यूहन्‍ना 14:12 - घले नयाँ करार

¹² “तम्दम्‍ने ङ नमयूने यीय, सूदे ङैने विश्‍वास चीक्‍क्‍य, हम्‍बदे ङैदे चेब कामये चीक्‍क्‍य, मेस्‍ये हम्‍बयली थेप् केन् काम चीक्‍क्‍य, चेनेयलो ङ प ट्‌याने प्रेन ख्यङ्।

यूहन्‍ना 14:12 ပူးပေါင်းရင်းမြစ်များ

मत्ती 21:21

येशूदे थमयूने जवाफ पीन्‍दे, “तम्दम्‍ने, ङ नमयूने यीय, नमयूदे छीत्‍याये शङ्का अन्चील्लाबे विश्‍वास चीत्‍देयलो, अञ्जीरजे तङ्बोने चेप्र त्‍यादी, तर अम्‍ब गङ्ने ‘ल्‍वादेबे समुद्रने तैल्‍ब’ यदेयलो हम्‍बये क्‍यूक्क्‍य।

मर्कूस 11:13

होर्‌दे चीन्तङ्दे अञ्जीरजे लेम् ख्‍यब तोङ्बो तङ्देबे हम्‍ब तोङ्बोने सी लोनीयी च यदेबे येशू हैयाने गीलीदे, मेस्‍ये हैयाने फ्‍योयीब ङूदे तोङ्बोजे लेम् त्‍यामे तङ्दे, चेनेयलो हम्‍ब बीलने अञ्जीर‌जे सी ल्‍वब सेमे अन्क्‍यूर ख्‍य।

मर्कूस 16:17

विश्‍वास चेब मीयूप्रे येर च्‍यूनूयू क्‍यूक्‍क्‍य: थमयूदे ङैजे मीन्‍ने छेत्‌यू मीजे ङ्वदे योन्क्‍य। थमयूदे नोङ्ल्‍या केयूने क्‍यम्‍क्‍य।

यूहन्‍ना 14:28

ङैदे नमयूने ‘ङ अन्-यादे प्रेन ख्यङ्, मेस्‍ये फेरि नमयू ट्‌याने ल्‍वारीय’ यब पो नमयूदे तैक ख्यङ्। नमयूदे ङैने प्रेम चे यलो ङ प ट्‌याने प्रेन ख्यङ् यब पो तदेबे नमयू सोरो तङ ख्यङ्दे, चेनेयलो प ङ यली सोरो केन् ख्यङ्।

यूहन्‍ना 16:7

होर्‌दे ङ नम‍यूने तम्दम् पो यीय, नमयूजे फाइदाजे लागि ङ प्रेन ख्यङ्। ङ अम्‍प्रलो, मोतो पीनब नमयू ट्‌याने रस्‍ये त्‍वो तर ङ प्रलो ङू नमयू ट्‌याने कूल्‍बीय।

यूहन्‍ना 4:37

चेनेयलो त्‍यादे लू थर्‌क्‍य, सूजोदे बली तोल्‍क्‍य, यब वचन अम्‍बने सत्‍य क्‍यूक्‍क्‍य।

यूहन्‍ना 5:20

चेनेयलो पदे चने माया चे ख्यङ्, होर्‌दे रङ्सेदे चीन्‍नब साप्‍ता काम चने तम्‍मीय, अम्‍ब यली सोरो केन्केन् कामयू ङूदे चने चीस्‍ये पीन्‍क्‍य, मेस्‍ये नमयू हार्‌मन्‍दीय।

यूहन्‍ना 7:33

येशूदे यदे, “अझ तेदिन ङ नमयूप्रे क्‍यूक्‍क्‍य, होर्‌देङ्येदे ङैने कूल्‍बेब ट्‌याने ङ प्रीय।

यूहन्‍ना 7:39

तर अम्‍ब पो ङूदे पवित्र आत्माजे बारेने य ख्‍य, अम्‍ब पवित्र आत्मा ङू फ्‍याने विश्‍वास चेबयूदे प्रे मेल्‍न ख्‍य। चेनेयलो पवित्र आत्मा चूजोसेमे अम्‍पीन्‍क ख्‍य, मेस्‍ये येशूजे महिमा चूजोसेमे अन्‍क्‍यूर ख्‍य।

मूल स्यूस्स्यायूजे कामजे किताब 10:46

चेनेयलो सूजो केने क्‍यम्‍देबे हम्‍बयूदे परमेश्‍वरजे सार्‌या चीन्‍नब थमयूदे तदे। होर्‌दे पत्रुसदे यदे,

मूल स्यूस्स्यायूजे कामजे किताब 16:18

ङूदे कूम दिनसेमे येरे चीत्‍दे। होर्‌दे पावलदे झेचेर् रदेबे ङ्येलम् ल्‍वादेबे हम्‍ब दुष्‍ट आत्माने यदे, “येशू ख्रीष्‍टजे मीन्‍ने ङ नने ङूजे ङ्वदे योङ्ब यदेबे आज्ञा चीक्‍क्‍य।” होर्‌दे हम्‍ब दुष्‍ट आत्मा हन्‍छ्वाबने योङ्‍गी।

