यूहन्‍ना 14:6 - घले नयाँ करार

⁶ येशूदे ङूने यदे, “लम्, सत्य मेस्ये जीया ङने ख्यङ्। ङैजे लम् क्‍यूत्‍देबे अम्‍प्रदासेमे सूये प ट्‌याने र अन्खू।

यूहन्‍ना 14:6 ပူးပေါင်းရင်းမြစ်များ

मत्ती 11:27

“ङैजे पदे साप्‍ताकूरूने ङैने जिम्मा पीने ख्यङ्। पदेत्‍या रङ्से च कर ख्‍य यदेबे स्‍ये ख्यङ् सूजो सूदेये अन्‍स्‍ये मेस्‍ये चदेत्‍या प स्‍ये ख्यङ् सूजो सूदेये अन्‍स्‍ये। होर्‌दे चदे प कर ख्य यदेब सूने स्‍येला चीम्‍मेब सेम् चीक्क्य थमयूदेत्‍या स्‍येय।

यूहन्‍ना 1:14

वचन ङ्व क्‍यूत्‍देबे रदे, मेस्‍ये अनुग्रह मेस्‍ये तम्दम्‍दे फ्यादेबे ङीनजे अन्द्रने बास टूङ्दे। ङीनदे ङूजे महिमा तङ्दे, हम्‍ब महिमा प ट्‌यादे रब तीत्‍या चजेप्र ख्‍य।

यूहन्‍ना 1:17

चेनेयलो परमेश्‍वरदे नियम मोशाने पीन्‍देबे ङीनदे प्रेत्‍दे, तर अनुग्रह मेस्‍ये सत्यब येशू ख्रीष्‍टने क्‍यूत्‍देबे पीन्‍दे।

यूहन्‍ना 1:4

ङूप्रे जीया ख्‍य, मेस्‍ये हम्‍ब जीया मीयूजे लागि ओथ्याङ् ख्‍य।

यूहन्‍ना 10:28

थमयूने ङ कलङ्बेये अन्सीबब जीया पीन्‍क्‍य, होर्‌दे थमयू कलङ्बेये नाश अन्‍क्‍यूप्‍प, मेस्‍ये थमयूने सूदेये ङैजे लादे लेन्के अन्खू।

यूहन्‍ना 10:7

येरेक्‍यूत्‍देबे येशूदे थमयूने फेरि यदे, “तम्दम्‍ने ङ नमयूने यीय, स्वान्‌यूजे ख्‍यो ङ ख्यङ्।

यूहन्‍ना 10:9

प्रङ्जे ख्‍यो प्र ङ ख्यङ् कादेये कोइमी अम्‍ब ख्‍यो क्‍यूत्‍देबे नङ्ने क्‍योबदेयलो हम्‍ब बच्‍दीय, मेस्‍ये नङ्ने फीने प्र र चीक्‍क्‍य, होर्‌दे खर्‌कने रेम च प्रेक्‍क्‍य।

यूहन्‍ना 14:19

जेम्‍से छीत्‍त्‍या ङ्येदे संसारजे मीयूदे ङैने कलङ्बेये तङ्स्ये त्‍वो, तर नमयूदे ङैने तङ्क्य। ङ सोम्‍बो क्‍यूरबदे, नमयूये सोम्‍बो क्‍यूक्‍क्‍य।

यूहन्‍ना 15:1

“तम्दम् अङ्‍गुरजे पोङ् ङ ख्यङ्, मेस्‍ये ङैजे प खेती फरब ख्यङ्।

यूहन्‍ना 18:37

पिलातसदे ङूने लोत्‍दे, “न यहूदीयूजे मूरूमयलो रङ्सेने जूक्‍ती?” येशूदे जवाफ पीन्दे, “ङ मूरुम् ख्यङ् यदेबे नदेने येन ख्यङ्, अम्‍बजे लागि ङ जन्मीदे ख्यङ् मेस्‍ये सत्यजे गवाही तनने ङ अम्‍ब संसारने र ख्यङ्। सत्य सेम् पर्‌देब मीयू क्‍वादेने ङैजे पोने ङ्‍यीन्क्य।”

