यूहन्‍ना 1:51 - घले नयाँ करार

⁵¹ होर्‌दे ङूने यदे, “तम्दम्‍ने, ङ नने यीय, नमयूदे स्वर्ग पूक्‍‍येब मेस्‍ये परमेश्‍वरजे दूतयूने मीजे च ट्‌याने रेनब मेस्‍ये प्रेनब तङ्क्य।”

यूहन्‍ना 1:51 ပူးပေါင်းရင်းမြစ်များ

मत्ती 25:31

“कन्‍छ्वाब केन् महिमाने मीजे च रङ्से स्वर्गदूतयूप्रे रीय, हन्‍छ्वाब ङू मूरुम् टूङब सिंहासनने टूङ्क्‍य।

मत्ती 26:24

धर्मशास्‍त्रने केर्‌बे लिख्‍दीये ख्‍य मीजे च होर्‌बेने प्रने पर्‌दीय। तर हम्‍बने धिक्‍कार ख्यङ् सूदे मीजे चने चूङ्स्‍ये पीन्क्‍य! हम्‍ब मीब अन्जन्मीदी‍लो ङूजे लागि सोरो ज्‍य क्‍यूर ख्यङ्दे।”

मत्ती 3:16

होर्‌दे येशू बप्‍तिस्मा क्‍यूत्‍देबे छाट्‍टे क्‍यूनङ्दे तो लङ्‍रदे, होर्‌दे स्वर्ग स्‍यायी, मेस्‍ये ङूदे धोङ्‍रप्र परमेश्‍वजे आत्मा मो-रङ्से फ्‍याने तल्‍लीनब तङ्दे।

मत्ती 4:11

होर्‌दे ङू पोङ्‍गीदेबे शैतान गीली। स्वर्गदूतयू रदेबे ङूजे सेवा चीत्‍दे।

मत्ती 8:20

येशूदे ङूने यदे, “ओवजे टूङब भोङ् क्‍यूक्‍क्‍य मेस्‍ये मूने स्‍यूनब ययूजे चङ् क्‍यूक्‍क्‍य, तर मीजे चजे लागि ट ङ्‍येलब नेत्‍याये त्‍वो।”

मत्ती 9:6

तर पृथ्वीने पाप क्षमा चेब हक मीजे चने ख्‍यङ् यब पो नमयूदे था प्रेस्‍स्‍य।” होर्‌दे येशूदे हम्‍ब ला-तोप् स्‍येब बीदजे नबने यदे, “लङ्, नैजे खर्‌ प्‍लेत्देबे कीम्‍ने प्र।”

मर्कूस 1:10

येशू क्‍यू नङ्दे कन्छ्वाब लङ्‌रदे हन्छ्वाबने स्‍वर्ग पूक्‍देबे पवित्र आत्‍मा धोङ्‌रप्र ङू फ्‍याने रेनब तङ्दे।

मर्कूस 14:62

येशूदे यदे, “अ, ङ ख्यङ्। त्‍याफे नमयूदे मीजे चने सर्वशक्तिमान परमेश्‍वरजे स्येत्‍तेयोर्‌ टूनब मेस्‍ये मूने ख्यब मूक्‍पयूप्रे रेनब तङ्‌क्‍य!”

लूका 2:13

होर्‌दे त्‍याफेने हम्‍ब स्वर्गदूतप्रे स्‍वर्गजे सेनाजे हुलत्‍या तङ्‍रदे। परमेश्‍वरजे जै-जै चीदे-चीदे, थमयूदे यदे,

लूका 2:9

प्रभुजे स्‍वर्गदूत त्‍या थमयू ट्‌याने रदे, मेस्‍ये प्रभुजे ओथ्याङ् थमयूजे ती-छो चम्‍कीदीदे, होर्‌दे थमयू सोरो फैगदे।

लूका 22:43

हन्‍छ्वाब स्‍वर्गदे दूतत्या रदेबे येशूने बोङ् मेस्ये सैदे ख्वब बोङ् पीन्दे।

लूका 22:69

तर जेम्से मीजे च परमेश्‍वरजे शक्तिजे स्येत्‍देयोर टूङ्क्‍य।”

लूका 24:4

होर्‌दे थमयू अम्‍बजे बारेने अल्मल् पर्‌दीन ख्‍य, हन्‍छ्वाब चकिलो कोला ह्‍वेब पती ङ्ही थमयू ट्‌याने मेर्‌रदे।

लूका 3:21

हन्‍छ्वाब मीयू क्वादेने बप्‍तिस्‍मा कीन्‍दे, होर्‌दे येशूदेये बप्‍तिस्‍मा कीन्‍देबे प्रार्थना चीन्‍न ख्‍य, हन्‍छ्वा स्‍वर्ग पूक्‍गीदेबे,

