‌बे थमयूदे परमेश्‍वरने तम्दम् पोने ठीक अन्‍थेदेबे परमेश्‍वरदे थमयूने चे अन्‍क्‍यूरब काम चेने अन्‍ज्‍य भस्‍त्व चेब सेम् क्‍यून्‍नूस्‍य यदेबे क्‍यापीदे।

१ कोरिन्थी 15:34

होस्ने ख, जेम्‍सेमेस्‍ये पाप अन्‍चील्‍लाची। चेनेयलो नमयू नङ्ने कोइदे परमेश्‍वरजे पोने अन्‍स्‍ये ख्यङ्, नमयूने त्‍वालाबे चेने ङैदे अम्‍ब पो य ख्यङ्।

१ कोरिन्थी 2:8

अम्‍ब जूग्‍जे हुकुम चील्‍लेबयू सूदेये हम्‍ब पो अङ्‍को। थमयूदे कोकयलो क्रूसने खील् ठोक्‍दीदेबे महिमाजे प्रभुने अम्‍पील्‍बे ख्यङ्दे।

२ थेसलोनिकी 1:8

परमेश्‍वरने अन्स्येबयूने मेस्‍ये ङीनजे प्रभु येशूजे सूगब खबर अम्‍मन्‍देबयूने ङूदे दण्ड पीन्क्‍य।

१ यूहन्‍ना 3:1

ले, प परमेश्‍वरदे ङीनने कर फत्‍या माया चे ख्यङ्, परमेश्‍वरदे ङीनने ङैजे छगूम्-पूर‌्‍गूम् यदेबे य ख्यङ्, मेस्‍ये तम्दम्‍ने ङीन ङूजे छगूम्-पूर‌्‍गूम् ख्यङ्। येरेक्‍यूत्‍देबे संसारजे मीयूदे ङीनने अन्‍स्‍ये, चेनेयलो थमयूदे परमेश्‍वरने अन्‍स्‍ये।

३ यूहन्‍ना 1:7

चेनेयलो परमेश्‍वरने विश्‍वास अन्‍चेब मीयूजे चैत्‍याये अन्‍टेल्‍लाबे थमयू येशू ख्रीष्‍टजे लागि प्रने योङ्ये ख्यङ्।

प्रकाश 2:3

नमयूदे ङैजे मीन्‍जे लागि सकस्यू पर्‌तीरब धेरेन् क्‍यूत्‍देबे सैदीन ख्यङ्। होरक्‍यूल्‍ली नमयूदे विश्‍वास अन्क्याबे ख्यङ् यब पोये ङैने था ख्यङ्।