यूहन्‍ना 5:21

चेनेयलो केर्‌बे पदे सीयेब मीयूने लङ्क्‍य मेस्‍ये थमयूने जीया पीन्‍क्‍य, होरप्रने चदेये सूने इच्छा चीक्‍क्‍य, हम्‍बने जीया पीन्‍क्‍य।

यूहन्‍ना 6:33

चेनेयलो परमेश्‍वरजे क्‍यङ् हम्‍ब ख्यङ्, यी हम्बब स्वर्गदे रीय, मेस्‍ये हम्‍बदे संसारजे मीयूने जीया पीन्‍क्‍य।”

यूहन्‍ना 6:51

स्वर्गदे रब जीया पीनब क्‍यङ् ङने ख्यङ्। अम्‍ब क्‍यङ् चब मीदे येतार्‌ने जीया प्रेन्‍नीय। ङैदे पीनब हम्‍ब क्‍यङ्ब ङैजे ङ्व ख्यङ्। संसारजे मीयूदे जीया प्रेस्‍स्‍य यदेबे ङ ङैजे ङ्व पीन्‍क्‍य।”

यूहन्‍ना 6:57

केर्‌बे सोम्‍बो पदे ङैने कूल्‍पीदे, मेस्‍ये ङ प प्रेने सोम्‍बो क्‍यूर ख्यङ्, होरप्रने ङैने चबये ङैजे कारणदे सोम्‍बो क्यूक्क्य।

यूहन्‍ना 6:68

सिमोन पत्रुसदे जवाफ पीन्‍दे, “प्रभु, ङी सू त्‍याने प्र? कलङ्बेये अन्सीबब जीयाजे वचन नैप्रे ख्यङ्,

यूहन्‍ना 8:32

होर्‌दे सत्य यब च टोङ् यदेबे स्‍येय, मेस्‍ये सत्यदे नमयूने छुटकारा पीन्‍क्‍य।”

यूहन्‍ना 8:51

तम्दम्‍ने ङ नमयूने यीय, कादेये ङैदे यब वचन कोइदे मन्दी‍देयलो हम्‍बदे कलङ्बेये सीब पर्‌दीस्‍ये त्‍वो।”

मूल स्यूस्स्यायूजे कामजे किताब 3:15

मेस्‍ये जीया पीनबने नमयूदे सेत्‍दे, हम्‍बने परमेश्‍वरदे सीयेबदे सोम्‍बो चीत्‍देबे लङ्दे, ङी अम्‍बजे गवाही ख्यङ्।

मूल स्यूस्स्यायूजे कामजे किताब 4:12

“सूजो सूदेये मुक्तिपीन अन्‍खू, चेनेयलो ङीनदे मुक्तिप्रेने स्वर्ग नङ्ने मीयूने सूजो चे मीन्‌ये अम्‍पीनी।”

मूल स्यूस्स्यायूजे कामजे किताब 9:2

मेस्‍ये ङूदे प्रभुजे लम्ने प्रब पती या मदी, सूने तूलीने थमयूने ख्‍यादेबे यरूशलेमने रेप्रेदे यदेबे दमस्‍कसजे सभा-कीम्यूजे मीन्‍ने पूर्‌जी स्‍यदे।

रोमी 15:16

अम्‍ब अनुग्रह परमेश्‍वरदे यहूदी देब मीयूने सूगब खबर स्‍य्‍वेजे लागि पूस्‍र्‌या क्‍यूत्‍देबे ङैने सेवा चीस्‍ये पीन्‍दे। येर्‌बे यहूदी देब मीयूये पवित्र आत्मादे शुद्ध क्‍यूत्‍देबे परमेश्‍वरदे सेम् पर्‌तेब बलि क्‍यूर खूस्‍य।

रोमी 5:2

ङूप्रे क्यूत्देबे ङीनदे विश्‍वास चीत्‍देबे परमेश्‍वरजे अनुग्रह प्रेख्यङ्। हम्‍ब अनुग्रहने ङीन बच्‍दे ख्यङ्, मेस्‍ये परमेश्‍वरजे महिमाने क्‍व प्रेक्‍क्‍य यब पोने आशा चेब क्‍यूत्‍देबे ङीन सूग प्रेख्‍य।

