यूहन्‍ना 12:20 - घले नयाँ करार

²⁰ दीन्बर क्‍यूप्‍प परमेश्‍वर पूस्‍तेने प्रबयू नङ्ने कोइ कोइ ब ग्रीकयूये ख्‍य।

यूहन्‍ना 12:20 ပူးပေါင်းရင်းမြစ်များ

मर्कूस 7:26

हम्‍ब मदी सिरियाजे फोनिकेने जन्मेदेब ग्रीक मदी ख्‍य। हम्‍ब मदीदे ङूजे चीमीजे नङ्ने ख्‍यब छेत् फीने योम्‍बी यदेबे येशूने बिन्‍ती चीत्‍दे।

यूहन्‍ना 12:1

निस्‍तार-दीन्बर यली र्‌वायाखूम् येशू बेथानियाने रदे। सीये ङ्येदेये येशूदे सोम्‍बो चीम्‍मेब लाजरस हम्‍ब नेने टूङ ख्‍य।

यूहन्‍ना 12:19

हन्‍छ्वाब फरिसीयू त्‍यादे त्‍याने यदे, “ले, ङीनयूदे चैये चे अङ्‍खू। ले-ले, संसारजे मीयू क्‍वाने ङूजे ङ्‍ये-ङ्‍ये प्र क्‍यूरी!”

यूहन्‍ना 7:35

होर्‌दे यहूदीयू त्‍यादे त्‍याने यदे, “अम्‍ब मी कने प्र मेदे, मेस्‍ये ङीनदे ङूने त्‍व-अन्खू य? अम्‍ब ग्रीकयूजे अन्द्रदे स्‍वा-स्‍वा थर्‌देबे टूनब यहूदीयू ट्‌याने प्रदेबे ग्रीकयूने शिक्षा पीनब सेम् चे औ?

मूल स्यूस्स्यायूजे कामजे किताब 14:1

आइकोनियनने पावलप्रे बारनाबास प्रेप्रेने यहूदीयूजे सभा-कीम्‍ने क्‍योइदेबे येर तर्‌तीप्दे क्‍यम्‍दे यी होने ख्‍यब यहूदीयू प्रे ग्रीक मीयूजे केन् हुल‍दे विश्‍वास चीत्‍दे।

मूल स्यूस्स्यायूजे कामजे किताब 16:1

पावल डर्बी मेस्ये लुस्त्रानेये रदे। हैयाने तिमोथी यब स्यूस्स्या त्‍या ख्‍य। ङू विश्‍वासी यहूदी मदी त्‍याजे च ख्‍य, तर ङूजे प ग्रीक ख्‍य।

मूल स्यूस्स्यायूजे कामजे किताब 17:4

थमयू नङ्जे कोलाप्र मीदे विश्‍वास चीत्‍देबे पावल मेस्‍ये सिलासतेले लादीदे। ईश्वरने मन्‍देब सोरो कूम ग्रीकयू मेस्‍ये कोलाप्र मूख्‍य मदीयूये थमयूतेले लादे ख्‍य।

मूल स्यूस्स्यायूजे कामजे किताब 20:21

यहूदीयूदे मेस्‍ये ग्रीकयूदे पश्‍चात्ताप चीत्‍देबे परमेश्‍वरतेले ल्‍वरस्‍य मेस्‍ये ङीनजे प्रभु येशू ख्रीष्‍ट फ्‍याने विश्‍वास चीस्‍स्‍य यदेबे ङैदे गवाही पीने ख्यङ्।

मूल स्यूस्स्यायूजे कामजे किताब 21:28

थमयूदे येरे यदेबे पारा पूत्‍दे, “इस्राएलजे मीयू, तोङ्मी! मीयूने का-मुलुकने ङीनजे जात मेस्ये ङीनजे मोशाजे नियम मेस्‍ये अम्‍ब नेजे विरुद्धने शिक्षा पीन्‍देबे प्रब मी ङू ख्यङ्। अन्‍छ्वात्‍या दीलाबे, अम्‍बदे ग्रीकयूनेये मन्दिर नङ्ने रेत्‍देबे अम्ब पवित्र नेने अशुद्ध चीक्क ख्यङ्।”

मूल स्यूस्स्यायूजे कामजे किताब 8:27

होर्‌दे फिलिप लङ्दे गीलीब इथियोपियाजे नपुंसक मी त्‍या तूदे, ङू इथियोपिया देशजे मूरूम् मदी कन्‍दाकीजे मी केन् मेस्‍ये सीर-सम्पत्तिजे हीसाब-किताब क्वाने लेब मी ख्‍य। ङू यरूशलेमजे मन्दिरने परमेश्‍वर पूस्‍तेने गीले ख्‍य।

रोमी 1:16

ङ अम्‍ब सूगब खबर स्‍य्‍वेने अन्‍त्‍वा। विश्‍वास चेबयू नङ्ने पात्‍ता खूम् यहूदी होर्‌दे यहूदी तेब मीयूजे लागिये अम्‍ब मुक्ति पीनब परमेश्‍वरजे शक्ति ख्यङ्।

रोमी 10:12

चेनेयलो यहूदी मेस्‍ये यहूदी तेब मीने चेत्‍याये फरक त्‍वो। क्‍वाजेने परमेश्‍वर तीत्‍यात्‍या ख्यङ्, मेस्‍ये ङूने गोमब क्‍वाने ङूदे बेस्‍से असी पीन्क्‍य।

गलाती 2:3

तर ङैप्रे ख्‍यब तीतस ग्रीक मी क्‍यूल्‍लीने खतना चेपर्‌तीय यदेबे सूदेये कर् अन्‍चङ्।

गलाती 3:28

जेम्से यहूदी, ग्रीक, त्वो-त्वोम, स्वतन्त्र, पती मेस्‍ये मदी सूनेयली नमयू क्‍वाने ख्रीष्‍ट येशूने त्‍या क्‍यूर ख्यङ्।

कलस्सी 3:11

अने ग्रीक मेस्‍ये यहूदी, या खतना चीक्‍कब या अन्चीक्‍कब, अछ्‌य्‍वेब, नेपङ्‍गी, त्वो मेस्‍ये स्वतन्त्र ख्यब सूनेये साक्‍पूजा अन्क्‍यूर्‌, तर साप्‍ता थोक‍ने मेस्‍ये साप्‍ता कूरूप्रेने ख्रीष्‍ट ख्यङ्।