यूहन्‍ना 12:25 - घले नयाँ करार

²⁵ रङ्सेजे प्राणने माया चेब मीदे हम्‍ब मल्‍गीय, तर अम्‍ब संसारने टूङ्दा रङ्से प्राणने ह्‍यल चेब मीदे कलङ्बेये अन्सीबब जीयाप्रेने रङ्से प्राण जूक्‍तीदे येक्‍क्‍य।

यूहन्‍ना 12:25 ပူးပေါင်းရင်းမြစ်များ

मत्ती 10:39

सूदे रङ्से प्राण जूक्‍तेमेय, हम्‍ब मीदे ङूजे प्राण प्रेस्‍स्‍ये त्वो, मेस्‍ये ङैजे लागि रङ्से प्राण पीनब मीदे ङूजे रङ्से प्राण जूक्‍तीय।

मत्ती 16:25

चेनेयलो सूदे रङ्से प्राण जूक्‍ते मेब सेम् चीक्क्‍य, ङूदे हम्‍ब अम्‍प्रे क्‍यूक्क्‍य, तर ङैजे लागि सूदे रङ्से प्राण पीन्‍क्‍य, ङूदे हम्‍ब प्रेक्क्‍य।

मत्ती 19:29

ङैजे लागि सू-सूदे रङ्से कीम्, अत-च्‍योन या च-चीमी या प-म या स-क्‍यू पोङ्ये ख्यङ्, हम्‍बदे सैत्‍या गुणा थेप् प्रेक्‍क्‍य, मेस्‍ये कलङ्बेये अन्सीबब जीयाजे हक प्रेक्क्‍य।

मर्कूस 8:35

चेनेयलो रङ्सेजे जीया जूक्‍तेमेब सेम् चेब मीदे जीया अम्‍प्रे, तर रङ्से प्राण ङैजे लागि मेस्‍ये सूगब खबरजे लागि पीनब मीदे जीया प्रेक्‍क्‍य।

लूका 14:26

“सू ङैट्‌याने रीय, मेस्‍ये रङ्से प-म, मज, च-चीमीयू मेस्‍ये अत, अजी-च्‍योन्‌यूने मेस्‍ये रङ्से प्राणनेये ह्‍यल चे अन्‍खूलो, हम्‍ब ङैजे स्यूस्स्या क्‍यूर अन्‍खू।

लूका 17:33

सूदे रङ्से प्राण जोग्‍दे मेय, ङूदे हम्‍ब मल्‍गीय, मेस्‍ये सूदे रङ्से प्राण अन्‍जूक्‍दी, ङूदे हम्‍ब जूक्‍तीदे येक्‍क्‍य।

मूल स्यूस्स्यायूजे कामजे किताब 20:24

तर ङैजे रङ्से जीयाजे चैये ख्याल् अन्‍ची, मेस्‍ये ङ रङ्सेने माया अन्‍चील्‍लाबे रदे। परमेश्‍वरजे अनुग्रहदे सूगब खबरजे गवाही पीनने प्रब ङैजे काम मेस्ये प्रभु येशूदे पीनब ङैजे जिम्मा ङैदे पूरा चे खूस्‍य यदेबे, अन्छूत्यात्या मन ख्यङ्।

मूल स्यूस्स्यायूजे कामजे किताब 21:13

तर पावलदे जवाफ पीन्‍दे, “नमयू येर्‌बे ङूदेबे ङैजे सेम् चैने ङूसे पीन स्व? चेनेयलो प्रभु येशूजे मीन्‍जे कारण कैद प्रपर्‌देत्‍या दी, तर यरूशलेमने सीबनेये ङ तयार ख्यङ्।”

हिब्रू 11:35

विश्‍वास चीत्‍देबेने मदीयूदे रङ्सेजे सीयेब मीयू फेरि सोम्‍बो क्‍यूरब तङ-प्रेत्‍दे। कोइ मीयूब सीब ङ्‍येदे झन् थेप् ज्‍य जीया प्रेने सीब पर्‌तीली छूर्‌दीदेबे र-अन्ङ्‍यीन् बरू सकस् भोक्‍तीनूदे।

प्रकाश 12:11

थुमाजे का मेस्‍ये परमेश्‍वरजे वचन अनुसार रङ्सेदे गवाही पीन्‍देबे थमयूदे शैतान फ्‍याने ट्‌याप्रे ख्यङ्, मेस्‍ये सीब पर्‌दीलीने थमयूदे रङ्से ज्‍यानजे माया अन्‍ची।