रोमी 5:21

येर्‌बे पापदे मीयू क्वा फ्यानेने राज्य चीत्देबे सीब पर्‌दे चीत्दे। होरप्रने येशू ख्रीष्‍ट ङीन्जे प्रभुने ङीनयू धर्मी ठर्‌तीमीदेबे कलङ्बेये अन्सीबब जीया पीन्देबे परमेश्‍वरजे अनुग्रहदे राज्य चे ख्यङ्।

१ कोरिन्थी 15:45

येरेक्‍यूत्‍देबे धर्मशास्त्रने येरे लिख्दीये ख्यङ्, “पात्‍ता खूम्जे मी आदम जीया प्रेब मी क्‍यूत्‍दे।” तर आखिरीजे आदम या ख्रीष्‍ट जीया पीनब आत्मा क्‍यूत्‍दे।

एफिसी 2:18

चेनेयलो ङूदे चीत्‍देबे ङीन यहूदी मेस्‍ये यहूदी तेब ङ्हीदेने पवित्र आत्माजे बोङ् प्रेत्‍देबे प परमेश्‍वर ट्‌याने प्र-प्रेब क्‍यूर ख्‍य।

कलस्सी 2:17

अम्‍बब ङ्‍येदे क्यूट्‍टब पोजे छायाप्रत्‍या ख्यङ्। तर हम्‍ब छायाजे तम्दम् च्‍यूनूब ख्रीष्‍ट ख्यङ्।

कलस्सी 2:9

चेनेयलो परमेश्‍वरने ख्‍यब गुणयू क्‍वाने ख्रीष्‍टजे ङ्वने टून ख्यङ्।

कलस्सी 3:4

नमयूजे तम्दम् जीया ब ख्रीष्‍टने ख्यङ् होर्‌दे ङू फेरि रब नमयूये ङूप्रे-प्रे महिमाने क्‍यूक्‍क्‍य।

हिब्रू 7:25

होरेक्‍यूत्‍देबे येशूने विश्‍वास चीत्‍देबे परमेश्‍वर ट्‌याने रबयू क्‍वानेने येतार्‌जे लागि ङूदे उद्धार चीम्मे खूइय। चेनेयलो थमयूजे लागि परमेश्‍वरप्रे प्रार्थना चीम्मेने ङू येतार्‌ने सोम्बो क्यून्‍नीय।

हिब्रू 9:8

पवित्र आत्‍मादे ङीनने अम्‍ब छ्‍यप्‌यू तन्‍देबे लोम्‍मे ख्यङ्। कन्‍छ्वासेमे फीजे पवित्र पाल-कीम् क्‍यून्‍नीय, हन्‍छ्वासेमे पात्‍ता केन् पवित्र पाल-कीम् नङ्ने क्‍योबब लम् प्रेस्‍स्‍ये त्‍वो।

१ पत्रुस 1:21

येशूने क्‍यूत्‍देबे नमयूदे परमेश्‍वर फ्‍याने विश्‍वास चे ख्यङ्। नमयूजे विश्‍वास मेस्‍ये परमेश्‍वर फ्‍याने क्‍यूस्‍स्‍य यदेबे ङूदे सीयेब ख्रीष्‍टने सोम्‍बो चीत्‍देबे महिमा पीन्‍दे।

१ पत्रुस 2:4

मीयूदे अन्‍क्‍यूर् यदेबे छाबेब, तर परमेश्‍वरदे चून्‍तेब मेस्‍ये सोरो कूम लू पर्‌देब सोम्‍बो पत्‍थर ङू ख्यङ्, ङू ट्‌याने प्रे।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ यूहन्‍ना 1:8

कादेये ङीनदे रङ्सेने पाप त्‍वो यदेबे यलो ङीनदे रङ्सेने धोका पीनब क्‍यूक्‍क्‍य, मेस्‍ये ङीनने सत्य अन्‍क्‍यूर्।

१ यूहन्‍ना 2:23

चने अम्‍मन्‍देब सूमीप्रेये प क्यूस्से त्‍वो। सूदे चने मन्‍दीय हम्‍बप्रे प क्‍यूक्‍क्‍य।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।

