यूहन्‍ना 13:14 - घले नयाँ करार

¹⁴ कादेये ङ नमयूजे प्रभुप्रे गुरु क्‍यूत्‍देबेये नमयूजे तोप् ठूमे ख्यङ् यलो नमयूदेये त्‍यादे त्‍याजे तोप् ठ्व पर्‌दीय,

यूहन्‍ना 13:14 ပူးပေါင်းရင်းမြစ်များ

यूहन्‍ना 11:2

प्रभुने अत्तर छेल्‍मीदेबे रङ्सेजे ट फूदे ङूजे तोप् फील्‍मेब मरियाम अम्‍बने ख्‍य। अम्‍ब मरियमजे च्‍योन् लाजरस नेन ख्‍य।

मूल स्यूस्स्यायूजे कामजे किताब 20:35

ङैदे साप्‍ता पोने नमयूने नमूना पीन ख्यङ्, नमयूदेये येर्‌बेने बोङ्बे काम फर्‌देबे बोङ् त्‍वब मीयूने तोङ्मे पर्‌दीय। प्रभु येशूजे वचन ह्‍वे ची, केरे ङू रङ्सेदेने य ख्यङ्, “यी कीन यली पीनबदे अझ असी प्रेक्‍क्‍य।”

रोमी 12:10

रङ्से अत च्‍योनने चेब प्रेमप्र त्‍यादे त्‍याने प्रेम ची। रङ्सेने यली सूजोजे गेसेन् ची।

रोमी 12:16

क्‍वाप्रे थून्‍देबे टूङ्। केन् अन्‍तोल्‍लाची, तर चीद क्‍यूत्‍देबे खोत्‍ताप्रेने ज्‍य ब्यवहरा ची, होर्‌दे रङ्सेत्‍या कूम स्‍ये अन्‍तोल्‍लाची।

१ कोरिन्थी 12:3

परमेश्‍वरजे आत्मादे च्‍योल्‍देबे क्‍यमब सूमीदेये “येशूने श्राप टस्‍य” अन्‌-य, होर्‌दे पवित्र आत्मादे च्‍योल्‍देबेत्‍यामे “येशूब प्रभु ख्यङ्” य खूइय, येरेक्‍यूत्‍देबे अम्‍ब पो नमयूदे स्‍येस्‍य मन ख्यङ्।

१ कोरिन्थी 8:13

येरेक्‍यूत्‍देबे ङैदे चब चसेदे ङैजे अत च्योन पापने पर्‌तीबीय यलो ङ कलङ्बेये स्‍य अन्‍च, नत्र ङैदे रङ्से अत अची-च्योन्‌यूने पापने नाश क्‍यूस्‍से पीन्‍क्‍य।

२ कोरिन्थी 10:1

ङ पावल, नमयूजे खूम्‍ने क्‍यूप्‍प सोरो चीद क्‍यूक्‍क्‍य, तर चीन्‍तङ् क्‍यूप्‍प नमयूजे लागि सेम्ने आँट रीय। ख्रीष्‍टने ख्‍यब चीद क्‍यूरब मेस्‍ये ङ्येमब सेम्दे ङ नमयूने बिन्‍ती चीक्‍क्‍य।

२ कोरिन्थी 8:9

चेनेयलो ङीनजे प्रभु येशू ख्रीष्‍टजे अनुग्रह नमयूदे स्‍ये ख्यङ्, ङू फ्योबो ख्यङ्लीने नमयूजे लागि दूख्‍प्रे क्‍यूत्‍दे, होरदे ङू दूख्‍प्रे क्‍यूरब काम‍दे नमयू फ्‍योबो क्‍यूर खूस्‍स्‍य।

गलाती 5:13

अत-अची च्योन्‌यू, नमयूब स्वतन्त्र क्यूरने क्‍व ख्यङ्। हम्ब स्वतन्त्रने पाप चेब स्वभावजे लागि चील्‍लेब अन्क्यूस्स्य। तर नमयू प्रेमने त्‍यादे त्‍याजे सेवा चेब क्यूर्।

फिलिप्पी 2:11

मेस्‍ये प परमेश्‍वरने महिमा पीनजे लागि क्‍वाजे ङूर्‌‌दे येशू ख्रीष्‍ट प्रभु ख्यङ् यदेबे स्वीकार चे पर्‌तीय।

१ तिमोथी 5:10

अम्‍ब प्रेने ङूदे ज्‍य काम चेब, च-चीमीने चेलाबे छर्‌कब, ङ्योव-डोम्‍बयूने गेसेन् चीस्‍से रब, होर्‌दे परमेश्‍वरजे पवित्र मीयूजे तोप् ठूदेबे सेवा चीक्‍कब मेस्‍ये दूख्‍प्रेयूने तोङ्मीकब मेस्ये येरप्रने ज्‍य कामयू चेने सेम् चीन्‍नब यदेबे गवाही क्‍यूर पर्‌दीय।

हिब्रू 12:2

ङीनजे विश्‍वासने सुरु मेस्‍ये पूरा चीम्‍मेब येशूने लेन्‍नूदे, ङूजे खूम्‍ने हीम्‍मेब आनन्दजे लागि न प्‍वेब पोने चैत्‍याये अम्‍मन्‍लाबे ङूदे क्रूसजे सकस् भोक्‍तीदे, मेस्‍ये परमेश्‍वर देन् छ्‍यानब सिंहासनजे स्येत्‍देयोर्‌ देन् छ्‌यान ख्यङ्।

१ पत्रुस 4:1

ख्रीष्‍टदे रङ्से ङ्वने केर्‌बे सकस् भोक्‍तीदे होरप्रने नमयूदेये दु:ख भोक्‍तेब सेम् ची, चेनेयलो सूदे रङ्से ङ्वने दु:ख भोक्‍तीक ख्यङ्, हम्‍बदे पापजे कामयू चेने क्‍याबेब क्‍यूक्‍क्‍य।

१ पत्रुस 5:5

येरप्रने चम्‍च-स्‍योर्‌बयू, रङ्से यली केन् मीयूजे हक नङ्ने टूङ्। त्‍यादे त्‍याजे हक नङ्ने टूङ्दे नमयू क्‍वाने स्यूलूक्कै क्‍यूत्‍देबे टोङ्। चेनेयलो, “परमेश्‍वरदे केन्-त्‍वेब मीयूजे विरोध चीक्‍क्‍य, तर स्यूलूक्कै क्‍यूरब मीयूने अनुग्रह चीक्‍क्‍य।”