यूहन्‍ना 11:42 - घले नयाँ करार

⁴² नदे ङैजे बिन्ती येतार्‌ने ङ्‍यीन्क्य यदेबे ङैदे स्‍ये ख्यङ्। तर येने मेर्‌नब मी हुल‍जे लागि ङैदे अम्‍ब य ख्‍य, यी नदे ङैने कूल्‍बे ख्यङ् यदेबे अम्‍बयूदे विश्‍वास चीस्‍स्‍य।”

यूहन्‍ना 11:42 ပူးပေါင်းရင်းမြစ်များ

मत्ती 26:53

न च मैन, च ङ रङ्से पने बिन्ती चीत्‍देयलो, मेस्‍ये ङूदे तुरुन्तै स्वर्ग दूतयू बाह्र पल्‍टनयली थेप् ङैजे लागि कूल्‍बे अन्ख्‍वया?

यूहन्‍ना 11:22

तर चूजोये ङैने था ख्यङ्, नदे परमेश्‍वरप्रे च स्‍येय, परमेश्‍वरदे नने पीन्‍क्‍य।”

यूहन्‍ना 11:31

सेम् येम्मेने कीम्‍ने रब यहूदीयूदे मरियम ग्वे लङ्दे फीने गीलेब तङ्देबे ङू खङ्सने ङ्वने गीलेस्‍ये मन्‍देबे थमयू ङूजे ङ्‍ये-ङ्‍ये गीलीदे।

यूहन्‍ना 11:43

होर्‌दे अम्‍ब पो येक जेनमेस्‍ये ङूदे के केन् योन्‍देबे यदे, “लाजरस, फीने योङ्‍ख।”

यूहन्‍ना 12:11

चेनेयलो लाजरस सीइदेबे फेरि सोम्‍बो क्‍यूरबदे यहूदीयू नङ्जे कूम स्‍यादेबे गीलीब यहूदीयूदे येशू फ्‍याने विश्‍वास चेमे ख्‍य।

यूहन्‍ना 12:17

ङूदे सीयेब लाजरसने खङ्सदे कोदेबे सोम्‍बो चीप्‍प ङूप्रे ख्‍यब मीयू हुल‍दे येशूजे गवाही पीन्‍नूदे।

यूहन्‍ना 17:21

होर्‌दे थमयू क्‍वाने त्‍या क्‍यूस्‍स्‍य। ओ पाइ, न केर्‌बे ङैप्रे ख्यङ्, मेस्‍ये ङैये नैप्रे ख्यङ्, होरप्रने थमयूये ङीनप्रे क्यूस्स्य, मेस्‍ये नदे ङैने कूल्‍बे ख्यङ् यदेबे संसारदे विश्‍वास चीस्‍स्‍य।

यूहन्‍ना 17:25

“धार्मिक प, संसारदे नने अन्‍स्‍ये, तर ङैदे नने स्‍ये ख्यङ्, होर्‌दे नदे ङैने कूल्‍बे ख्यङ् यदेबे अम्‍बयूदेये स्‍ये ख्यङ्।

यूहन्‍ना 17:8

चेनेयलो कम्ब पो नदे ङैने पीन्‍दे, हम्‍ब पो ङैदे थमयूने पीन ख्यङ्, मेस्‍ये थमयूदे अम्ब मन्‍दे ख्यङ्। नदे कूल्‍बीदेबे ङ र ख्यङ् यब पो थमयूदे पक्‍कने कोक ख्यङ्, होर्‌दे नदे ङैने कूल्‍बे ख्यङ् यदेबे थमयूदे विश्‍वास चे ख्यङ्।

यूहन्‍ना 20:31

तर येर लिख्दीये ख्यङ्, यी नमयूदे येशू परमेश्‍वरजे च मुक्ति पीनब ख्रीष्‍ट ख्यङ् यदेबे विश्‍वास ची, मेस्‍ये विश्‍वास चेबदे ङूजे मीन्‍ने नमयूदे जीया प्रेस्‍स्‍य।

यूहन्‍ना 3:17

परमेश्‍वरदे रङ्से तीत्‍या चने संसारजे मीयूने दोष लैदेने दी, तर थमयूने बच्‍दीमेने कूल्‍बे ख्यङ्।

यूहन्‍ना 8:16

ङैदे न्याय चीत्‍दे यलो, ङैजे न्याय सत्य ठर्‌दीय। चेनेयलो न्याय चेब ङ तीत्‍या त्‍वो, तर ङ ख्यङ्, मेस्‍ये ङैने कूल्‍बेब प ख्यङ्।

यूहन्‍ना 8:29

ङैने कूल्‍बेब ङैप्रे ख्यङ्। ङूदे ङ त्‍याने अम्‍पोङ्ये ख्यङ्, चेनेयलो ङ येतार्‌ने ङूने सूग्‍लाबे चेब काम चीक्‍क्‍य।”

यूहन्‍ना 8:42

येशूदे थमयूने यदे, “नमयूजे पब परमेश्‍वर यलो नमयूदे ङैने प्रेम चे ख्यङ्दे, चेनेयलो ङ परमेश्‍वरदे कूल्‍बेब क्‍यूत्‍देबे चूजो यैयाने ख्यङ्। ङ रङ्सेजे इच्छादे र दी, तर ङूदे ङैने कूल्‍बे ख्यङ्।

रोमी 8:3

पापी स्‍वभावदे मीने कमजोर चेब क्यूत्देबे मोशाजे नियमदे च चे अङ्‍खू हम्ब परमेश्‍वरदे चीम्‍मीदे। परमेश्‍वरदे रङ्से चने ङीन्‍जे ङ्वप्रेने ङीनजे पापजे लागि बलि क्‍यूरने कूल्‍बीदे येर्‌बे ङीन फ्‍याने राज्‍य चेब पापी स्वभावने नाश चीप्‍पीदे।

गलाती 4:4

तर बील फ्‍योरीकमेस्‍ये परमेश्‍वर‌दे रङ्से च येशूने कूल्‍बीदे। मदी त्‍यादे ङूने जन्‍म पीन्‍दे, मोशाजे नियम नङ्ने टूङ्दे।

हिब्रू 5:7

येशू ङ्वजे जीयाने क्यूप्प ङूने सीबदेबे सोम्बो चीम्मे ख्वबने ङूदे सोरो सकस् मेस्ये म्यामू तेल्देबे प्रार्थना चीत्दे, होर्‌दे ङूदे परमेश्वरने सेम् पर्‌तेब जीया चदेबे आज्ञा मन्देब कारणदे ङूजे प्रार्थना मेस्ये बिन्ती परमेश्‍वरदे ङ्‍यीन्दे।

हिब्रू 7:25

होरेक्‍यूत्‍देबे येशूने विश्‍वास चीत्‍देबे परमेश्‍वर ट्‌याने रबयू क्‍वानेने येतार्‌जे लागि ङूदे उद्धार चीम्मे खूइय। चेनेयलो थमयूजे लागि परमेश्‍वरप्रे प्रार्थना चीम्मेने ङू येतार्‌ने सोम्बो क्यून्‍नीय।

१ यूहन्‍ना 4:14

प परमेश्‍वरदे अम्‍ब संसारजे मुक्ति पीनब क्‍यूरने रङ्सेजे च कूल्‍बे ख्यङ् यदेबे ङीदे तङ ख्यङ्, मेस्‍ये अम्‍बजे गवाही पीन्‍क्‍य।