यूहन्‍ना 11:51 - घले नयाँ करार

⁵¹ अम्‍ब ङूजे रङ्सेजे तर्फदे य ते ख्‍य, तर हम्‍ब वर्षजे पात्‍ता केन् पूस्‍र्‌या ख्‍य, होरेक्‍यूत्‍देबे देशजे लागि येशू सीब पर्‌दे ख्यङ् यदेबे अगमवाणी क्‍यम्क ख्यङ्।

यूहन्‍ना 11:51 ပူးပေါင်းရင်းမြစ်များ

मत्ती 20:28

केर्‌बे मीजे चये सेवा प्रेस्‍ये यदेबे रदी, तर सेवा चीत्‍देबे कूम पापीयूजे पाप छूर्‌देमेजे लागि रङ्सेजे प्राण पीनने रदे।”

यूहन्‍ना 10:15

केर्‌बे पदे ङैने स्‍ये ख्यङ्, ङैदेये पने स्‍ये ख्यङ्, होर्‌दे ङ ङैजे स्वान्‌यूजे लागि ङैजे रङ्से ङ्वये पीन्‍क्‍य।

यूहन्‍ना 11:49

तर थमयू नङ्ने कैयाफा यब मी त्‍या ख्‍य, ङू हम्‍ब वर्षजे पात्‍ता केन् पूस्‍र्‌या ख्‍य, ङूदे थमयूने यदे, “नमयू चैये अन्‍स्‍ये ख्यङ्!

यूहन्‍ना 18:13

थमयूदे पात्‍ता खूम् ङूने हन्‍नास ट्‌याने कूदीदे, ङू हम्‍ब बर्षजे पात्‍ता नङ्ने केन् पूस्‍र्‌या कैयाफाजे कीन् ख्‍य।

१ कोरिन्थी 13:2

ङैप्रे अगमवाणी क्‍यम ख्‍वब शक्ति ख्यङ्स्ये, मेस्‍ये क्‍व अङ्ख्‍वब नङ्सू पोयू, साप्‍ता थर्‌जे ज्ञानयूये क्‍व खूस्ये, होर्‌दे केन् गङ्यूने हर्‍दे ख्‍वबसेमेजे पूरा विश्‍वास ङैप्रे ख्यङ्लीने, ङैजे सेम्ने प्रेम त्‍वोदेयलो ङ चैत्‍याये दी।

२ कोरिन्थी 5:21

चेनेयलो ङीन ख्रीष्‍टप्रे क्‍यूत्‍देबे परमेश्‍वरजे खूम्ने धर्मी ठर्‌ते खूस्‍य यदेबे पापने अन्‍स्‍येब ख्रीष्‍टने परमेश्‍वरदे ङीनजे पापजे बलि क्यूस्से पीन्‍दे।

गलाती 3:13

ङीनदे प्रे पर्‌देब श्राप ख्रीष्‍टदे प्‍लेत्‍दे मेस्‍ये मोशाजे नियम अनुसार प्रे पर्‌तेब श्रापदे ङीनने छूर्‌दीमीदे, चेनेयलो “तोङ्बोने पीलब क्‍वाने श्राप प्रेब क्‍यूक्‍क्‍य” यदेबे धर्मशास्‍त्रने लिख्दीये ख्यङ्।

१ पत्रुस 2:24

पापजे लागि ङीन सीबदेबे धार्मिकताजे लागि जीया चखूस्‍य यदेबे ख्रीष्‍टदे ङीनजे पाप रङ्से ङ्वने प्‍लेत्‍देबे क्रूसने पील्‍दे। ङूदे प्रेब कष्‍‍‍टजे मयूदे नमयू तम् क्‍यूत्‍दे।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ यूहन्‍ना 2:2

ङीनजे पाप क्षमा चेजे लागि येशू ख्रीष्‍ट बलि क्‍यूत्‍दे, मेस्‍ये ङीनजे लागित्‍या दी, तर मुलुकभरी ख्‍यब मीयूजे लागिये पापजे बलि क्‍यूत्‍दे।