यूहन्‍ना 14:30 - घले नयाँ करार

³⁰ जेम्‍से ङ नमयूप्रे कूम अन्‍क्‍यम्, चेनेयलो अम्‍ब संसारजे हुकुम चील्‍लेब रेन ख्यङ्। ङै फ्‍याने हम्‍बजे चै हकये त्‍वो।

यूहन्‍ना 14:30 ပူးပေါင်းရင်းမြစ်များ

लूका 1:35

स्‍वर्गदूतदे ङूने जवाफ पीन्‍दे, “पवित्र आत्‍मा नने रीय, मेस्‍ये पात्‍ता नङ्ने केन् परमेश्‍वरजे शक्तिजे ल नैफ्‍याने पर्‌दीय। होरेक्यूत्देबे जन्मीदीसे ख्‍यब पीच ङू पवित्र, मेस्‍ये परमेश्‍वरजे च यीय।

लूका 22:53

दिनजे पीजीने मन्दिरने ङ नमयूप्रे ख्यङ्ब नमयूदे ङैजे विरुद्धने ला लङब आँट अन्‍ची। तर जेम्से नमयूजे काम चेप बील रदे मेस्‍ये मून्‍दूङ्जे शक्तिदे राज्‍य चीक्‍क्‍य।”

यूहन्‍ना 12:31

जेम्‍से अम्‍ब संसारजे न्याय क्‍यूक्‍क्‍य। अम्‍ब संसारजे हुकुम चील्‍लेब फीने छाबीय।

मूल स्यूस्स्यायूजे कामजे किताब 1:3

छरङ् भोक्‍तीदेबे क्रूसने सीयेमेस्‍ये येशू ङ्यील्‍लङ् दिनसेमे घरी-घरी थमयूदे तङ्दे किसिम किसिमजे पक्‍क प्रमाणयूदे रङ्से सोम्‍बो ख्यङ् यदेबे तन्‍दे। थमयूदे ङूने तङ्दे, मेस्‍ये ङूदे थमयूने परमेश्‍वरजे राज्‍यजे बारेने स्‍योत्‍दे।

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

एफिसी 2:2

हम्‍ब बीलने नमयू संसारने पाप चीत्‍देबे प्रख्‍य। नमयूदे मूजे शक्तिने नोबो मन्‍देख्‍य। परमेश्‍वरने अम्‍मन्‍देब मीयूने ङूदे दीनी रङ्सेजे काबुने ये ख्यङ्।

एफिसी 6:12

जीङब ङ्व प्रे काजे विरुद्धने नमयू दी, तर मूने ख्यब शक्तियू मेस्‍ये दुष्‍ट हुकुम चील्‍लेबयूजे विरुद्धने, होर्‌दे मून्दूङ् जूग्‍जे हुकुम चील्‍लेयू, हक चील्‍लेबयू, मेस्ये मूजे दुष्‍ट आत्मायूजे विरुद्धने ख्यङ्।

कलस्सी 1:13

ङूदे ङीनने मून्‍दूङ्जे राज्‍यदे अलाक् चीत्‍देबे ङूजे छेब चजे राज्‍यने चेलाबे सेबे ख्यङ्।

हिब्रू 4:15

चेनेयला ङीनजे पात्‍ता केन् पूस्‍र्‌यादे ङीन बोङ् त्‍व क्‍यूप्‍प ङीन्जे अवस्था अङ्ख्‍वब क्यूप्प ङीनप्रे तोङ्‌मेने अङ्‌ख्वब अन्क्यूर्। तर ङीनप्रने ङूये साप्‍ता थोकजे जाँचने पर्‌तीदेलीने पाप अन्‍चे ख्‍य।

हिब्रू 7:26

चेनेयलो ङीनजे लागि पवित्र, दोष त्‍वब, चैये खोट् त्‍वब, पाप त्‍वब, मेस्‍ये पात्‍ता फ्‍या स्‍वर्गने लङ्‍केब पात्‍ता नङ्ने केन् येर पूस्‍र्‌या त्‍या क्‍यूर पर्‌ते ख्यङ्।

१ पत्रुस 1:19

तर चैये खोट् त्‍वब मेस्‍ये शुद्ध ख्‍यब थुमाजेप्र लू-फाने अङ्ख्‍वब येशू ख्रीष्‍टजे कादे नमयूने छुटकारा पीन ख्यङ्।

१ पत्रुस 2:22

“ङूदे कलङ्बेये पाप अन्चीक्‍क, मेस्‍ये ङूजे ङूर्‌दे कलङ्बेये लूच्‍च अन्‍क्‍यम्क।”

१ यूहन्‍ना 4:4

ङैजे पीचयू, नमयूब परमेश्‍वरजे ख्यङ्, मेस्‍ये नमयूदे थमयू फ्‍याने ट्‌याक ख्यङ्। चेनेयलो सू नमयूप्रे ख्यङ्, ङू संसारने ख्‍यबयली पात्‍ता केन् ख्यङ्।

१ यूहन्‍ना 5:18

परमेश्‍वरजे छगूम्-पूर्‍गूम् सूदेये पाप चीन्‍नूस्‍ये त्‍वो, तर परमेश्‍वरजे च-येशू ख्रीष्‍टदे हम्‍बने जूक्‍तीदेबे येक्‍क्‍य, मेस्‍ये दुष्‍ट शैतानदे हम्‍बने चैये हनी चे-अङ्‍खू।

१ यूहन्‍ना 5:19

ङीन परमेश्‍वरजे ख्यङ्, मेस्‍ये अम्‍ब पूरा संसार हम्‍ब दुष्‍ट शैतानजे लाने पर्‌तीक ख्यङ् यदेबे ङीनने था ख्यङ्।

प्रकाश 12:9

हम्‍ब अजिङ्गर केन् मो पृथ्वीने छाबीदे- हम्‍ब मीयूङ् मेस्येजे डम् ख्‍य, का-मुलुक संसार‌जे मीयूने छल् चेब दीयाबलस यब शैतान ङूने ख्‍य। ङूप्रे-प्रे ङूजे दूतयूनेये पृथ्‍वीने छापीदे।