16 ङूजे स्यूस्स्यायूदे अम्ब पोयू हन्छ्वाब अङ्को। तर येशू स्वर्गजे महिमाने गीले ङ्येदे अम्ब पोयू येशूजे बारेने लिख्दीये टूङ् मेस्ये अम्ब काम थमयूदे ङूजे लागि चे टूङ् यदेबे स्यूस्स्यायूदे ह्वेरदे।
प्रभु येशू स्यूस्स्यायूप्रे बात्से जेनङ्येदे ङू स्वर्गने कूदीदे मेस्ये परमेश्वरजे स्येत्तेयोर्दे टून ख्यङ्।
तर येशूदे यब अम्ब पो थमयूदे अङ्को, मेस्ये ङूप्रे ल्वेने फदे।
तर स्यूस्स्यायूदे अम्ब यब पोयू चेत्याये अङ्को। थमयूजे लागि अम्ब पो नङ्सू हीत्दे, होर्दे अम्ब यब पो थमयूजे बुद्धिदे ह्वे चेअन्खू।
येशूदे थमयूने यदे, “ओ पो अङ्क्वब मीयू, अगमवक्तायूदे यब पोयूने विश्वास चेने नमयूजे सेम् चेने सोरो लोसो क्यूर!
होर्दे येशूदे थमयूने धर्मशास्त्रजे पो क्वब बुद्धि खूल्लीमीदे।
तर थमयूदे अम्ब पो अङ्को। चेनेयलो थमयूदे अम्ब पो अङ्कोस्य यदेबे थमयू ट्यादे नङ्सू हीते ख्य। थमयू अम्बजे बारेने ङूने ल्वेने फ ख्य।
येशूदे थमयूने यदे, “मीजे चजे महिमा क्यूरब बील फ्योर ख्यङ्।
तर पदे ङैजे मीन्ने मोतो पीनब, या पवित्र आत्मा कूल्बीय, ङूदे साप्ता पो नमयूने लोम्मीय, मेस्ये ङैदे नमयूने येयेब साप्ता पो नमयूने ह्वेरलाबे चीम्मीय।
तर अम्ब पो ङैदे नमयूने स्य्वे ख्यङ्, कन्छ्वाब हम्ब सेमे रीय, हन्छ्वाब नमयूने च येये ख्य हम्ब नमयूदे ह्वेरीय, मीयूङ् खूम्ने ङैदे अम्ब पो नमयूने अन्-य, चेनेयलो ङ नमयूप्रे ख्य।
जेम्से ओ पाइ, संसार सृष्टि क्यूर यली खूम् नैजे खूम्ने ङैजे कर महिमा ख्य, ङैने नेप्रे येत्देबे हम्ब महिमा पीम्मी।
कन्छ्वाब येशू सीइदेबे फेरि सोम्बो क्यूत्देबे लङ्दे, हन्छ्वाब येशूदे येयेब अम्ब पो स्यूस्स्यायूदे ह्वेरदे, मेस्ये थमयूदे धर्मशास्त्रने मेस्ये येशूदे क्यमब वचनने विश्वास चीत्दे।
तर अम्ब पो ङूदे पवित्र आत्माजे बारेने य ख्य, अम्ब पवित्र आत्मा ङू फ्याने विश्वास चेबयूदे प्रे मेल्न ख्य। चेनेयलो पवित्र आत्मा चूजोसेमे अम्पीन्क ख्य, मेस्ये येशूजे महिमा चूजोसेमे अन्क्यूर ख्य।
अम्ब कारणदे परमेश्वरजे स्येत्देयोर्दे येशू केन् चीत्देबे टूङ्स्ये पीन्दे, मेस्ये रङ्सेजे कबुल अनुसार ङूने पवित्र आत्मा पीन्दे। हम्ब पवित्र आत्मा प्रभु येशूदे चूजो ङीन फ्याने फम्मे ख्यङ्, अम्ब नमयूदे चूजो ङ्यीन्न ख्यङ् मेस्ये तङ्न ख्यङ्।
“होरेक्यूत्देबे इस्राएलजे मीयू टक्कदेने अम्ब पक्क स्येस्य, येशू, ङूने नमयूदे क्रूसने खील् ठोक्दीदेबे पील्दे, परमेश्वरदे ङूने प्रभु मेस्ये ख्रीष्ट बन्दीदे।”
ङीनजे तङ्बोजे मेमे अब्राहाम, इसहाक मेस्ये याकूबजे परमेश्वरदे रङ्सेजे सेवा चेब येशूने महिमित चीत्दे, ङूने नमयूदे चूङ्स्ये पीन्दे। पिलातसदे ङूने क्याबे मेलीने नमयूदे ङूजे खूम्देने अन्क्यूर् यदे।
ङीनजे विश्वासने सुरु मेस्ये पूरा चीम्मेब येशूने लेन्नूदे, ङूजे खूम्ने हीम्मेब आनन्दजे लागि न प्वेब पोने चैत्याये अम्मन्लाबे ङूदे क्रूसजे सकस् भोक्तीदे, मेस्ये परमेश्वर देन् छ्यानब सिंहासनजे स्येत्देयोर् देन् छ्यान ख्यङ्।
जेम्से ङीदे यमेब पो अम्बने ख्यङ्: ङीनजे येर पात्ता केन् पूस्र्या ख्यङ्, ङूब स्वर्गने टूङब पात्ता केन् परमेश्वजे सिंहासनजे स्येत्देयोर्ने देन् छ्यान ख्यङ्।