यूहन्‍ना 14:13 - घले नयाँ करार

¹³ नमयूदे ङैजे मीन्‍ने चनेस्‍यली च फ्‍याने पजे महिमा क्‍यूस्‍स्‍य यदेबे ङ हम्‍ब चीम्‍मीय।

यूहन्‍ना 14:13 ပူးပေါင်းရင်းမြစ်များ

मत्ती 21:22

विश्‍वास चीत्देयलो प्रार्थनाने च स्‍येय हम्‍ब नमयूदे प्रेक्क्‍य।”

मत्ती 7:7

“स्‍यलो नमयूने पीन्क्‍य, मेल्‍लो नमयूदे प्रेक्‍क्‍य, ढ्‍याक्-ढ्‍याक् चील्‍लो नमयूजे लागि ख्‍यो पूक्‍मीय।

मर्कूस 11:24

होरेक्‍यूत्‍देबे ङ नमयूने यीय, नमयूदे परमेश्‍वरने प्रार्थना चीत्‍देबे स्‍यब सेयू क्‍वाने तम्दम्ने प्रे ख्यङ् यदेबे विश्‍वास ची, मेस्‍ये नमयूदे प्रेक्‍क्‍य।

लूका 11:9

“ङ नमयूने यीय, स्‍य, नमयूने पीन्क्‍य। मे‍ल्, नमयूदे तूय। ढ्‍याक्-ढ्‍याक् ची, नमयूजे लागि ख्‍यो पूक्‍मीय।

यूहन्‍ना 10:30

प प्रे ङ त्‍या ख्यङ्।”

यूहन्‍ना 12:44

येशूदे के केन् योन्‍देबे यदे, “ङैने विश्‍वास चेब मीदे ङैने दी, तर ङैने कूल्‍बेब फ्‍याने विश्‍वास चेब क्‍यूक्‍क्‍य।

यूहन्‍ना 13:31

कन्‍छ्वाब ङू फीने योङ्‍गी हन्‍छ्वाब येशूदे यदे, “जेम्‍से मीजे चजे महिमा क्‍यूक्‍क ख्यङ्, मेस्‍ये ङू फ्‍याने परमेश्‍वरजे महिमा क्‍यूक्‍क ख्यङ्।

यूहन्‍ना 14:14

नमयूदे ङैजे मीन्‍ने चैसेने स्‍यली ङ चीम्‍मीय।

यूहन्‍ना 14:6

येशूदे ङूने यदे, “लम्, सत्य मेस्ये जीया ङने ख्यङ्। ङैजे लम् क्‍यूत्‍देबे अम्‍प्रदासेमे सूये प ट्‌याने र अन्खू।

यूहन्‍ना 15:16

नमयूदे ङैने अन्‍सेल्, तर ङैदे नमयूने सेल्‍दे मेस्‍ये नमयू प्रदेबे येतार्‌ने क्‍यून्‍नब फल लोलाबे चेने ङैदे भर्‌न चीत्‍दे, येरेचील्‍लो नमयूदे पप्रे ङैजे मीन्‍ने च स्‍येय, हम्‍ब पदे नमयूने पीन्‍क्‍य।

यूहन्‍ना 15:7

नमयू ङैप्रे क्‍यूल्‍लो, मेस्‍ये ङैदे यब पो नमयूप्रे क्‍यून्‍नूलो नमयूदे च इच्छा चीक्‍क्य स्‍य, हम्‍ब नमयूने चीम्‍मीय।

यूहन्‍ना 16:23

हम्‍ब बीलने नमयूदे ङैने चैये लोस्‍स्‍ये त्‍वो। तम्दम्‍ने ङ नमयूने यीय, नमयूदे ङैजे मीन्‍ने पप्रे च स्‍येय ङूदे हम्‍ब नमयूने पीन्‍क्‍य।

यूहन्‍ना 16:26

हम्‍ब दिनने नमयू रङ्सेदेने ङैजे मीन्‍ने स्‍येय। नमयूने ङैदे पप्रे स्‍येमे अम्पर्‌दी,

यूहन्‍ना 16:7

होर्‌दे ङ नम‍यूने तम्दम् पो यीय, नमयूजे फाइदाजे लागि ङ प्रेन ख्यङ्। ङ अम्‍प्रलो, मोतो पीनब नमयू ट्‌याने रस्‍ये त्‍वो तर ङ प्रलो ङू नमयू ट्‌याने कूल्‍बीय।

यूहन्‍ना 4:10

येशूदे जवाफ पीन्‍दे, “परमेश्‍वरजे बर मेस्‍ये नैप्रे चूजो क्‍यू स्‍यब मी स्‍ये यलो नदे ङूप्रे क्‍यू स्‍य ख्यङ्दे होर्‌दे ङूदे नने जीयाजे क्‍यू पीन ख्यङ्दे।”

यूहन्‍ना 4:14

तर ङैदे पीनब क्‍यू सू-सूदे थूङ्क्‍य हम्‍ब मीने फेरि कलङ्बेये क्‍यू फैस्‍ये त्‍वो, चेनेयलो ङैदे कम्‍ब क्‍यू ङूने थूङ्से पीन्‍क्‍य हम्‍ब क्‍यू कलङ्बेये अन्सीबब जीयाजे लागि प्‍ल्‍यानब क्‍यू-मुरूम् क्‍यूक्‍क्‍य।”

