यूहन्‍ना 14:4 - घले नयाँ करार

⁴ ङ केने प्रेन ख्यङ्, होने प्रब लम् नमयूदे स्‍ये ख्यङ्।”

यूहन्‍ना 14:4 ပူးပေါင်းရင်းမြစ်များ

लूका 24:26

ख्रीष्‍ट रङ्से महिमाने प्र यली खूम् अम्‍ब सकस् भोग्‍दे पर्‌दे ते स्व?”

यूहन्‍ना 10:9

प्रङ्जे ख्‍यो प्र ङ ख्यङ् कादेये कोइमी अम्‍ब ख्‍यो क्‍यूत्‍देबे नङ्ने क्‍योबदेयलो हम्‍ब बच्‍दीय, मेस्‍ये नङ्ने फीने प्र र चीक्‍क्‍य, होर्‌दे खर्‌कने रेम च प्रेक्‍क्‍य।

यूहन्‍ना 12:26

सूमीदे ङैजे सेवा चीक्‍क्‍य हम्‍ब ङै ङ्ये ङ्ये रस्‍य, मेस्‍ये ङ केने क्‍यूक्‍क्‍य, ङैजे सेवा चेबये होनेने क्‍यूक्‍क्‍य। सूदे ङैजे सेवा चीक्‍क्‍य पदे ङूने गेसेन् चीक्‍क्‍य।

यूहन्‍ना 13:3

पदे साप्‍ता थोक‍ने येशूजे लाने पीन्‍क ख्यङ्, मेस्‍ये ङू परमेश्‍वरदे कूल्‍बीदे र ख्यङ्, होर्‌दे परमेश्‍वरतेलेने प्रेन ख्‍यङ् यब पो येशूदे स्‍ये ख्‍य।

यूहन्‍ना 14:2

ङैजे पजे कीम्‍ने टूङ नेयू कूम ख्यङ्। नमयूजे लागि ङ ने तयार चेने प्रेन ख्यङ्, कादेये येर त्‍वयलो ङ नमयूने येर पो अन्‌-य ख्यङ्दे।

यूहन्‍ना 14:28

ङैदे नमयूने ‘ङ अन्-यादे प्रेन ख्यङ्, मेस्‍ये फेरि नमयू ट्‌याने ल्‍वारीय’ यब पो नमयूदे तैक ख्यङ्। नमयूदे ङैने प्रेम चे यलो ङ प ट्‌याने प्रेन ख्यङ् यब पो तदेबे नमयू सोरो तङ ख्यङ्दे, चेनेयलो प ङ यली सोरो केन् ख्यङ्।

यूहन्‍ना 14:3

होर्‌दे ङ प्रदेबे नमयूजे ने तयार चीक्‍क ङ्येदे ङ फेरि ल्‍वारीय, होर्‌दे नमयूने ङ टूङब नेने कूबीय, केने ङ क्‍यूक्‍क्‍य, होने नमयूये क्‍यूक्‍क्‍य।

यूहन्‍ना 14:5

थोमादे ङूने यदे, “ओ प्रभु, न केने प्रमे ख्यङ्, यदेबे ङीने था त्‍वो, यलो ङीदे लम् केरे स्‍ये?”

यूहन्‍ना 16:28

ङ प ट्‌यादे रदेबे संसारने र ख्यङ्, होर्‌दे फेरि संसार पङ्‍गीदेबे ङ प ट्‌याने ल्‍वाबीन ख्यङ्।”

यूहन्‍ना 3:36

परमेश्‍वरजे च फ्‍याने विश्‍वास चेब मीप्रे कलङ्बेये अन्‍सीबब जीया ख्यङ्, तर चजे आज्ञा अम्मन्देब मीदे कलङ्बेये अन्सीबब जीया प्रेस्‍स्‍ये त्‍वो। तर परमेश्‍वरजे छी ङूफ्‍याने पर्‌दीनीय।

यूहन्‍ना 6:40

चेनेयलो ङैजे पजे इच्छा अम्‍ब ख्यङ्, “रङ्से चने लेब मेस्‍ये ङू फ्‍याने विश्‍वास चेब क्‍वादेने कलङ्बेये अन्सीबब जीया प्रेस्‍स्‍य, मेस्‍ये ङ आखिरीजे दिनने हम्‍बने सोम्‍बो चीक्‍क्‍य।”