यूहन्‍ना 10:15 - घले नयाँ करार

¹⁵ केर्‌बे पदे ङैने स्‍ये ख्यङ्, ङैदेये पने स्‍ये ख्यङ्, होर्‌दे ङ ङैजे स्वान्‌यूजे लागि ङैजे रङ्से ङ्वये पीन्‍क्‍य।

यूहन्‍ना 10:15 ပူးပေါင်းရင်းမြစ်များ

मत्ती 11:27

“ङैजे पदे साप्‍ताकूरूने ङैने जिम्मा पीने ख्यङ्। पदेत्‍या रङ्से च कर ख्‍य यदेबे स्‍ये ख्यङ् सूजो सूदेये अन्‍स्‍ये मेस्‍ये चदेत्‍या प स्‍ये ख्यङ् सूजो सूदेये अन्‍स्‍ये। होर्‌दे चदे प कर ख्य यदेब सूने स्‍येला चीम्‍मेब सेम् चीक्क्य थमयूदेत्‍या स्‍येय।

मत्ती 20:28

केर्‌बे मीजे चये सेवा प्रेस्‍ये यदेबे रदी, तर सेवा चीत्‍देबे कूम पापीयूजे पाप छूर्‌देमेजे लागि रङ्सेजे प्राण पीनने रदे।”

लूका 10:21

हन्‍छ्वाबने पवित्र आत्माने येशू सूग्‍देबे यदे, “ओ पाइ, स्‍वर्ग प्रे पृथ्वीजे परमप्रभु, ङ नने धन्‍यवाद पीन्क्‍य, चेनेयलो नदे अम्‍ब पो बुद्धिमान मेस्ये टाठो-बाठोयूप्रे फूदेबे येत्दे मेस्ये नदे चैत्‍याये अन्‍स्येब पीचयूने स्येलाबे चीम्‍मीदे। चेनेयलो, पाइ नदे अम्‍बने ज्‍य थेदे।

लूका 10:22

“ङैजे पदे साप्‍ताकूरूने ङैने सूम्‍दीये ख्यङ्। च सू यदेबे पदेत्‍या स्ये ख्यङ्, सूजो सूदेये अन्‍स्ये। होरप्रने प सू यदेबे चदे त्‍या स्ये ख्यङ् सूजो सूदेये अन्‍स्ये, मेस्‍ये चदे सूने तनब सेम् चीक्‍क्‍य, ङूदेत्यामे सूजो सूदेये अन्‍स्ये।”

यूहन्‍ना 1:18

परमेश्‍वरने कलङ्बे सूदेये अन्‍तङ्। पप्रे ख्‍यब तीत्‍यात्‍या चदे पने तम्‍मे ख्यङ्।

यूहन्‍ना 10:11

ङ सोरो ज्‍य प्रङ्ब ख्यङ्। सोरो ज्‍य प्रङ्बदे रङ्सेजे स्वान्‌यूजे लागि रङ्से ङ्वने पीन्‍क्‍य।

यूहन्‍ना 15:13

रङ्से ख्‍योन्‍जे लागि रङ्सेजे प्राण पीनब केन् प्रेम ख्यङ् अम्‍बयली सूजो केन् प्रेम सूजेये अन्‍क्‍यूर्‌।

यूहन्‍ना 17:25

“धार्मिक प, संसारदे नने अन्‍स्‍ये, तर ङैदे नने स्‍ये ख्यङ्, होर्‌दे नदे ङैने कूल्‍बे ख्यङ् यदेबे अम्‍बयूदेये स्‍ये ख्यङ्।

यूहन्‍ना 6:46

सूमीदेये पने अन्‍तङ ख्यङ्, परमेश्‍वर पदे कूल्‍बेबदे त्‍यामे ङूने तङ ख्यङ्।

यूहन्‍ना 8:55

नमयूदे ङूने अन्‍स्‍ये, तर ङूने ङैदे चेलाबे स्‍ये ख्यङ्। ङैदे ङूने अन्-स्येयलो ङैये नमयू प्रने लूच्‍च ठर्‌तीय। तर ङैदे ङूने स्‍येय मेस्‍ये ङूदे यब पोने मन्‍दीय।

गलाती 1:4

ङीनजे प-परमेश्‍वर‌जे इच्छा अनुसार येशूदे दीनीजे अम्‍ब अन्‍ज्‍य जूक्‍ने ङीनने जूक्‍तीमेने ङीनजे पाप‍जे लागि रङ्सेने पीन्‍दे।

गलाती 3:13

ङीनदे प्रे पर्‌देब श्राप ख्रीष्‍टदे प्‍लेत्‍दे मेस्‍ये मोशाजे नियम अनुसार प्रे पर्‌तेब श्रापदे ङीनने छूर्‌दीमीदे, चेनेयलो “तोङ्बोने पीलब क्‍वाने श्राप प्रेब क्‍यूक्‍क्‍य” यदेबे धर्मशास्‍त्रने लिख्दीये ख्यङ्।

एफिसी 5:2

नमयू त्‍यादे त्‍याने प्रेम ची, केर्‌बे ख्रीष्‍टदेये ङीनयूने प्रेम चीत्‍दे, मेस्‍ये परमेश्‍वरने सेम् पर्‌तेब लेम बस्‍न रब भेटी मेस्ये बलिजे रुप्ने ङीनजे लागि रङ्सेजे जीया बलि पीन्‍दे।

तीतस 2:14

येशू ख्रीष्‍टदे ङीनने साप्‍ता किसिमजे पापदे छुर्‌तेजे लागि रङ्से प्राणये पीन्‍दे। ङूदे ङीनने पवित्र चेने रङ्से मी बन्‍दीदे, मेस्‍ये ज्‍य काम चेने जोसीलो क्यूरने येरे चीत्दे।

१ पत्रुस 2:24

पापजे लागि ङीन सीबदेबे धार्मिकताजे लागि जीया चखूस्‍य यदेबे ख्रीष्‍टदे ङीनजे पाप रङ्से ङ्वने प्‍लेत्‍देबे क्रूसने पील्‍दे। ङूदे प्रेब कष्‍‍‍टजे मयूदे नमयू तम् क्‍यूत्‍दे।

१ पत्रुस 3:18

चेनेयलो ख्रीष्‍टदे ङीनजे पापयू प्‍लेत्‍देबे येतार्‌जे लागि त्‍याफेने सीइदे। ङूदे कलङ्बेये पाप अन्‍चे ख्‍य, तर नमयूने परमेश्‍वर ट्‍याने कूबने पाप चेयूजे लागि सीइदे। ङू ङ्वने सीइदे, तर आत्‍माजे शक्तिने ङू फेरि सोम्‍बो क्यूत्दे।

१ यूहन्‍ना 2:2

ङीनजे पाप क्षमा चेजे लागि येशू ख्रीष्‍ट बलि क्‍यूत्‍दे, मेस्‍ये ङीनजे लागित्‍या दी, तर मुलुकभरी ख्‍यब मीयूजे लागिये पापजे बलि क्‍यूत्‍दे।