मूल स्यूस्स्यायूजे कामजे किताब 19:12

अन्‍छ्वासेमे क्‍यूत्‍दे यी रूमाल या टूकू पावलजे ङ्वने छूत्‍देबे नवयू ट्‌याने कूब ख्‍य, मेस्‍ये नवयूजे ङ्वदे बीद तम् क्यूर ख्‍य मेस्‍ये दुष्‍ट आत्माये योङ्ब ख्‍य।

मूल स्यूस्स्यायूजे कामजे किताब 2:33

अम्‍ब कारणदे परमेश्‍वरजे स्येत्‍देयोर्‌दे येशू केन् चीत्‍देबे टूङ्स्ये पीन्‍दे, मेस्‍ये रङ्सेजे कबुल अनुसार ङूने पवित्र आत्मा पीन्‍दे। हम्‍ब पवित्र आत्मा प्रभु येशूदे चूजो ङीन फ्‍याने फम्‍मे ख्यङ्, अम्‍ब नमयूदे चूजो ङ्यीन्‍न ख्यङ् मेस्‍ये तङ्न ख्यङ्।

मूल स्यूस्स्यायूजे कामजे किताब 2:41

होर्‌दे सू-सूदे ङूजे पो मन्‍दीदे थमयूदे बप्‍तिस्मा कीन्‍दे, मेस्‍ये हम्‍ब दिनने थेप्‍प्र: हजार सोम् मीयू थमयूप्रे थप्‍दीरदे।

मूल स्यूस्स्यायूजे कामजे किताब 4:16

“अम्‍ब मीयूने जेम्‍से ङीनदे केर्‌चे? चेनेयलो तम्दम्‍ने थमयूदे हार्‌मन्‍देब काम त्‍या चे ख्यङ् यब पो यरूशलेमने टूङब मीयू क्वादेने तङ्‍क ख्यङ्, मेस्‍ये ङीनदे अम्‍ब पो दी य अन्‍खू।

मूल स्यूस्स्यायूजे कामजे किताब 4:33

हम्‍ब मूल स्यूस्स्यायूदे शक्ति प्रेत्देबे प्रभु येशू सीइदेबे सोम्‍बो क्‍यूरबजे गवाही पीन ख्‍य, मेस्‍ये थमयू क्वाप्रेने केन् अनुग्रह क्यूर ख्‍य।

मूल स्यूस्स्यायूजे कामजे किताब 4:4

तर वचन ङ्‍यीन्‍नयू नङ्ने कूमदे विश्‍वास चीत्‍दे, मेस्‍ये विश्‍वास चेब मीयू धेन्‍ने: हजार ङलाप्र क्‍यूत्‍दे।

मूल स्यूस्स्यायूजे कामजे किताब 5:15

अन्‍छ्वासेमे क्‍यूत्‍दे यी, मीयूदे नवयू लम्-लम्ने रेत्‍दे, मेस्‍ये पत्रुस रब ङूजे ल त्‍या-यलीने थमयू नङ्ने कोइ-कोइ फ्‍याने पर्‌दीस्‍य यदेबे कप-तीकयू मेस्‍ये खर्‌यूने थमयूने ङ्येल्‍देबे येख्‍य।

मूल स्यूस्स्यायूजे कामजे किताब 6:7

परमेश्‍वरजे वचन थेप्थेप् फ्याइ, मेस्‍ये यरूशलेमने स्यूस्स्यायूजे संख्या सोरो कूम क्यूट्‍टदे। पूस्‍र्‌यायू नङ्जे कूमदे अम्ब विश्‍वासने ग्रहण चीत्‍दे।

मूल स्यूस्स्यायूजे कामजे किताब 8:7

चेनेयलो अशुद्ध आत्मायू लादीकब कूम मीट्‍यादे के योन्देबे पारा पूदेपूदे हम्ब योङ्बीन ख्य, मेस्‍ये पक्षाघातजे कूम नवयू मेस्‍ये खोन्ड्‍याल्यायूये तम् चीम्‍मीदे।

मूल स्यूस्स्यायूजे कामजे किताब 9:34

पत्रुसदे ङूने यदे, “ओ एनियास, येशू ख्रीष्‍टदे नने तम् चीम्‍मीय। लङ्देबे नैजे कप-तीक मील्‍ली।” होर्‌दे ङू छाट्‍टे लङ्दे।

मूल स्यूस्स्यायूजे कामजे किताब 9:40

तर पत्रुसदे थमयू क्वानेने फीने कूल्‍बीदेबे पूजी च्वोदेबे प्रार्थना चीत्‍दे, मेस्‍ये हम्‍ब लासतेले लेत्‍देबे यदे, “तबीता, लङ्!” होर्‌दे ङूदे म्‍या पूक्‍ब पत्रुसने तङ्दे मेस्ये लङ्देबे टूङ्दे।

रोमी 15:19

अम्‍ब काम ङैदे च्यूनूयू मेस्‍ये हार्‌मन्‍देब कामयूजे मेस्‍ये पवित्र आत्माजे शक्तिदे चेख्यङ्। येर्‌बे यरूशलेमदेमेस्‍ये इल्लुरिकनसेमे ङैदे ख्रीष्‍टजे सूगब खबर बेस्से चेलाबे स्‍योक्‍क ख्यङ्।