यूहन्‍ना 10:36 - घले नयाँ करार

³⁶ पदे पवित्र चीत्‍देबे संसारने कूल्‍बेब मीदे, ‘ङ परमेश्‍वरजे च ख्यङ्’ यदेबे यब केर्‌बे परमेश्‍वरजे न प्वेब क्‍यूक्‍क्‍य?

यूहन्‍ना 10:36 ပူးပေါင်းရင်းမြစ်များ

मत्ती 27:43

येशूदे परमेश्‍वरने भर् येख्‍य। परमेश्‍वर ङूप्रे सूग ख्यङ्देयलो चूजोने छूर्‌तीमीस्‍य, चेनेयलो ङूदे ‘रङ्सेने परमेश्‍वरजे च’, यदेबे य ख्‍य।”

मत्ती 27:54

कन्‍छ्वाब कप्‍तान मेस्‍ये ङूप्रे येशूने रेत्‍देबे टूनब मीयूदे सूङ्‍गू गीलेब मेस्‍ये होने क्‍यून्‍नब घटनायू तङ्दे, हन्‍छ्वाब सोरो फदेबे थमयूदे यदे, “तम्दम्‍ने, ङू परमेश्‍वरजे चने टूङ्।”

लूका 1:35

स्‍वर्गदूतदे ङूने जवाफ पीन्‍दे, “पवित्र आत्‍मा नने रीय, मेस्‍ये पात्‍ता नङ्ने केन् परमेश्‍वरजे शक्तिजे ल नैफ्‍याने पर्‌दीय। होरेक्यूत्देबे जन्मीदीसे ख्‍यब पीच ङू पवित्र, मेस्‍ये परमेश्‍वरजे च यीय।

यूहन्‍ना 10:35

कादेये कोइ ट्‌याने परमेश्‍वरजे वचन रदे, हम्‍बयूने ङूदे देवयू यदे, मेस्‍ये धर्मशास्त्र लूच्‍च क्‍यूर अन्खू,

यूहन्‍ना 17:18

नदे ङैने संसारने कूल्‍बेप्रने थमयूनेये ङैदे संसारने कूल्‍बे ख्यङ्।

यूहन्‍ना 17:21

होर्‌दे थमयू क्‍वाने त्‍या क्‍यूस्‍स्‍य। ओ पाइ, न केर्‌बे ङैप्रे ख्यङ्, मेस्‍ये ङैये नैप्रे ख्यङ्, होरप्रने थमयूये ङीनप्रे क्यूस्स्य, मेस्‍ये नदे ङैने कूल्‍बे ख्यङ् यदेबे संसारदे विश्‍वास चीस्‍स्‍य।

यूहन्‍ना 17:8

चेनेयलो कम्ब पो नदे ङैने पीन्‍दे, हम्‍ब पो ङैदे थमयूने पीन ख्यङ्, मेस्‍ये थमयूदे अम्ब मन्‍दे ख्यङ्। नदे कूल्‍बीदेबे ङ र ख्यङ् यब पो थमयूदे पक्‍कने कोक ख्यङ्, होर्‌दे नदे ङैने कूल्‍बे ख्यङ् यदेबे थमयूदे विश्‍वास चे ख्यङ्।

यूहन्‍ना 19:7

यहूदीयूदे ङूने जवाफ पीन्‍दे, “ङीजे धर्मजे नियमत्‍या ख्यङ्, मेस्‍ये हम्‍ब नियम अनुसार अम्‍ब मी सेने पर्‌दीय, चेनेयलो ङूदे रङ्सेने ङ परमेश्‍वरजे च ख्यङ् यदेबे य ख्यङ्।”

यूहन्‍ना 20:28

थोमादे येशूने यदे, “ङैजे प्रभु, मेस्‍ये ङैजे परमेश्‍वर।”

यूहन्‍ना 20:31

तर येर लिख्दीये ख्यङ्, यी नमयूदे येशू परमेश्‍वरजे च मुक्ति पीनब ख्रीष्‍ट ख्यङ् यदेबे विश्‍वास ची, मेस्‍ये विश्‍वास चेबदे ङूजे मीन्‍ने नमयूदे जीया प्रेस्‍स्‍य।