यूहन्‍ना 1:50

येशूदे ङूने जवाफ पीन्‍दे, “ङैदे नने अञ्जीर तोङ्बोजे नङ्ने तङ्दे यबने न विश्‍वास चे औ? नदे अम्‍ब यली थेप् केन् सेयू तङ्क्य।”

यूहन्‍ना 10:1

“तम्दम्‍ने ङ नमयूने यीय, सू सोम्‍प्रङ्जे ख्‍योदे नङ्ने अन्‍क्‍योर, तर सूजो नेदे टदेबे नङ्ने क्‍योरीय, हम्‍ब खूमान् मेस्‍ये डाँकू क्‍यूक्‍क्‍य।

यूहन्‍ना 10:7

येरेक्‍यूत्‍देबे येशूदे थमयूने फेरि यदे, “तम्दम्‍ने ङ नमयूने यीय, स्वान्‌यूजे ख्‍यो ङ ख्यङ्।

यूहन्‍ना 13:16

तम्दम्ने ङ नमयूने यीय, त्वो रङ्सेजे मालिक यली केन् अन्‍क्‍यूर्‌, होर्‌दे खबर कूबब मी खबर चङ्बेब मी यली केन् अन्‍क्‍यूर्‌।

यूहन्‍ना 13:38

येशूदे जवाफ पीन्‍दे, “नदे रङ्सेजे प्राण ङैजे लागि पीन्‍क्‍य य औ? तम्दम्‍ने ङ नने यीय, नदे ङैने सोम्‍फेसेमे अन्‍स्‍ये अन्-यदासेमे कप ठ्वास्‍ये त्‍वो।”

यूहन्‍ना 14:12

“तम्दम्‍ने ङ नमयूने यीय, सूदे ङैने विश्‍वास चीक्‍क्‍य, हम्‍बदे ङैदे चेब कामये चीक्‍क्‍य, मेस्‍ये हम्‍बयली थेप् केन् काम चीक्‍क्‍य, चेनेयलो ङ प ट्‌याने प्रेन ख्यङ्।

यूहन्‍ना 16:20

तम्दम्‍ने, ङ नमयूने यीय, नमयू ङूय मेस्‍ये रप् चीक्क्य, तर संसारजे मीयू सूग्‍क्‍य। नमयू रप् चेब क्‍यूक्‍क्‍य, तर नमयूजे रप् आनन्दने फेर्‌दीप्रीय।

यूहन्‍ना 16:23

हम्‍ब बीलने नमयूदे ङैने चैये लोस्‍स्‍ये त्‍वो। तम्दम्‍ने ङ नमयूने यीय, नमयूदे ङैजे मीन्‍ने पप्रे च स्‍येय ङूदे हम्‍ब नमयूने पीन्‍क्‍य।

यूहन्‍ना 21:18

तम्दम्‍ने, ङ नने यीय, कन्‍छ्वाब न स्‍योर्‌ब ख्‍य, न रङ्सेदे रङ्सेजे कूच्यू ख्‍या ख्‍य, मेस्‍ये केने प्रदीरीको होनेने प्र ख्‍य। तर कन्‍छ्वाब न गान्गून् क्‍यूप्पीय, हन्‍छ्वाब नदे रङ्सेजे ला तान्‍तीय, मेस्‍ये सूजोयूदे नैजे कूच्यू ख्‍यामीय, होर्‌दे केने न प्रतीङ् अन्‍ड होनेने कूबीय।”

यूहन्‍ना 3:3

येशूदे ङूने जवाफ पीन्‍दे, “तम्दम्‍ने ङ नने यीय, फेरि सर्‌ क्‍यूत्‍देबे अन्‍जन्मीदीदे यलो सूदेये परमेश्‍वरजे राज्‍य तङ प्रेस्‍स्‍ये त्‍वो।”

यूहन्‍ना 3:5

येशूदे जवाफ पीन्‍दे, “तम्दम्‍ने ङ नने यीय, क्‍यू मेस्‍ये आत्मादे अन्‍जन्मीदीतासेमे सूत्‍याये परमेश्‍वरजे राज्‍यने क्‍योब प्रेस्‍से त्‍वो।

यूहन्‍ना 5:19

येशूदे थमयूने यदे, “तम्दम्‍ने ङ नमयूने यीय, च रङ्सेदेने चैये चे अन्खू, तर पदे च चेब तङ्‍क्य हम्‍बत्‍यामे चीक्‍क्‍य, चेनेयलो पदे च चीक्‍क्‍य, चदेये होरप्रने चीक्‍क्‍य।

यूहन्‍ना 5:27

होर्‌दे ङूदे चने न्याय चेब हक पीन्‍क ख्यङ्, चेनेयलो ङू मीजे च ख्यङ्।

यूहन्‍ना 6:26

येशूदे थमयूने जवाफ पीन्‍दे, “तम्दम्‍ने ङ नमयूने यीय, ङैदे तनब च्‍यूनूयू तङ्देबे दी, तर क्यङ् कलाबे च प्रेत्‍देबे ङैने मल ख्यङ्।