१ यूहन्‍ना 5:6

येशू ख्रीष्‍ट क्‍यू प्रे कादे ‍रदे, या येशू ख्रीष्‍ट क्‍यूदे बप्‍तिस्मा क्‍यूत्‍देबेत्‍या र दी, तर क्‍यूप्रे काने क्‍यूत्‍देबे ‍र ख्यङ्। अम्‍ब सत्य ख्यङ् यदेबे गवाही पीनब पवित्र आत्मा ख्यङ्, चेनेयलो पवित्र आत्मा सत्य ख्यङ्

२ यूहन्‍ना 1:9

ख्रीष्‍टदे लोम्‍मेब शिक्षाने अम्‍मन्‍दीलाबे सूजो शिक्षा मन्‍देब मीयूप्रे परमेश्‍वर क्यूस्स्ये त्‍वो, तर ख्रीष्‍टदे लोम्‍मेब शिक्षा मन्‍दीनब मीप्रे प परमेश्‍वर मेस्‍ये ङूजे च थम फीनीने क्‍यूक्‍क्‍य।

प्रकाश 1:5

मेस्ये विश्‍वास चे ख्‍वब साक्षी येशू ख्रीष्‍ट, सीयेबयू नङ्ने पात्‍ता खूम् सोम्‍बो क्‍यूरब, मेस्‍ये पृथ्‍वीजे मूरुम्यू फ्‍याने हुकुम चेबट्‍यादे नमयूने अनुग्रह मेस्ये शान्ति। ङूदे ङीनने प्रेम चे ख्यङ् मेस्‍ये ङीन्‍जे पापने रङ्से कादे छूर्‌तीमे ख्यङ्,

प्रकाश 19:11

स्वर्गजे ख्‍यो पूक्येब ङैदे तङ्दे मेस्‍ये हैयाने मी टदेबे प्रब त कर्‌ त्‍या ख्‍य। हम्‍ब त-फ्‍याने टदेबे प्रबने “भर्‌पर्‌तेब” मेस्‍ये “सत्य” ख्यङ् यदेबे यीय। ङूदे ज्‍य न्याय चीत्‍देबे लडाइँ चीक्‍क्‍य।

प्रकाश 20:15

जीया प्रेब मीयूजे मीन् थाब किताबने सू-सूजे मीन् लिख्दीयेब अम्‍प्रे, हम्‍बयूने प्‍ल्‍याङ्नब मी भोप्‍प्रोने छाबीदे।

प्रकाश 22:1

होर्‌दे ङूदे ङैने जीया पीनब क्‍यूजे होङ् तम्‍मीदे, हम्‍बङ्येदे क्‍यूजे होङ् छालाला तङब स्‍फटीकप्र चकिलो ख्‍य। हम्‍ब होङ् परमेश्‍वरजे मेस्‍ये थुमाजे सिंहासनदे योङ्‍रदेबे,

प्रकाश 22:17

पवित्र आत्‍मा मेस्‍ये पीर्‌मदे यीय, “ख।” सू-सूदे ङ्यीन्‍क्‍य थमयूदे यस्‍य, “ख।” सू-सू क्‍यू फैय थमयू रस्‍य, मेस्‍ये सू-सूदे थूङब सेम् चीक्‍क्‍य थमयूने जीया पीनब क्‍यू होरेने थूङ्स्‍य।

प्रकाश 3:14

होर्‌दे लाउडिकियाजे मण्डलीजे दूतने अम्‍ब पो लिख्दी: आमेन, भरपर्‌तेब, मेस्‍ये तम्दम् गवाही मेस्‍ये परमेश्‍वरदे सृष्‍टि चेब सेयू फ्‍याने हक चील्‍लेबदे अम्‍ब पो य ख्यङ्।

प्रकाश 3:7

होर्‌दे फिलाडेल्‍फियाजे मण्‍डलीजे दूतने अम्‍ब पो लिख्दी: यी पोयू पवित्र मेस्ये सत्य ख्‍यबदे य ख्यङ्, ङूजे लाने दाऊदजे चापी ख्यङ्। ङूदे च पूक्‍क्‍य, सूदेये था खूस्‍ये त्‍वो, मेस्‍ये ङूदे च थाय, सूदेये पूक खूस्‍ये त्‍वो।