यूहन्‍ना 5:19

येशूदे थमयूने यदे, “तम्दम्‍ने ङ नमयूने यीय, च रङ्सेदेने चैये चे अन्खू, तर पदे च चेब तङ्‍क्य हम्‍बत्‍यामे चीक्‍क्‍य, चेनेयलो पदे च चीक्‍क्‍य, चदेये होरप्रने चीक्‍क्‍य।

यूहन्‍ना 7:37

जेम्से दीन्बरजे ङ्येजे दिनने, या दीन्बरजे मूख्‍या दिनने, मेर्‌देबे येशूदे क्‍वादेने तलाबे यदे, “कादेये कोइ क्‍यू फैलो हम्‍ब ङैट्‌याने रदेबे थूङ्स्‍य।

१ कोरिन्थी 14:13

येरेक्‍यूत्‍देबे सूजो-केने क्‍यमबदे हम्‍ब केजे अर्थ स्‍योम्‍मे ख्‍वब शक्ति प्रेने प्रार्थना चीस्‍स्‍य।

एफिसी 2:18

चेनेयलो ङूदे चीत्‍देबे ङीन यहूदी मेस्‍ये यहूदी तेब ङ्हीदेने पवित्र आत्माजे बोङ् प्रेत्‍देबे प परमेश्‍वर ट्‌याने प्र-प्रेब क्‍यूर ख्‍य।

एफिसी 3:12

ख्रीष्‍टने चेब विश्‍वासदे ङीनदे आँट मेस्‍ये पक्क भर् चीत्देबे ङीन परमेश्‍वर ट्‌याने प्र प्रेक्‍क्‍य,

एफिसी 3:14

येरेक्‍यूत्‍देबे ङ प परमेश्‍वरजे खूम्‍दे रङ्से पूजी चोदेबे प्रार्थना चीन्‍न ख्यङ्।

फिलिप्पी 4:13

सूदे ङैने शक्ति पीन्‍क्‍य, ङूप्रे क्‍यूत्‍देबे ङ साप्‍ताकूरूने चे खूइय।

कलस्सी 3:17

नमयूदे काम प्रे पोने चने चील्‍लीने येशूने क्‍यूत्‍देबे परमेश्‍वर पने धन्‍यवाद पीने पीने हम्‍बयू क्‍वाने प्रभु येशू ख्रीष्‍टजे मीन्‍ने ची।

हिब्रू 13:15

येरेक्‍यूत्‍देबे ङीन येतार्‌ने येशूजे मीन् गोम्देबे परमेश्‍वरने सार्‌याजे बलि पीने। अम्‍बब ङूजे मीन् कीनब मीयूजे ङूर्‌दे पीनब भेटी ख्यङ्।

हिब्रू 4:15

चेनेयला ङीनजे पात्‍ता केन् पूस्‍र्‌यादे ङीन बोङ् त्‍व क्‍यूप्‍प ङीन्जे अवस्था अङ्ख्‍वब क्यूप्प ङीनप्रे तोङ्‌मेने अङ्‌ख्वब अन्क्यूर्। तर ङीनप्रने ङूये साप्‍ता थोकजे जाँचने पर्‌तीदेलीने पाप अन्‍चे ख्‍य।

हिब्रू 7:25

होरेक्‍यूत्‍देबे येशूने विश्‍वास चीत्‍देबे परमेश्‍वर ट्‌याने रबयू क्‍वानेने येतार्‌जे लागि ङूदे उद्धार चीम्मे खूइय। चेनेयलो थमयूजे लागि परमेश्‍वरप्रे प्रार्थना चीम्मेने ङू येतार्‌ने सोम्बो क्यून्‍नीय।

याकूब 1:5

तर कादेये नमयू कोइने बुद्धिजे हर्‌जो ख्यङ्लो हम्‍बदे प्रो-अन्‍लङ्लाबे मेस्‍ये सेम्-यङ्ला पीनब परमेश्‍वरने स्‍यस्‍य, मेस्‍ये हम्‍ब ङूने पीन्‍क्‍य।

याकूब 5:16

येरेक्‍यूत्‍देबे नमयू त्‍यादे त्‍याप्रे रङ्से-रङ्सेजे पाप स्वीकार ची। नमयू तम् क्‍यूरने त्‍यादे त्‍याजे लागि प्रार्थना ची। परमेश्‍वरजे आज्ञा अनुसार‌ जीया चब मीजे प्रार्थना शक्तिशाली मेस्‍ये सोरो हार्‌मन्‍देब काम चेब क्‍यूक्‍क्‍य।

१ पत्रुस 2:5

येशू ख्रीष्‍टने क्‍यूत्‍देबे नमयूये परमेश्‍वरजे खूम्‍ने सेम् पर्‌तेब आत्‍माजे बलि पीनब पवित्र पूस्‍र्‌या क्‍यूरने नमयू सोम्‍बो पत्‍थर्‌यूप्र क्यूत्‍देबे आत्‍माजे मन्‍दिर बन्‍दीलीम् चीक्‍की।

१ यूहन्‍ना 3:22

मेस्‍ये ङीनदे च स्‍य, हम्‍ब ङूदे पीन्‍क्‍य चेनेयलो ङीनदे ङूजे आज्ञायू मन्‍दीय, मेस्‍ये ङूने सेम् पर्‌तेब कामयू चीक्‍क्‍य।

१ यूहन्‍ना 5:14

परमेश्‍वरजे इच्छा अनुसार‌ चनेस्‍यली ङूदे ङीनजे पो ङ्‍यीन्क्य यदेबे ङीनदे परमेश्‍वरने पूरा रूप्‍दे भर् चीक्‍क्‍य।