यूहन्‍ना 1:44 - घले नयाँ करार

⁴⁴ अन्द्रियास मेस्ये पत्रुस फिलिपये बेथसेदा सहरजेने ख्‍य।

यूहन्‍ना 1:44 ပူးပေါင်းရင်းမြစ်များ

मत्ती 10:3

फिलिप, बारथोलोमाइ, थोमा मेस्‍ये स्‍योर्‌म लङब मत्ती, अल्‍फयसजे च याकूब मेस्‍ये थेदियस,

मत्ती 11:21

“खोराजीनजे मीयू, नमयूने धिक्‍कार! बेथसेदाजे मीयू, नमयूने धिक्‍कार! चेनेयलो नमयू टूङब सहरयूने चीक्‍कब सोरो शक्तिशाली कामयू टुरोसप्रे सीदोन‍ने चीक्‍क यलो थमयूदे मीयूङ्ने पश्‍चात्तापजे कोला होत्‍देबे मेल छेल्‍देबे पश्चाताप चीत्‍देबे परमेश्‍वरतेले ल्‍वार ख्यङ्दे।

मर्कूस 3:18

अन्‍द्रियास, फिलिप, बारथोलोमाइ, मत्ती, थोमा, अल्‍फयसजे च याकूब, मेस्‍ये थेदीयस, सिमोन कनानी,

मर्कूस 6:45

होर्‌दे खात्याने येशूदे स्यूस्स्यायूने डुङ्गाने टदेबे तीप्‍ल्‍या बेथसेदाने ङू यली खूम्‍ने प्रने च्‍योल्‍दे, मेस्‍ये हन्‍छ्वाब ङूदे मी हुल‍ने कूल्‍बीदे।

मर्कूस 8:22

होर्‌देङ्‌येदे येशू बेथसेदाने फ्‍योरदे, हैयाने मीयूदे म्या अन्तङ्ब मी त्‍या ङू ट्‌याने रेत्‍दे, मेस्‍ये ङूने छूम्‍मी यदेबे बिन्‍ती चीत्‍दे।

लूका 10:13

“धिक्‍कार नने, खोराजीन! धिक्‍कार नने, बेथसेदा! चेनेयलो नमयूजे अन्‍द्रगूङ्ने चेब शक्तिशाली कामयू टुरोसप्रे सिदोनने चेप्र यलो हैयाजे मीयूदे खूम्ने पश्‍चात्तापजे कोला होत्‍देबे मील छेल्देबे पश्चात्ताप चे ख्यङ्दे।

लूका 6:14

सिमोन, ङूने येशूदे पत्रुस यदेबे मीन येत्‍दे, मेस्‍ये ङूजे च्‍योन् अन्‍द्रियास, याकूब, यूहन्‍ना, फिलिप मेस्ये बारथोलोमाइ,

लूका 9:10

होर्‌दे मूल स्यूस्स्यायू ल्‍वारदेबे थमयूदे चेब कामयू क्वाने येशूने स्‍योत्‍दे। ङूदे थमयूने प्रे-प्रे टेल्‍देबे बेथसेदा यब सहरने आलाक्के गीलीदे।

यूहन्‍ना 1:43

नैदेरेदे ङूदे गालीलने प्रब पक्‍क चीत्‍दे। ङूदे फिलिपने तूदेबे यदे, “ङैजे ङ्ये-ङ्ये ख।”

यूहन्‍ना 1:45

फिलिपदे नथानेलने तूदेबे यदे, “मोशाजे नियम‍ने मेस्‍ये अगमवक्तायूदे सूजे बारेने लिख्दीये ख्‍य, हम्‍ब योसेफजे च, नासरतजे येशूने ङीदे त्‍व ख्यङ्।”

यूहन्‍ना 1:46

नथानेलदे ङूने यदे, “नासरतदे ज्‍य से योङ्‍र खूइया?” फिलिपदे ङूने जवाफ पीन्‍दे, “रदेबे लेख्‍ख।”

यूहन्‍ना 1:48

नथानेलदे लोत्‍दे, “नदे ङैने केर्‌बे स्‍येदे?” येशूदे ङूने जवाफ पीन्‍दे, “फिलिपदे नने क्‍वयली खूम्‍ने ङैदे न अञ्‍जीर तोङ्बोजे नङ्ने तङ ख्‍य।”

यूहन्‍ना 12:21

थमयू गालीलजे बेथसेदा यब नेने टूङब फिलिप ट्‌याने रदे मेस्‍ये येरे यदेबे बिन्ती चीत्‍दे, “अँ, ङी येशूने तूतीङ् र ख्यङ्।”

यूहन्‍ना 12:22

फिलिप गीलीदेबे आन्‍द्रियासने यदे, मेस्‍ये आन्‍द्रियास मेस्ये फिलिप गीलीदेबे येशूने यदे।

यूहन्‍ना 6:5

होर्‌दे येशूदे तीछो लेप्‍प मी हुल‍त्‍या ङूतेले रेनब तङ्देबे ङूदे फिलिपने यदे, “अम्‍ब मीयूने पीनब चसे ङीनदे केर्‌दे रे?”

यूहन्‍ना 6:7

फिलिपदे येशूने जवाफ पीन्‍दे, “यैयाने ख्‍यब खोत्‍तानेने क्‍यङ् छीत्‍या छीत्‍या पीन्‍लीने सै ङ्ही चाँदीजे मन्द्रामूलीदेये लङ्स्‍ये त्‍वो।”

मूल स्यूस्स्यायूजे कामजे किताब 1:13

यरूशलेम फ्‍योइदेबे थमयू रङ्से टूङब कीम्‍जे फ्‍याब ताल्‍ल्‍याने टदेबे कोठाने फूङ् क्‍यूत्‍दे, हैयाने टूङब मीयू, पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ मेस्‍ये मत्ती, देशने माया चेब टोलीजे सिमोन मेस्ये याकूबजे च यहूदा ख्‍य।