यूहन्‍ना 6:32

येशूदे थमयूने यदे, “ङ नमयूने तम्दम्‍ने यीय, नमयूने स्वर्गदे क्‍यङ् पीनब मोशा दी, तर स्वर्गदे नमयूने तम्दम्‍जे क्‍यङ् पीनब ङैजे प ख्यङ्।

यूहन्‍ना 6:47

तम्दम्‍ने ङ नमयूने यीय, सूदे ङैने विश्‍वास चीक्क्य ङूप्रे कलङ्बेये अन्सीबब जीया ख्यङ्।

यूहन्‍ना 6:53

मेस्‍ये येशूदे थमयूने यदे, “तम्दम्‍ने ङ नमयूने यीय, नमयूदे मीजे चजे ङ्व अन्‍चलो, होर्‌दे ङूजे का अन्‍थूङ्लो नमयूदे जीया प्रेस्‍स्‍ये त्‍वो।

यूहन्‍ना 8:34

येशूदे थमयूने जवाफ पीन्‍दे, “तम्दम्‍ने, ङ नमयूने यीय, पाप काम चेब मी क्‍वाने पापजे त्‍वो ख्यङ्।

यूहन्‍ना 8:51

तम्दम्‍ने ङ नमयूने यीय, कादेये ङैदे यब वचन कोइदे मन्दी‍देयलो हम्‍बदे कलङ्बेये सीब पर्‌दीस्‍ये त्‍वो।”

यूहन्‍ना 8:58

येशूदे थमयूने यदे, “तम्दम्ने ङ नमयूने यीय, अब्राहाम जन्मीदेयली खूम्‍देमेस्‍येने ङ ख्‍य।”

मूल स्यूस्स्यायूजे कामजे किताब 10:11

ङूदे स्वर्ग पूक्‍येब मेस्‍ये हैयादे सूर् स्यीनेने ख्यायेब च्‍यातरप्र त्‍या चत्या पृथ्वीतेले तल्‍लीनब तङ्दे।

मूल स्यूस्स्यायूजे कामजे किताब 7:56

होर्‌दे ङूदे यदे, “ले, स्वर्ग पूक्‍येब ङैदे तङ्दे, मेस्‍ये हैयाने परमेश्‍वरजे स्येत्‍तेयोर् मीजे च मेरनब ङैदे तङ्दे।”

२ थेसलोनिकी 1:7

मेस्‍ये नम सकस् प्रेबयूने ङीयूप्रे आनन्द क्यूस्‍स्‍ये पीन्क्‍य। अम्‍ब हन्‍छ्वाब क्‍यूक्‍क्‍य, कन्‍छ्वाब प्रभु येशू रङ्सेजे शक्तिशाली स्वर्गदूतयूप्रे प्ल्याङ्नब मीने स्‍वर्गदे रब अम्‍ब टक्कने चीक्‍क्‍य।

२ थेसलोनिकी 1:9

थमयूदे कलङ्बेये अन्जेनब नाशजे दण्ड मेस्‍ये प्रभुजे खूम्ने मेस्ये ङूजे शक्तिजे महिमादे अलग क्‍यूर पर्‌देब दण्ड प्रेक्‍क्‍य।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

हिब्रू 1:14

हम्‍ब स्‍वर्गदूतयू क्‍वाने मूक्ति प्रेब मीयूजे लागि सेवा चेने कूल्‍बेब परमेश्‍वरजे सेवा चेब आत्‍मायू ते या?

यहूदा 1:14

आदमजे पुस्ता ङ्यीजे हनोकदेये अम्‍ब मीयूजे बारेने येर अगमवाणी क्यम ख्‍य, “ले, चीलने अङ्‍ख्व हजारदे-हजार पवित्र दूतयू प्रेप्रेने परमप्रभु रीय,

प्रकाश 19:11

स्वर्गजे ख्‍यो पूक्येब ङैदे तङ्दे मेस्‍ये हैयाने मी टदेबे प्रब त कर्‌ त्‍या ख्‍य। हम्‍ब त-फ्‍याने टदेबे प्रबने “भर्‌पर्‌तेब” मेस्‍ये “सत्य” ख्यङ् यदेबे यीय। ङूदे ज्‍य न्याय चीत्‍देबे लडाइँ चीक्‍क्‍य।

प्रकाश 4:1

होर्‌दे ङ्येदे ङैदे लेप्‍प स्वर्गने ख्‍यो त्‍या होङ् क्‍यून्‍नब तङ्दे। ङैदे पात्‍ता खूम् तब आवाज धूङ्‌कूर्‌जेप्र ख्‍य, हम्‍ब आवाजदे ङैप्रे येर्‌बे क्‍यम्‍न ख्‍य- “अन्‍तो ख, होर्‌दे अम्‍ब ङ्येदे च-च क्यूट्‍टीय, हम्‍ब ङ नने तम्‍मीय।”