यूहन्‍ना 15:11 - घले नयाँ करार

¹¹ ङैजे आनन्द नमयूप्रे क्‍यूस्‍स्‍य, मेस्‍ये नमयूजे आनन्द पूरा क्‍यूस्‍स्‍य यदेबे ङैदे अम्‍ब पो नमयूने य ख्यङ्।

यूहन्‍ना 15:11 ပူးပေါင်းရင်းမြစ်များ

लूका 15:23

चूलाचीतेब खोर्‌ब त्‍या रेत्‍देबे से मेस्‍ये चदेबे ङीन आनन्द चीदे।

लूका 15:32

तर ङीन सूग पर्‌देब मेस्ये आनन्द चेब पर्‌देब ठीक्ने ख्‍य, चेनेयलो अम्‍ब नैजे च्‍योन् सीये ख्‍य, फेरि सोम्‍बो क्यूट्‍ट ख्यङ्, मेले ख्‍य तर चूजो प्रे ख्यङ्’।”

लूका 15:5

मेलेब स्वान्‌ प्रेमेस्ये सूगे सूगे हम्‍बने रङ्से नीजीने रीन्जीक प्‍लेक्‍क्‍य,

लूका 15:9

मेलेब मान्द्रमूली प्रेमेस्‍ये ङूदे रङ्से ख्‍योन्‍यू मेस्‍ये खीम्चेयूने कोदेबे यीय, ‘ङैप्रे तङ्, चेनेयलो ङैदे ङैजे मेलेब मान्द्रमूली प्रे ख्यङ्।’

यूहन्‍ना 16:24

चूजो सेमे नमयूदे ङैजे मीन्‍ने चैये अन्‍स्‍य। स्‍य, मेस्‍ये नमयूदे प्रेक्‍क्‍य। येरप्रने नमयूजे आनन्द पूरा क्‍यूक्‍क्‍य।

यूहन्‍ना 16:33

नमयू ङै प्रे क्‍यूप्‍प शान्ति क्यूस्स्य यदेबे नमयूने अम्‍ब पो येरेक्‍यूत्‍देबे य ख्यङ्। संसारने टूङ्ब नमयूने सकस् क्‍यूक्‍क्‍य, तर बोङ् ची, ङैदे संसार ट्‌याक ख्यङ्।”

यूहन्‍ना 17:13

“तर जेम्‍से ङ नैट्‌याने रेन ख्यङ्। थमयूजे सेम्ने ङैजे आनन्द पूरा क्‍यून्‍नूस्‍य यदेबे ङैदे अम्ब पो संसारने क्यूप्पने यीय।

यूहन्‍ना 3:29

पीर्‌म सूप्रे ख्यङ्, दूल हम्बने क्यूक्‍क्य। सू दूलाप्रे मेरक्य हम्ब दूलजे ख्योन् क्यूक्‍क्य, दूलजे के तदेबे ङू सूग्‍क्‍य। येरेक्यूत्देबे ङैजे अम्ब आनन्द पूरा क्‍यूरे ख्यङ्।

रोमी 15:13

पीनब परमेश्‍वरने नमयूदे विश्‍वास चे ख्यङ्। ङूदेने नमयूने आनन्‍द मेस्‍ये शान्ति पीन्‍क्‍य। होरप्रने पवित्र आत्माजे शक्तिदे नमयू थेप् चेखूस्‍य।

२ कोरिन्थी 1:24

नमयूजे विश्‍वास फ्‍याने ङी हक जेमेदे दी, तर नमयूने सूग्‍लाबे चेने नमयूप्रे मील्‍लीदेबे काम फर्‌क्‍य। चेनेयलो नमयू रङ्से विश्‍वासने बोल्यो क्‍यूर ख्यङ्।

एफिसी 5:18

अङ्‍गुरजे ची थूङ्देबे अन्स्‍योल्लाची, अम्बदे नैजे जीया नाश ‍चीक्‍क्य तर पवित्र आत्मादे भरीपूर्‌न क्‍यूरो।

फिलिप्पी 1:25

नमयूजे विश्‍वासने थेप् बोल्यो चेने मेस्‍ये सेम्ने थेप् सूग्‍स्‍ये पीनने ङ सोम्‍बो क्‍यून्‍नीय, मेस्‍ये नमयू क्‍वाप्रेने टूनीय यब पो ङैने पक्‍क था ख्यङ्।

१ थेसलोनिकी 5:16

येतार्‌ने आनन्द चीन्‍नू।

१ पत्रुस 1:8

ङूने नमयूदे अन्‍तङ्लीने प्रेम चेख्यङ्। चूजो नमयूदे ङूने अन्‍तङ्, होरेक्‍यूल्‍ली ङूफ्‍याने विश्‍वास चेख्यङ्, मेस्‍ये स्‍य्‍वेने अङ्ख्‍वब होर्‌दे सोरो केन् महिमाजे आनन्द क्‍यूत्‍देबे सूग्क्य।

१ यूहन्‍ना 1:4

ङीजे आनन्‍द पूरा क्‍यूस्‍स्‍य यदेबे ङी अम्‍ब पो लिख्दीन ख्यङ्।

२ यूहन्‍ना 1:12

ङैदे नमयूने लिख्‍देपर्‌देब कूम पोयू ख्‍य, तर हम्‍ब कापी प्रे मसीदे लिख्देस्ये अम्‍मन्। तर ङीनयूजे आनन्द पूरा क्‍यूस्‍स्‍य यदेबे ङ नमयू ट्‌यानेने रीय मेस्‍ये तूदेबे बात् सेस्स्ये यदेबे अस्रो चीन्‍न ख्यङ्।