यूहन्‍ना 13:21 - घले नयाँ करार

²¹ अम्‍ब पो येक जेनमेस्‍ये येशूजे सेम् ठोदे मेस्‍ये चेलाबे येमीदे, “तम्दम्ने ङ नमयूने यीय, नमयू नङ्जे त्‍यादे ङैने ङ्येप्‍से पीन्‍क्‍य।”

यूहन्‍ना 13:21 ပူးပေါင်းရင်းမြစ်များ

मत्ती 26:21

थमयू चेन बीलने येशूदे यदे, “तम्दम्‍ने, ङ नमयूने यीय, नमयू नङ्ने त्‍यादे ङैने चूङ्स्‍ये पीन्क्‍य।”

मत्ती 26:38

होर्‌दे येशूदे थमयूने यदे, “ङैजे प्राण सोरो पीर्‌पर्‌दीदेबे सीयेप्र क्‍यून्‍न ख्यङ्। नमयू अन्-यानेने टूङ्, मेस्‍ये ङैप्रे मून् जाग्‍ती।”

मर्कूस 14:18

थमयू भत्यार्‌ चेनूब येशूदे यदे, “तम्दम् पो ङ नमयूने यीय, नमयू नङ्ने ङैप्रे चैनब त्‍यादे ङैने धोका पीन्क्‍य।”

मर्कूस 3:5

येशूदे थमयूजे सेम्ने अन्ज्‍य मन्‍नब था प्रेत्‍देबे सेम् सोरो नदे, मेस्‍ये छीलङ्देबे ङूदे थमयू क्‍वानेने लेत्‍दे, होर्‌दे हम्‍ब ला खरेब मीने यदे, “नैजे ला फ्रेत्‍दे ची!” ङूदे ला फ्रेत्‍दे चीत्‍दे मेस्‍ये तम् क्‍यूरी।

यूहन्‍ना 11:33

कन्‍छ्वाब येशूदे मरियाम मेस्‍ये ङूप्रे रब यहूदीयूये ङूनब तङ्दे, हन्‍छ्वाब येशूजे सेम् ठोदे होर्‌दे सोरो अन्सूग क्‍यूत्‍दे।

यूहन्‍ना 11:35

येशू ङूदे।

यूहन्‍ना 11:38

होर्‌दे येशूजे सेम् फेरि ठोदेबे खङ्सने गीलीदे। पूक् त्‍याने अम्‍ब खङ्स ख्‍य मेस्‍ये अम्‍बजे ल लूङ्त्‍यादे चेये ख्‍य।

यूहन्‍ना 12:27

“जेम्‍से ङैजे सेम् सोरो ठ्व ख्यङ्, मेस्‍ये ङैने था त्‍वो ङ च य स्व? ‘ओ प, ङै फ्‍याने रमेल्‍नब अम्‍ब सकस् हर्‌दीमी यदेबे य औ?’ दी तर अम्‍ब सकस् प्‍लेनेके ङ अनेसेमे फ्‍योर ख्यङ्।

यूहन्‍ना 13:18

“ङैदे येनब पो नमयू क्‍वानेने य दी, ङैदे सूने सेल ख्‍य ङूने ङैदे स्‍ये ख्यङ्। तर धर्मशास्त्र पूरा क्‍यूस्‍स्‍य यदेबे अम्‍ब क्‍यूत्‍दे, यी ङैप्रेने क्यङ् चबदे ङैफ्‍यानेने रङ्सेजे त्‍वाक्‍के लङ्दे।”

यूहन्‍ना 13:2

होर्‌दे नूस्‍यूङ्जे कङ् च बीलने शैतानदे सिमोनजे च यहूदा इस्करियोतने येशू ङ्येप्‍से पीनब सेम् खूम्‍ने पूमीक ख्‍य।

यूहन्‍ना 13:22

ङूदे सूजे बारेने पो चे यी यदेबे स्यूस्स्यायू आ थोम्‍दे मेस्‍ये त्‍यादे त्‍याने तीले-छोले चीत्‍दे।

मूल स्यूस्स्यायूजे कामजे किताब 17:16

पावलदे एथेन्‍स सहरने सिलास मेस्‍ये तिमोथीने रेन्‍नूब हम्‍ब सहरने मूर्तियू कूम फ्‍यानब तङ्देबे ङूजे सेम् ठोदे।

१ यूहन्‍ना 2:19

थमयू ङीनट्‍यादे योङ्देबे गीली, चेनेयलो थमयू ङीनजे ते ख्‍य। कादेये थमयू ङीनजे यलो थमयू ङीनप्रेने टूङख्यङ्दे, तर थमयू क्‍वाने ङीनजे ते टूङ् यब पो तम्‍मेने थमयू योङ्देबे गीले ख्यङ्।