यूहन्‍ना 3:17

परमेश्‍वरदे रङ्से तीत्‍या चने संसारजे मीयूने दोष लैदेने दी, तर थमयूने बच्‍दीमेने कूल्‍बे ख्यङ्।

यूहन्‍ना 3:34

परमेश्‍वरदे कूल्‍बेब मीदे परमेश्‍वरजे पोने क्‍यम्‍क्‍य चेनेयलो परमेश्‍वरदे रङ्सेजे आत्मा पुरा रूप्‍दे पीन्‍क्‍य।

यूहन्‍ना 5:30

“ङ रङ्सेदे चैये चे अन्खू। ङैदे कर तैय, होरने न्याय चीक्‍क्‍य, मेस्‍ये ङैजे न्याय ज्‍य ठर्‌तीय, चेनेयलो ङ रङ्सेजे इच्छा अम्मल्, तर ङैने कूल्‍बेबजे इच्छा च ख्‍य हम्‍ब मेल्‍क्‍य।

यूहन्‍ना 6:27

नाश क्‍यूप्‍पब चसेजे लागि कूम छेम्‍प्रे अन्‍चील्‍लाची, तर कलङ्बेये अन्‍सीबब जीयासेमे टूङब चसेजे लागि छेम्‍प्रे ची ‘मीजे चदे’ नमयूने अम्‍ब पीन्‍क्‍य। चेनेयलो परमेश्‍वर पदे ङू फ्‍याने रङ्सेजे छाप पूदे ख्यङ्।”

यूहन्‍ना 6:38

रङ्से इच्छा पूरा चेने ङ स्वर्गदे रदी, तर ङैने कूल्‍बेबजे इच्छा पूरा चेने र ख्यङ्।

यूहन्‍ना 6:57

केर्‌बे सोम्‍बो पदे ङैने कूल्‍पीदे, मेस्‍ये ङ प प्रेने सोम्‍बो क्‍यूर ख्यङ्, होरप्रने ङैने चबये ङैजे कारणदे सोम्‍बो क्यूक्क्य।

यूहन्‍ना 6:69

मेस्‍ये परमेश्‍वरदे कूल्‍बेब पवित्र मी नने ख्यङ् यदेबे ङीदे विश्‍वास चे ख्यङ् मेस्ये स्ये ख्यङ्।”

यूहन्‍ना 8:42

येशूदे थमयूने यदे, “नमयूजे पब परमेश्‍वर यलो नमयूदे ङैने प्रेम चे ख्यङ्दे, चेनेयलो ङ परमेश्‍वरदे कूल्‍बेब क्‍यूत्‍देबे चूजो यैयाने ख्यङ्। ङ रङ्सेजे इच्छादे र दी, तर ङूदे ङैने कूल्‍बे ख्यङ्।

रोमी 1:4

ङीनजे प्रभू येशू ख्रीष्‍ट सीयेबदे फेरि सोम्‍बो क्यूत्देबे पवित्र आत्माजे शक्तिने परमेश्‍वरजे च ख्यङ् यदेबे ठर्‌तीकदे।

रोमी 8:3

पापी स्‍वभावदे मीने कमजोर चेब क्यूत्देबे मोशाजे नियमदे च चे अङ्‍खू हम्ब परमेश्‍वरदे चीम्‍मीदे। परमेश्‍वरदे रङ्से चने ङीन्‍जे ङ्वप्रेने ङीनजे पापजे लागि बलि क्‍यूरने कूल्‍बीदे येर्‌बे ङीन फ्‍याने राज्‍य चेब पापी स्वभावने नाश चीप्‍पीदे।

रोमी 9:5

यहूदीयू न-मीन् ख्यब मेमेयूजे छगूम्-पूरगूम्‍यू ख्यङ्, मेस्‍ये ख्रीष्‍टये थमयूजे वंशजे ख्यङ्। साप्‍ता थोक फ्‍याने राज्‍य चेब परमेश्‍वरजे येतार्‌ने जै-जै क्‍यून्‍नीस्‍य। आमेन।

गलाती 4:4

तर बील फ्‍योरीकमेस्‍ये परमेश्‍वर‌दे रङ्से च येशूने कूल्‍बीदे। मदी त्‍यादे ङूने जन्‍म पीन्‍दे, मोशाजे नियम नङ्ने टूङ्दे।